ಅನುಷ್ಕಾ ಅವರ ಇತ್ತೀಚಿನ ಕೆಲ ವರ್ಷಗಳ ಸಿನಿಮಾ ಜರ್ನಿಯನ್ನು ಅವಲೋಕಿಸಿದರೆ, ‘ಭಾಗಮತಿ’, ‘ನಿಷ್ಯಬ್ದಂ’ ಹೀಗೆ ಫ್ಯಾಂಟಸಿ ಮತ್ತು ಸಸ್ಪೆನ್ಸ್ ಥ್ರಿಲ್ಲರ್ ಶೈಲಿಯ ಸಿನಿಮಾಗಳಲ್ಲಿಯೇ ಅವರು ಕಾಣಿಸಿಕೊಂಡಿದ್ದಾರೆ. ಆದರೆ, ಫ್ಯಾಮಿಲಿ ಎಂಟರ್ಟೈನರ್ ಥರದ ಸಿನಿಮಾ ಮಾಡಿ ತುಂಬ ವರ್ಷಗಳೇ ಕಳೆದಿವೆ. ಹಾಗಾಗಿ ಇದೀಗ ಆ ಕಡೆ ಹೊರಳಿದ್ದಾರೆ. ಈ ಹಿಂದೆ ‘ರಾ ರಾ ಕೃಷ್ಣಯ್ಯ’ ಸಿನಿಮಾ ನಿರ್ದೇಶನ ಮಾಡಿದ್ದ ಪಿ. ಮಹೇಶ್ ಹೊಸ ಕಥೆ ಸಿದ್ಧಪಡಿಸಿದ್ದು, ಆ ಚಿತ್ರದಲ್ಲಿ ಅನುಷ್ಕಾ ನಟಿಸುವುದು ಪಕ್ಕಾ ಆಗಿದೆ. ಯುವಿ ಕ್ರಿಯೇಷನ್ಸ್ ಬ್ಯಾನರ್ನಲ್ಲಿ ಈ ಸಿನಿಮಾ ನಿರ್ವಣವಾಗಲಿದೆ. ಶೀರ್ಷಿಕೆ ಮತ್ತು ಇನ್ನುಳಿದ ತಾರಾಗಣದ ಬಗ್ಗೆ ಶೀಘ್ರದಲ್ಲಿ ಮಾಹಿತಿ ನೀಡಲಿದೆಯಂತೆ ತಂಡ. -ಏಜೆನ್ಸೀಸ್
