Bollywood movies for Dussehra: ವಿಜಯದಶಮಿ ಎಂದರೆ ಅದೇ ಧರ್ಮಕ್ಕೆ, ಒಳ್ಳೆಯದಕ್ಕೆ ಜಯ ಎನ್ನುವುದು. ಸೀತೆಯನ್ನು ಅಪಹರಿಸಿದ ರಾವಣನ ಮೇಲೆ ಶ್ರೀರಾಮನ ವಿಜಯವನ್ನು ಸಂಕೇತಿಸುವ ಈ ಹಬ್ಬವು ಕೆಟ್ಟತನದ ಅಂತ್ಯ ಮತ್ತು ಧರ್ಮದ ಗೆಲುವನ್ನು ಎತ್ತಿಹಿಡಿಯುತ್ತದೆ. ಸಿನಿಮಾದಲ್ಲಿಯೂ ಖಳನಾಯಕರನ್ನು ಸದಬಡಿಯುವ ಹಿರೋಗಳ ಕತೆಯನ್ನು ಹೆಣೆದಿರಲಾಗಿತ್ತದೆ.
ಈ ದಸರಾ ಸ್ಫೂರ್ತಿಯನ್ನು ಮನಸ್ಸಿನಲ್ಲಿಟ್ಟುಕೊಂಡು, ಧೈರ್ಯ, ನ್ಯಾಯ ಮತ್ತು ಕೆಟ್ಟತನದ ಮೇಲಿನ ಒಳ್ಳೆಯದರ ಅಂತಿಮ ವಿಜಯದ ಕಥೆಗಳನ್ನು ಹೇಳುವ 5 ಬಾಲಿವುಡ್ ಸಿನಿಮಾಗಳನ್ನು ನೋಡಿ. ನಿಮ್ಮ ಪ್ಲೇ ಲಿಸ್ಟ್ನಲ್ಲಿ ಈ ಸಿನಿಮಾಗಳು ಇರಲಿ.
ಶೋಲೆ
1975ರಲ್ಲಿ ರಿಲೀಸ್ ಆದ ಶೋಲೆ ಸಿನಿಮಾವು ಐಕಾನಿಕ್ ಸಿನಿಮಾಗಳಲ್ಲಿ ಒಂದು. ದರೋಡೆಕೋರ ಗಬ್ಬರ್ ಸಿಂಗ್‌ನ ಭಯದಲ್ಲೇ ಬದುಕುತ್ತಿದ್ದ ರಾಮಗಢ ಹಳ್ಳಿಯ ಸುತ್ತ ಸುತ್ತುತ್ತದೆ. ಜೈ ಮತ್ತು ವೀರು ಹಳ್ಳಿಗರೊಂದಿಗೆ ಬಂಧವನ್ನು ಬೆಳೆಸಿಕೊಂಡು ಅವರನ್ನು ರಕ್ಷಿಸಲು ಮಾಡುವ ಹೋರಾಟದ ಸುತ್ತ ಈ ಕತೆ ಸುತ್ತುತ್ತದೆ. ನ್ಯಾಯ ಕೊಡಿಸಲು ತಮ್ಮ ಜೀವವನ್ನೇ ಪಣಕ್ಕಿಡಲು ಪಣಕ್ಕಿಡಲು ಸಿದ್ಧರಿರುವ ಜನರ ನಡುವಿನ ಹೋರಾಟದ ಮೂಲಕ ಈ ಚಿತ್ರವು ದಸರಾ ಹಬ್ಬದ ಸ್ಫೂರ್ತಿಯನ್ನು ಪ್ರತಿಬಿಂಬಿಸುತ್ತದೆ.
ಲಗಾನ್ ಸಿನಿಮಾ
ತೀವ್ರ ಬರದ ಕಾಲದಲ್ಲಿ ಬ್ರಿಟಿಷ್ ಅಧಿಕಾರಿಗಳು ಹೇರಿದ ದಬ್ಬಾಳಿಕೆಯ ತೆರಿಗೆಯಿಂದ ನರಳುತ್ತಿರುವ ಒಂದು ಹಳ್ಳಿಯ ಕತೆಯನ್ನು ಲಗಾನ್ ಸಿನಿಮಾವು ಹೇಳುತ್ತದೆ. ಕ್ಯಾಪ್ಟನ್ ಆಂಡ್ರ್ಯೂ ರಸೆಲ್, ಹಳ್ಳಿಗರು ಕ್ರಿಕೆಟ್ ಪಂದ್ಯದಲ್ಲಿ ತನ್ನ ತಂಡವನ್ನು ಸೋಲಿಸಿದರೆ ತೆರಿಗೆಯನ್ನು ಮನ್ನಾ ಮಾಡುವುದಾಗಿ ಸವಾಲು ಹಾಕುತ್ತಾನೆ. ಕ್ರಿಕೆಟ್ ಅನುಭವ ಇಲ್ಲದಿದ್ದರೂ ಸವಾಲು ಸ್ವೀಕರಿಸಿ ಅನ್ಯಾಯದ ತೆರಿಗೆಯಿಂದ ಮುಕ್ತಗೊಳಿಸುವ ಸುತ್ತ ಕತೆ ಹೆಣೆಯಲಾಗಿದೆ.
ಸಾಮಾನ್ಯ ಜನರು ದಬ್ಬಾಳಿಕೆಯನ್ನು ಎದುರಿಸಿ ನಿಲ್ಲುವುದು ಮತ್ತು ತಂಡದ ಶ್ರಮ ಹಾಗೂ ಪರಿಶ್ರಮದ ಮೂಲಕ ಶಕ್ತಿಶಾಲಿ ಶತ್ರುವನ್ನು ಸೋಲಿಸುವುದರ ಮೂಲಕ ಈ ಚಿತ್ರವು ಕೆಟ್ಟತನದ ಮೇಲಿನ ಒಳ್ಳೆಯದರ ವಿಜಯವನ್ನು ಬಿಂಬಿಸುತ್ತದೆ.
