ವಿಜಯ್ ಸಾಹಿತ್ಯ ಬರೆದಿರುವ, ಚಂದನ್ ಶೆಟ್ಟಿ ಸಂಗೀತ ಸಂಯೋಜನೆ ಮಾಡಿ ಹಾಡಿರುವ ಈ ಹಾಡನ್ನು ರವಿಚಂದ್ರನ್ ರಿಲೀಸ್ ಮಾಡಿ ಚಿತ್ರತಂಡಕ್ಕೆ ಶುಭಹಾರೈಸಿದರು. ಗೀತೆಯ ಬಗ್ಗೆ ಚಂದನ್ ಶೆಟ್ಟಿ, ‘ಈ ಹಾಡು ಬೇಕೋ, ಬೇಡವೋ ಎನ್ನುವುದರ ಬಗ್ಗೆಯೇ ಸಾಕಷ್ಟು ಚರ್ಚೆಯಾಗಿತ್ತು. ನಂತರ ಹಾಡು ಮಾಡುವುದಾಗಿ ತೀರ್ಮಾನಿಸಿದಾಗ ಭಯವೂ ಆಗಬೇಕು, ಡಾನ್ಸ್ ಕೂಡ ಮಾಡಬೇಕು ಅಂತಹ ಸಾಂಗ್ ಮಾಡುವುದು ಚಾಲೆಂಜಿಂಗ್ ಆಗಿತ್ತು’ ಎಂದು ಮಾಹಿತಿ ನೀಡಿದರು. ಚಿತ್ರದ ನಾಯಕ ಶರಣ್, ‘ಡಾನ್ಸ್ ಮಾಡಿ ನಾನು ಸುಮಾರು ಮೂರು ವರ್ಷ ಆಗಿತ್ತು. ಈಗ ಈ ಹಾಡಿಗೆ ಹೆಜ್ಜೆ ಹಾಕಿಸಿದ್ದಾರೆ’ ಎಂದು ಹೇಳಿಕೊಂಡರು. ಶರಣ್ ಜತೆ ಹೆಜ್ಜೆ ಹಾಕಿರುವ ಅದಿತಿ ಪ್ರಭುದೇವ, ‘ಆಕಾಂಕ್ಷ ಎನ್ನುವ ಪಾತ್ರ. ಈ ಚಿತ್ರದಲ್ಲಿ ನಮಗೆಲ್ಲ ಒಳ್ಳೊಳ್ಳೆ ಸಾಹಸಮಯ ಪಾತ್ರಗಳಿವೆ’ ಎಂದರು.
