ಮಲ್ಲೇಶ್ವರಂನ ರಾಧಾಕೃಷ್ಣ ದೇವಾಲಯದಲ್ಲಿ ಯಶ್​ ದಂಪತಿಯಿಂದ ಮಾರ್ಕಂಡೇಯ ಹೋಮ

ಬೆಂಗಳೂರು: ಖ್ಯಾತ ನಟ ಯಶ್​ ಕೆಜಿಎಫ್​ ಸಿನಿಮಾ ಶೂಟಿಂಗ್​ ಬಿಟ್ಟು ವೈರಿಗಳ ನಾಶಕ್ಕೆ ಮಾರ್ಕಂಡೇಯ ಹೋಮದಲ್ಲಿ ನಿರತರಾಗಿದ್ದಾರೆ.

ಮಲ್ಲೇಶ್ವರಂನಲ್ಲಿರುವ ದುರ್ಗಾ ರಾಧಾ ಕೃಷ್ಣ ದೇವಾಲಯದಲ್ಲಿ ಯಶ್​, ಪತ್ನಿ ರಾಧಿಕಾ ಹಾಗೂ ತಂದೆ ತಾಯಿ ಹೋಮದಲ್ಲಿ ನಿರತರಾಗಿದ್ದಾರೆ.

ನಟ ಯಶ್​ ಹೋಮ ಮಾಡಿಸುತ್ತಿರುವ ಹಿನ್ನೆಲೆಯಲ್ಲಿ ದೇವಾಲಯಕ್ಕೆ ಭಕ್ತರ ಪ್ರವೇಶ ರದ್ದುಪಡಿಸಲಾಗಿದೆ. ಅಪಕಂಟಕ ಮತ್ತು ವೈರಿ ನಾಶಕ್ಕೆ ಮಾರ್ಕಂಡೇಯ ಹೋಮ ನೆರವೇರಿಸಲಾಗುತ್ತದೆ. ಹೋಮ ಅಂತ್ಯಗೊಂಡ ನಂತರ ಅವರು ಸಿನಿಮಾ ಶೂಟಿಂಗ್​ನಲ್ಲಿ ತೊಡಗಿಸಿಕೊಳ್ಳಲಿದ್ದಾರೆ ಎಂದು ತಿಳಿದು ಬಂದಿದೆ. (ದಿಗ್ವಿಜಯ ನ್ಯೂಸ್​)