ಬೆಂಗಳೂರು: ಮೂಲತಃ ತುಮಕೂರು ಜಿಲ್ಲೆಯ ನಟಿ ಪ್ರಕೃತಿ ಸೌಂದರ್ಯ ಮೊದಲಿಗೆ ಗಾಯಕಿಯಾಗಿ, ರಂಗಭೂಮಿ ಕಲಾವಿದೆಯಾಗಿ ಗುರುತಿಸಿಕೊಂಡವರು. ಬಳಿಕ ಕನ್ನಡದ ‘ಕನ್ಯಾದಾನ’ ಹಾಗೂ ‘ಗೀತಾ’ ಧಾರಾವಾಹಿಗಳಲ್ಲಿ ನಟಿಸಿದ್ದರು. ಮುಂದೆ ಇವರಿಗೆ ‘ಭೀಮ’ ಚಿತ್ರದಲ್ಲಿ ಡ್ರಾೃಗನ್ ಮಂಜು ಪತ್ನಿ ಪಾತ್ರಕ್ಕೆ ಅವಕಾಶ ದೊರೆಯಿತು. ಆ ಪಾತ್ರದಲ್ಲಿ ಮಿಂಚಿದ ಬಳಿಕ ಇದೀಗ ಕನ್ನಡದ ದೊಡ್ಡ ಸಿನಿಮಾಕ್ಕೆ ಅವಕಾಶ ಪಡೆದುಕೊಂಡಿದ್ದಾರೆ. ಈ ಬಗ್ಗೆ ಪ್ರಕೃತಿ, ‘ಮೊದಲಿಗೆ ಸಣ್ಣ ಪುಟ್ಟ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದೆ. ಇದೀಗ, ಆ ಪಾತ್ರಗಳೇ ನನ್ನನ್ನು ಇಲ್ಲಿಯವರೆಗೆ ಕರೆತಂದಿವೆ. ಸದ್ಯ ನಾನು ವಶಿಷ್ಠ ಸಿಂಹ ಅವರ ಮುಂದಿನ ಸಿನಿಮಾಕ್ಕೆ ಎರಡನೇ ನಾಯಕಿಯಾಗಿ ಆಯ್ಕೆಯಾಗಿದ್ದೇನೆ. ಸಿನಿಮಾದ ಬಗ್ಗೆ ಹೆಚ್ಚು ಮಾಹಿತಿ ಬಿಟ್ಟುಕೊಡುವಂತಿಲ್ಲ. ಅಲ್ಲದೇ ತೆಲುಗು ಸಿನಿಮಾ, ಧಾರಾವಾಹಿಗಳಲ್ಲಿ ನಟಿಸುತ್ತಿದ್ದೇನೆ. ಟಾಲಿವುಡ್ ಚಿತ್ರತಂಡದಿಂದ ಅಧಿಕೃತವಾಗಿ ಅನೌನ್ಸ್ ಆದರೆ ನಾನು ಆ ಸಿನಿಮಾ ಬಗ್ಗೆ ಮಾತನಾಡಬಹುದು. ಸಣ್ಣ ಪಾತ್ರವಾದರೂ ಗಟ್ಟಿ ರೋಲ್ ಆಗಿದ್ದರೆ ಚಂದ. ಉತ್ತಮ ಪಾತ್ರಗಳ ಮೂಲಕ ಗುರುತಿಸಿಕೊಳ್ಳಬೇಕೆಂಬ ಆಸೆಯಿದೆ’ ಎಂದು ಮಾಹಿತಿ ನೀಡುತ್ತಾರೆ.
