ಸಿನಿಮಾ ರಿಲೀಸ್​​ ಆಗುವ 1 ವರ್ಷ ಮೊದಲೇ ಟಿಕೆಟ್​​ ಬುಕಿಂಗ್! Christopher Nolan

Christopher Nolan : ಸಾಮಾನ್ಯವಾಗಿ, ಸಿನಿಮಾ ಬಿಡುಗಡೆಗೆ ಎರಡು ದಿನ ಅಥವಾ ಒಂದು ವಾರ ಮೊದಲು ಚಲನಚಿತ್ರಗಳ ಟಿಕೆಟ್​​ ಮುಂಗಡ ಬುಕಿಂಗ್ ತೆರೆಯುತ್ತದೆ. ಆದರೆ ಮುಂದಿನ ವರ್ಷ ಜುಲೈನಲ್ಲಿ ಬಿಡುಗಡೆಯಾಗಲಿರುವ ಕ್ರಿಸ್ಟೋಫರ್ ನೋಲನ್ 'ದಿ ಒಡಿಸ್ಸಿ' (Odyssey ) ಸಿನಿಮಾದ ಟಿಕೆಟ್​​ಗಳು ಮುಂಗಡ ಬುಕಿಂಗ್ ಈಗಾಗಲೇ ಪ್ರಾರಂಭವಾಗಿದೆ. ಈ ಸುದ್ದಿ ಸೋಶಿಯಲ್​​ ಮೀಡಿಯಾದಲ್ಲಿ ಸಖತ್ ಸುದ್ದಿಯಲ್ಲಿದೆ.

ಕ್ರಿಸ್ಟೋಫರ್ ನೋಲನ್ ವಿಶ್ವದ ಅತ್ಯುತ್ತಮ ನಿರ್ದೇಶಕರಲ್ಲಿ ಒಬ್ಬರು. ಅವರ ಚಲನಚಿತ್ರಗಳನ್ನು ಪ್ರಪಂಚದಾದ್ಯಂತದ ಚಲನಚಿತ್ರ ಶಾಲೆಗಳಲ್ಲಿ ಪಾಠವಾಗಿ ಕಲಿಸಲಾಗುತ್ತದೆ. ಆಧುನಿಕ ತಂತ್ರಜ್ಞಾನ ಮತ್ತು ವೈಜ್ಞಾನಿಕ ಅಂಶಗಳನ್ನು ಸೇರಿಸುವ ಮೂಲಕ ಚಲನಚಿತ್ರಗಳನ್ನು ನಿರ್ಮಿಸುವಲ್ಲಿ ಕ್ರಿಸ್ಟೋಫರ್ ನೋಲನ್ ನಿಪುಣರು. 'ಇಂಟರ್‌ಸ್ಟೆಲ್ಲಾರ್', 'ಇನ್ಸೆಪ್ಷನ್', 'ಮುಮೆಂಟೊ', 'ಟೆನೆಟ್', 'ಒಪ್ಪೆನ್‌ಹೈಮರ್', 'ಡಂಕಿರ್ಕ್' ನೋಲನ್ ನಿರ್ದೇಶನದ ಕೆಲವು ಉದಾಹರಣೆಗಳು. ಈಗ ಅವರು ದಿ ಒಡಿಸ್ಸಿ ಎಂಬ ಮತ್ತೊಂದು ಚಿತ್ರವನ್ನು ಪ್ರೇಕ್ಷಕರಿಗೆ ತರುತ್ತಿದ್ದಾರೆ.

ಕ್ರಿಸ್ತಪೂರ್ವ 700 ರ ಸುಮಾರಿಗೆ ಹೋಮರ್ ಬರೆದ ಅದೇ ಹೆಸರಿನ ಕಥೆಯನ್ನು ಆಧರಿಸಿ ಕ್ರಿಸ್ಟೋಫರ್ ನೋಲನ್ ದಿ ಒಡಿಸ್ಸಿ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಪ್ರಸಿದ್ಧ ಹಾಲಿವುಡ್ ನಟ ಮ್ಯಾಟ್ ಡ್ಯಾಮನ್ 'ದಿ ಒಡಿಸ್ಸಿ' ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಅಲ್ಲದೆ, ಸ್ಪೈಡರ್ ಮ್ಯಾನ್ ನಟ ಟಾಮ್ ಹಾಲೆಂಡ್, ಝೆಂಡಾಯಾ, ಅನ್ನಾ ಹ್ಯಾಥ್ವೇ, ರಾಬರ್ಟ್ ಪ್ಯಾಟಿನ್ಸನ್ ಮತ್ತು ಇತರ ಹಾಲಿವುಡ್ ತಾರೆಯರು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಒಡಿಸ್ಸಿ ಚಿತ್ರವು ಮುಂದಿನ ವರ್ಷ ಜುಲೈನಲ್ಲಿ ಬಿಡುಗಡೆಯಾಗಲಿದೆ. ಆದಾಗ್ಯೂ, ಚಿತ್ರಕ್ಕಾಗಿ ಮುಂಗಡ ಬುಕಿಂಗ್ ಈಗಾಗಲೇ ಪ್ರಾರಂಭವಾಗಿದೆ

ಪ್ರಸ್ತುತ, ದಿ ಒಡಿಸ್ಸಿ ಐಮ್ಯಾಕ್ಸ್ 70 ಎಂಎಂ ಪರದೆಗಳಿಗೆ ಮಾತ್ರ ಮುಂಗಡ ಬುಕಿಂಗ್ ತೆಗೆದುಕೊಳ್ಳುತ್ತಿದೆ. ಕ್ರಿಸ್ಟೋಫರ್ ನೋಲನ್ ಈ ಚಿತ್ರವನ್ನು ಐಮ್ಯಾಕ್ಸ್ 70 ಎಂಎಂ ಕ್ಯಾಮೆರಾದಲ್ಲಿ ಚಿತ್ರೀಕರಿಸುತ್ತಿದ್ದಾರೆ. ಈಗ ಐಮ್ಯಾಕ್ಸ್ 70 ಎಂಎಂ ಪರದೆಗಳಿಗೆ ಮಾತ್ರ ಮುಂಗಡ ಬುಕಿಂಗ್ ನಡೆಯುತ್ತಿದೆ.

ಈ ಸಿನಿಮಾ ಬಿಡುಗಡೆಯಾಗುವ ಒಂದು ವರ್ಷ ಮೊದಲೇ ನಿರ್ಮಾಪಕರು ಮುಂಗಡ ಬುಕಿಂಗ್ ತೆರೆದಿದ್ದಾರೆ. ಪ್ರೇಕ್ಷಕರು ಟಿಕೆಟ್ ಖರೀದಿಸಲು ಹೆಚ್ಚಿನ ಆಸಕ್ತಿ ತೋರಿಸುತ್ತಿದ್ದಾರೆ.