ಓಂ ಇಲಾಖೆಯಲ್ಲಿ ಆದಿತ್ಯ: ಇದು ನೈಜ ಘಟನೆಗಳ ಆಧಾರಿತ ಚಿತ್ರ

ಬೆಂಗಳೂರು: ಕಳೆದ ವರ್ಷವೇ ಪ್ರಾರಂಭವಾಗಿತ್ತು ಓಂಪ್ರಕಾಶ್​ ರಾವ್​ ಮತ್ತು ಆದಿತ್ಯ ಕಾಂಬಿನೇಷನ್​ನ ಚಿತ್ರ. ಆದರೆ, ಚಿತ್ರದ ಕಥೆ ಏನು, ಹೆಸರೇನು, ಯಾರೆಲ್ಲ ನಟಿಸುತ್ತಿದ್ದಾರೆ, ಯಾವಾಗ ಬಿಡುಗಡೆಯಾಗುತ್ತದೆ ಎಂಬ ಯಾವ ವಿಷಯವನ್ನೂ ಚಿತ್ರತಂಡದವರು ಬಹಿರಂಗಗೊಳಿಸಿರಲಿಲ್ಲ. ಈಗ ಕೊನೆಗೂ ಚಿತ್ರದ ಬಗ್ಗೆ ಒಂದಿಷ್ಟು ಮಾಹಿತಿ ಹೊರಬಿದ್ದಿದೆ.

ಪ್ರಮುಖವಾಗಿ, ಚಿತ್ರಕ್ಕೆ "ಇಲಾಖೆ' ಎಂದು ಹೆಸರಿಡಲಾಗಿದೆ. ಯಾವ ಇಲಾಖೆಯ ಬಗ್ಗೆ ಓಂಪ್ರಕಾಶ್​ ರಾವ್​ ಹೇಳುವುದಕ್ಕೆ ಹೊರಟಿದ್ದಾರೆ ಎಂದು ಗೊತ್ತಿಲ್ಲವಾದರೂ, ಪೊಲೀಸ್​ ಚಿತ್ರಗಳಿಗೆ ರಾವ್​ ಬಹಳ ಜನಪ್ರಿಯರಾಗಿರುವುದರಿಂದ, ಪೊಲೀಸ್​ ಇಲಾಖೆಯ ಕುರಿತು ಚಿತ್ರ ಇರಬಹುದು ಎಂದು ನಂಬಬಹುದು. ಈ ಚಿತ್ರವು ನೈಜ ಟನೆಗಳನ್ನಾಧರಿಸಿದ್ದು, ಓಂಪ್ರಕಾಶ್​ ರಾವ್​ ಅವರೇ ಕಥೆ&ಚಿತ್ರಕಥೆ ರಚಿಸಿದ್ದಾರೆ. "ಇಲಾಖೆ' ಕುರಿತು ಮಾತನಾಡುವ ಓಂ ಪ್ರಕಾಶ್​ ರಾವ್​, ""ಲಾಕಪ್​ ಡೆತ್​', "ಎಕೆ 47' ತರಹದ ಕಥೆ ಇದು. ಬಹಳ ವರ್ಷಗಳ ನಂತರ ನಾನೇ ಕಥೆ ಬರೆದಿದ್ದೇನೆ' ಎನ್ನುತ್ತಾರೆ.