ಇದಕ್ಕೆ ಖುದ್ದು ಅವರೇ ಕಾರಣ ನೀಡಿದ್ದು, "ಹೆಣ್ಣುಮಕ್ಕಳಿಗೆ ಹೊಡೆಯುವ, ಅವರೊಂದಿಗೆ ಐಟಂ ಸಾಂಗ್ನಲ್ಲಿ ಕುಣಿಯುವ, ಅವರ ಸೊಂಟ ಚಿವುಟುವ, ಅವರೇನು ಮಾಡಬೇಕು? ಹೇಗಿರಬೇಕು? ಅಂತ ಹೇಳುವಂತಹ ಹಲವು ಪಾತ್ರಗಳು ಬಂದಿದ್ದವು. ಆ ಕಥೆಗಳು ಚೆನ್ನಾಗಿದ್ದಿದ್ದರೆ, ಯಶಸ್ವಿ ಸಿನಿಮಾಗಳಾಗಿರುತ್ತಿದ್ದವು. ಆದರೆ, ನನ್ನ ಪಾತ್ರ ಹೀಗೆಲ್ಲಾ ಮಾಡಬೇಕಾ? ಅಂತ ನಾನು ಒಪ್ಪಿರಲಿಲ್ಲ. ಆಗ ಏನನ್ನಿಸಿತೋ ಹಾಗೆ ಮಾಡಿದ್ದೆ. ಹಾಗೇನಾದರೂ ನಾನು ಆ ಸಿನಿಮಾಗಳನ್ನು ಒಪ್ಪಿ ಮಾಡಿದ್ದರೆ, ಇವತ್ತು ದೊಡ್ಡ ಸ್ಟಾರ್ ಆಗಿರುತ್ತಿದ್ದೆ. ನನ್ನ ಸುತ್ತ ಇದ್ದವರು ಅಗ್ರೆಸ್ಸಿವ್ ಮತ್ತು ಮ್ಯಾಚೋ ಪಾತ್ರಗಳಲ್ಲಿ ನಟಿಸುತ್ತಿದ್ದರು. ಗಂಡಸರಿಗೆ ಕಷ್ಟವೇ ಆಗಲ್ಲ ಎಂಬಂತೆ ತೆರೆಯ ಮೇಲೆ ಕಾಣಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದರು. ಆದರೆ, ನನಗೆ ಸ್ಕ್ರೀನ್ ಮೇಲೆ ಅಳುವುದೇ ಖುಷಿ ನೀಡುತ್ತಿತ್ತು' ಎಂದು ಹೇಳಿಕೊಂಡಿದ್ದಾರೆ.
