"ಬೇಸ್ ಕ್ಯಾಂಪ್ಗೆ ಹೋಗಬೇಕು ಅಂತ ಬಹುದಿನಗಳ ಆಸೆಯಿತ್ತು. ಅದರಂತೆ ಕಳೆದ ಮೇನಲ್ಲಿ 14 ದಿನಗಳ ಕಾಲ ಟ್ರೆಕಿಂಗ್ ಹೋಗಿ ಬಂದೆ. ಬೆಂಗಳೂರಿನಿಂದ ಗೋರಖಪುರಕ್ಕೆ ವಿಮಾನದಲ್ಲಿ ಹೋಗಿ. ಅಲ್ಲಿಂದ ಬಸ್ನಲ್ಲಿ ನೇಪಾಳ ಗಡಿ ದಾಟಿ ಕಾಠ್ಮಂಡುಗೆ ತೆರಳಿದೆ. ಅಲ್ಲಿಂದ 130 ಕಿಮೀಗಳ ಸುದೀರ್ ಬೇಸ್ ಕ್ಯಾಂಪ್ ಟ್ರೆಕಿಂಗ್ ಪ್ರಾರಂಭಿಸಿದೆ. ಬೇಸ್ ಕ್ಯಾಂಪ್ಗೆ ಹೋಗುವಾಗ ಎಂಟು ದಿನ ಬೇಕಾಯಿತು. ನಾಲ್ಕೈದು ದಿನಗಳಲ್ಲಿ ವಾಪಸ್ ಬಂದೆ. ಈ ಟ್ರೆಕ್ನಲ್ಲಿ ಹಿಮಚ್ಛಾದಿತ ಬೆಟ್ಟ ಗುಡ್ಡ, ಬಂಡೆಗಲ್ಲು, ಹಸಿರ ಸಿರಿ, ಬರಡು ಪ್ರದೇಶ... ಹೀಗೆ ಎಲ್ಲ ಬಗೆಯ ಪ್ರಾಕೃತಿಕ ಸೌಂದರ್ಯಗಳೂ ಎದುರಾದವು. ಅದ್ಭುತ ಜೀವನಾನುಭವ ನೀಡಿದ ಸವಾಲಿನ ಸಾಹಸ ಮಾಡಿದ ಖುಷಿಯಿದೆ' ಎಂದು ಸಂತಸ ಹಂಚಿಕೊಳ್ಳುತ್ತಾರೆ. ಅಂದಹಾಗೆ, ಸ್ಯಾಂಡಲ್ವುಡ್ ನಟಿ ಶ್ವೇತಾ ಪ್ರಸಾದ್, ಬಾಲಿವುಡ್ ನಟಿ ಮೊನಿಷಾ ಕೊಯಿರಾಲ, ಹಾಲಿವುಡ್ ನಟಿ ಮ್ಯಾಂಡಿ ಮೂರ್ ಸೇರಿ ಕೆಲವೇ ನಟಿಯರು ಇದುವರೆಗೆ ಮೌಂಟ್ ಎವರೆಸ್ಟ್ ಬೇಸ್ ಕ್ಯಾಂಪ್ಗೆ ಭೇಟಿ ನೀಡಿದ್ದು, ಇದೀಗ ಈ ಸಾಲಿಗೆ ಮತ್ತೊಬ್ಬ ಕನ್ನಡತಿ ಅರ್ಚನಾ ಕೂಡ ಸೇರಿದ್ದಾರೆ.
