ಆ ಸೀನ್ ಬಗ್ಗೆ ಹೇಳಿಕೊಳ್ಳುವ ಮಾನುಷಿ, ‘ತುಂಬ ಸರಳವಾಗಿ ಕಾಣಬೇಕು ನೀವು ಅಂತ ನಿರ್ದೇಶಕರು ಹೇಳಿದ್ದರು. ಹೀಗಾಗಿ ನಾನೂ 20 ನಿಮಿಷದಲ್ಲಿ ಮೇಕಪ್ ಮುಗಿದುಬಿಡುತ್ತೆ ಅಂತ ಅಂದುಕೊಂಡಿದ್ದೆ. ಆದರೆ ಮೇಕಪ್ಗೆ ಹೋದಾಗ, ಅಲ್ಲಿ ನೋಡಿದರೆ ಬರೋಬ್ಬರಿ 3 ತಾಸು ಬೇಕಾಯಿತು. ಸುಮಾರು 25 ಜನ ನನ್ನ ಮೇಕಪ್, ಕೇಶವಿನ್ಯಾಸ, ಉಡುಗೆ, ಆಭರಣ, ಒಬ್ಬರು ಕೈಗೆ ಹಳದಿ ಹಚ್ಚುತ್ತಿದ್ದರೆ ಮತ್ತೊಬ್ಬರು ಕಾಲಿಗೆ, ಸ್ಥಳದಲ್ಲೇ ಅಳತೆ ನೋಡಿಕೊಂಡು ಬಟ್ಟೆಯ ಸ್ಟಿಚಿಂಗ್ ಹೀಗೆ ತರಾತುರಿಯಲ್ಲಿ ಕೆಲಸ ಮಾಡುತ್ತಿದ್ದರು. ಇನ್ನು ನಾನು ಧರಿಸಿದ್ದ ಬಟ್ಟೆಯಂತೂ ತುಂಬ ಭಾರವಿತ್ತು. ನನಗೂ ಆಗ ಕತ್ತು ಮತ್ತು ಬೆನ್ನು ನೋವಿತ್ತು. ತಲೆಯ ಮೇಲೆ ಭಾರವಾದ ದುಪ್ಪಟ್ಟ ಬೇರೆ ಹಾಕಿಕೊಳ್ಳಬೇಕಿತ್ತು. ಅದನ್ನು ಧರಿಸಿ ತಲೆ ಎತ್ತಲೂ ಕಷ್ಟವಾಗುತ್ತಿತ್ತು. ಪ್ರತಿ ಬಾರಿ ನಿರ್ದೇಶಕರು ಕಟ್ ಅಂದಾಗಲೂ ಇಬ್ಬರು ಸಹಾಯಕರು ಬಂದು ಆ ಭಾರವಾದ ದುಪ್ಪಟ್ಟಾವನ್ನು ತೆಗೆಯಬೇಕಿತ್ತು’ ಎಂದು ತಮಗೆ ಕಷ್ಟವಾದ ಸನ್ನಿವೇಶದ ಬಗ್ಗೆ ಹೇಳಿಕೊಳ್ಳುತ್ತಾರೆ ಮಾನುಷಿ.
