ಇನ್ನು ಲಾಕ್ಡೌನ್ ಹಿನ್ನೆಲೆಯಲ್ಲಿ ತರಗತಿಗಳು ನಡೆಯುತ್ತಿಲ್ಲ. ಆನ್ಲೈನ್ ಮೂಲಕವೇ ತರಗತಿಗೆ ಹಾಜರಿ ಹಾಕುತ್ತಿರುವ ಮೇಘನಾ, ಓದಿನ ಜತೆಗೆ ಸಿನಿಮಾ ಸಂಬಂಧಿ ಕೆಲಸಗಳಲ್ಲಿಯೂ ಬಿಜಿಯಾಗಿದ್ದಾರೆ. ‘ಕ್ರಿಯೇಟಿವ್ ಆಗಿ ಏನಾದರೂ ಮಾಡಬೇಕೆಂಬ ಉದ್ದೇಶದಿಂದ ಕವಿತೆಗಳನ್ನು ಬರೆಯುತ್ತಿದ್ದೇನೆ. ಚಿಕ್ಕ ಚಿಕ್ಕ ಸ್ಟೋರಿಗಳು, ಸಿನಿಮಾ ವೀಕ್ಷಣೆಯಲ್ಲಿ ತೊಡಗಿಸಿಕೊಂಡಿದ್ದೇನೆ. ಎಂದಿನಂತೆ ಯೋಗ, ಡಯಟ್ ಸಹ ಚಾಲ್ತಿಯಲ್ಲಿದೆ’ ಎನ್ನುವ ಮೇಘನಾ ಕಾದಂಬರಿ ಬರೆಯುವ ಬಗ್ಗೆಯೂ ಯೋಜನೆ ಹಾಕಿದ್ದಾರೆ. ಸಿನಿಮಾ ವಿಚಾರಕ್ಕೆ ಬರುವುದಾದರೆ, ಸಂತೋಷ್ ನಿರ್ದೇಶನದ ‘ಶುಭಮಂಗಳ’ ಸಿನಿಮಾದಲ್ಲಿ ಮೇಘನಾ ನಟಿಸಿದ್ದು, ಕರೊನಾ ಇಲ್ಲದಿದ್ದರೆ, ಇಷ್ಟೊತ್ತಿಗಾಗಲೇ ಸಿನಿಮಾ ತೆರೆಕಂಡಿರಬೇಕಿತ್ತು. ಇದೀಗ ಒಟಿಟಿಯಲ್ಲಿ ಬಿಡುಗಡೆ ಮಾಡುವ ಲೆಕ್ಕಾಚಾರದಲ್ಲಿದೆ ತಂಡ. ಅದಲ್ಲದೆ, ‘ಕರ್ವ 3’ ಚಿತ್ರವೂ ಅಕ್ಟೋಬರ್ ವೇಳೆಗೆ ಶುರುವಾಗಲಿದೆ.
