‘31 ಡೇಸ್’ ಯುವ ಮನಸ್ಸುಗಳ ಮೇಲೆ ಗಾಢವಾದ ಪರಿಣಾಮ ಬೀರುವ ಕಥೆ. ಈ ಆಧುನಿಕ ಜೀವನದಲ್ಲಿ ಪ್ರೀತಿ ಎಂದರೆ ಕೇವಲ ಆಕರ್ಷಣೆ, ಮೋಹಕ್ಕೆ ಸೀಮಿತವಾಗಿಬಿಟ್ಟಿದೆ. ಇಂತಹ ಅಂಶಗಳನ್ನೇ ಇಟ್ಟುಕೊಂಡು ನಿರಂಜನ್ ಮಧುರವಾದ ಕಥೆ ಬರೆದಿದ್ದಾರೆ. ಆ ಕಥೆಗೆ ತಕ್ಕಂತೆ ರಾಜಾ ರವಿಕುಮಾರ್ ಈ ಸಿನಿಮಾನ ತೆರೆ ಮೇಲೆ ತಂದಿದ್ದಾರೆ. ಬಹುತೇಕ ಕಥೆ ಒಂದೇ ಮನೆಯಲ್ಲಿ ಸಾಗುತ್ತದೆ. ಅರ್ಥಗರ್ಭಿತ ಸಂಭಾಷಣೆ, ತುಟಿ ಮೇಲೆ ನಗು ತರಿಸುವ ಕಾಮಿಡಿ ಚಿತ್ರವನ್ನು ನೋಡಿಸಿಕೊಳ್ಳುತ್ತದೆ. ನಿರಂಜನ್ ಶೆಟ್ಟಿ ಇಡೀ ಕಥೆಯನ್ನು ಹೊತ್ತು ಸಾಗಿದ್ದು, ಚಿತ್ರದ ಕೇಂದ್ರಬಿಂದು ಅವರೇ. ಪ್ರಜ್ವಲಿ ಸುವರ್ಣ ಪಾತ್ರವನ್ನು ಅಚ್ಚುಕಟ್ಟಾಗಿ ನಿರ್ವಹಿಸಿದ್ದಾರೆ. ಚಿತ್ರದಾದ್ಯಂತ ಇರುವ ನಾಯಕ ಮತ್ತು ನಾಯಕಿ ನಡುವಿನ ಜುಗಲ್ಬಂದಿ ಹಾಗೂ ಜಗಳಬಂದಿ ಇಷ್ಟವಾಗುತ್ತದೆ. ವಿ.ಮನೋಹರ್ ತಮ್ಮ 150ನೇ ಸಿನಿಮಾಕ್ಕೆ ಮಧುರವಾದ ಸಂಗೀತ ನೀಡಿದ್ದು, ಹಾಡುಗಳು ಇಷ್ಟವಾಗುತ್ತವೆ.
