"ಭೀಮ' ಚಿತ್ರದಲ್ಲಿ ಇನ್ಸ್ಪೆಕ್ಟರ್ ಗಿರಿಜಾ ಪಾತ್ರದಲ್ಲಿ ಮಿಂಚಿದ್ದ ನಟಿ ಪ್ರಿಯಾ ಷಠಮರ್ಷಣ ಇದೀಗ ಹ್ಯಾಟ್ರಿಕ್ ಚಿತ್ರಗಳಲ್ಲಿ ಖಾಕಿ ಧರಿಸಿದ್ದಾರೆ. "ಕಸ್ಟಡಿ', "ಕುಂಭ ಸಂಭವ' ಮತ್ತು "ಗಾಂಧಿ ಸ್ಕ್ವೇರ್' ಸಿನಿಮಾಗಳಲ್ಲಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ, ಹೊಸ ಕೇಸ್ಗಳ ಬೆನ್ನು ಹತ್ತಿದ್ದಾರೆ. ""ಭೀಮ' ಚಿತ್ರದ ಇನ್ಸ್ಪೆಕ್ಟರ್ ಗಿರಿಜಾ ಪಾತ್ರಕ್ಕೆ ತುಂಬ ಒಳ್ಳೆಯ ಪ್ರತಿಕ್ರಿಯೆ ದೊರೆಯಿತು. ಜತೆಗೆ 20ಕ್ಕೂ ಹೆಚ್ಚು ಅದೇ ರೀತಿಯ ಪೊಲೀಸ್ ಪಾತ್ರಗಳ ಆರ್ಸ್ ಬಂದವು. ಕಥೆ ಕೇಳಿ, ಒಂದೇ ರೀತಿಯ ಪಾತ್ರಗಳನ್ನು ಒಪ್ಪದೇ, ವಿಭಿನ್ನ ಕಥೆ, ಬೇರೆ ಬೇರೆ ಶೇಡ್ಗಳಿರುವ ಪಾತ್ರವನ್ನು ಮಾತ್ರ ಒಪ್ಪಿಕೊಂಡೆ. "ಭೀಮ'ದಲ್ಲಿ ನೆನಪಿಗಾಗಿ ಪೊಲೀಸ್ ಯೂನಿಾರಂ ತೆಗೆದಿಟ್ಟುಕೊಂಡಿದ್ದೆ. ಬಳಿಕ "ಕಸ್ಟಡಿ'ಗೆ ಇನ್ನೊಂದು ಯೂನಿಫಾರ್ಮ್, "ಕುಂಭ ಸಂಭವ'ಕ್ಕೆ ಮತ್ತೊಂದು ಯೂನಿಫಾರ್ಮ್ ತೆಗೆದುಕೊಂಡೆ. ಹೀಗೆ ನನ್ನ ಬಳಿ ಈಗ ಮೂರು ಖಾಕಿ ಯೂನಿಫಾರ್ಮ್ಗಳಿವೆ. ಬ್ಯಾಕ್ ಟು ಬ್ಯಾಕ್ ಪೊಲೀಸ್ ಪಾತ್ರಗಳಲ್ಲೇ ನಟಿಸುತ್ತಿರುವ ಕಾರಣ, ಕೆಲವೊಮ್ಮೆ ಶೂಟಿಂಗ್ ಅಲ್ಲ ಡ್ಯೂಟಿಗೆ ಹೋಗುತ್ತಿರುವ ಫೀಲ್ ಆಗುತ್ತದೆ. ಠಾಣೆಯಿಂದ ಠಾಣೆಗೆ ಟ್ರಾನ್ಸ್ರ್ ಆಗಿ, ಹೊಸ ಕೇಸ್ ತೆಗೆದುಕೊಂಡಿರುವಂತೆ ಭಾಸವಾಗುತ್ತದೆ' ಎಂದು ನಗುತ್ತಾರೆ ಪ್ರಿಯಾ.
