ನಾನು ನನ್ನ ತಂಡ: ರಕ್ಷಿತ್ ಬರೀ ಕೆಲವರ ಜತೆಗೆ ಮಾತ್ರ ಚಿತ್ರ ಮಾಡುತ್ತಾರೆ, ಬೇರೆಯವರಿಗೆ ಅಷ್ಟು ಸುಲಭವಾಗಿ ಸಿಗುವುದಿಲ್ಲ ಎಂಬ ಮಾತಿದೆ. ಈ ಕುರಿತು ಮಾತನಾಡುವ ಅವರು, ‘ಮೂರ್ನಾಲ್ಕು ಚಿತ್ರಗಳ ಲೈನಪ್ ಇದೆ. ಯಾರಾದರೂ ಬಂದು, ಕಥೆ ಇಷ್ಟವಾದರೂ, ಈಗ ಒಪ್ಪಿಕೊಂಡಿರುವ ಚಿತ್ರಗಳನ್ನು ಮುಗಿಸಿ ಕೈಗೆತ್ತಿಕೊಳ್ಳಬೇಕು. ಅದಕ್ಕೆ ಐದು ವರ್ಷವಾದರೂ ಬೇಕಾಗುತ್ತದೆ. ಹೋಗಲಿ, ನಾನು ಇದೆಲ್ಲ ಮುಗಿಸಿ ಆ ಕಡೆ ಹೋಗೋಣ ಎಂದರೆ, ನನ್ನಲ್ಲೇ ನಾಲ್ಕು ಹೊಸ ಕಥೆಗಳು ಹುಟ್ಟಿಕೊಂಡಿರುತ್ತವೆ. ನನ್ನ ತಂಡದವರ ಬಳಿಯೂ ಇನ್ನೊಂದಿಷ್ಟು ಕಥೆಗಳು ಇರುತ್ತವೆ. ಹಾಗಾಗಿ ಬೇರೆಯವರಿಗೆ ಸಿನಿಮಾ ಮಾಡುವುದಕ್ಕೆ ಆಗುತ್ತಿಲ್ಲ. ಮೇಲಾಗಿ, ನಮ್ಮ ತಂಡಗಳಾದರೆ ಒಂದು ನಂಬಿಕೆ ಇರುತ್ತದೆ. ಹೊರಗಿನವರ ಚಿತ್ರವಾದರೆ, ಹೇಗಾಗುತ್ತದೋ ಗೊತ್ತಿಲ್ಲವಲ್ಲ’ ಎಂಬುದು ರಕ್ಷಿತ್ ಅಭಿಪ್ರಾಯ.
