ಅನಸೂಯ ಭಾರದ್ವಾಜ್ ಇದುವರೆಗೂ ‘ಕ್ಷಣಂ’, ‘ರಂಗಸ್ಥಲಂ’ ಇತ್ತೀಚೆಗಷ್ಟೇ ರಿಲೀಸ್ ಆದ ‘ಪಕ್ಕಾ ಕಮರ್ಷಿಯಲ್’ ಸೇರಿದಂತೆ 15 ಚಿತ್ರಗಳಲ್ಲಿ ನಟಿಸಿದ್ದಾರೆ. ಈಗ 37 ವರ್ಷದ ಈ ನಟಿ ನಾಯಕಿಯ ಪಾತ್ರದಲ್ಲಿ ನಟಿಸುವ ಮೂಲಕ ವೆಬ್ಸಿರೀಸ್ಗೆ ಪದಾರ್ಪಣೆ ಮಾಡಲು ರೆಡಿಯಾಗಿದ್ದಾರೆ. ಇದು 1890ರ ದಶಕದಲ್ಲಿ ಗುರಜಾಡ ಅಪ್ಪಾರಾವ್ ಬರೆದಿದ್ದ ಈಗಲೂ ಜನಪ್ರಿಯವಾಗಿರುವ ‘ಕನ್ಯಾಸುಲಕಮ್ ಕಾದಂಬರಿ ಆಧಾರಿತವಾಗಿದ್ದು, ಅನಸೂಯ ಇಲ್ಲಿ ಮಧುರವಾಣಿ ಎಂಬ ವೇಶ್ಯೆಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಆಕೆಯ ಸುತ್ತ ಕಥೆ ಸುತ್ತುತ್ತದೆ. ಇನ್ನು ಕೆಲವೇ ದಿನಗಳಲ್ಲಿ ಈ ವೆಬ್ಸರಣಿಯ ಚಿತ್ರೀಕರಣ ಪ್ರಾರಂಭವಾಗಲಿದೆ. ವೆಬ್ಸರಣಿ ಜೊತೆಗೆ ಅನುಸೂಯ ‘ಪುಷ್ಪ ದಿ ರೂಲ್’ಮತ್ತು ‘ರಂಗಮಾರ್ತಾಂಡ’ ಚಿತ್ರಗಳಲ್ಲೂ ನಟಿಸುತ್ತಿದ್ದಾರೆ. -ಏಜೆನ್ಸೀಸ್
