ನಿರ್ಮಾಪಕಿಯಾದ ಕಂಗನಾ: ಮಣಿಕರ್ಣಿಕಾ ಫಿಲಂಸ್ ಮೂಲಕ ಚಿತ್ರ ನಿರ್ಮಾಣ

ಕಳೆದ ವರ್ಷದ ಆರಂಭದಲ್ಲೇ ಮಣಿಕರ್ಣಿಕಾ ಫಿಲಂಸ್ ಎಂಬ ನಿರ್ಮಾಣ ಸಂಸ್ಥೆಯನ್ನು ಹುಟ್ಟುಹಾಕಿದ್ದರು ಕಂಗನಾ ರಣಾವತ್. ಆದರೆ, ಈ ಸಂಸ್ಥೆಯಿಂದ ಯಾವುದೇ ಚಿತ್ರ ನಿರ್ವಣವಾಗಿರಲಿಲ್ಲ.

ಈಗ ಓವರ್ ದಿ ಟಾಪ್​ಗೆ (ಓಟಿಟಿ) ಹೊಸ ಚಿತ್ರವೊಂದನ್ನು ನಿರ್ವಿುಸುವುದಾಗಿ ಕಂಗನಾ ಘೋಷಿಸಿದ್ದಾರೆ. ಅಷ್ಟೇ ಅಲ್ಲ, ತಮ್ಮ ಮಣಿಕರ್ಣಿಕಾ ಫಿಲಂಸ್ ಸಂಸ್ಥೆಯ ಲೋಗೋ ಅನಾವರಣ ಮಾಡಿದ್ದಾರೆ. ಅಂದಹಾಗೆ, ಮಣಿಕರ್ಣಿಕಾ ಫಿಲಂಸ್​ನಡಿ ಕಂಗನಾ ನಿರ್ವಿುಸುತ್ತಿರುವ ಹೊಸ ಚಿತ್ರದ ಹೆಸರು ‘ಟೀಕು ವೆಡ್ಸ್ ಶೇರು’. ಇದೊಂದು ಲವ್​ಸ್ಟೋರಿಯಾಗಿದ್ದು, ಈ ಚಿತ್ರದ ಮೂಲಕ ಹೊಸಬರನ್ನು ಪರಿಚಯಿಸಲಾಗುತ್ತಿದೆಯಂತೆ.

ಸದ್ಯಕ್ಕೆ, ಚಿತ್ರದ ಹೆಸರು ಮಾತ್ರ ಬಹಿರಂಗವಾಗಿದ್ದು, ಯಾರೆಲ್ಲ ನಟಿಸುತ್ತಾರೆ ಮತ್ತು ಯಾರು ನಿರ್ದೇಶನ ಮಾಡುತ್ತಾರೆ ಎಂಬ ವಿಷಯವನ್ನು ಸದ್ಯಕ್ಕೆ ರಹಸ್ಯವಾಗಿ ಇಡಲಾಗಿದೆ. ಇನ್ನು, ಕಂಗನಾ ಅಭಿನಯದ ‘ಥಲೈವಿ’ ಚಿತ್ರವು ಬಿಡುಗಡೆಗೆ ಸಿದ್ಧವಾಗಿದ್ದು, ಎಲ್ಲ ಅಂದುಕೊಂಡಂತೆ ಆಗಿದ್ದರೆ ಈ ಚಿತ್ರ ಏಪ್ರಿಲ್ 23ರಂದು ಬಿಡುಗಡೆಯಾಗಬೇಕಿತ್ತು. ಚಿತ್ರ ಅನಿರ್ಧಿಷ್ಟಾವಧಿ ಮುಂದಕ್ಕೆ ಹೋಗಿದ್ದು, ಹೊಸ ದಿನಾಂಕ ಇನ್ನಷ್ಟೇ ಗೊತ್ತಾಗಬೇಕಿದೆ.