ಬೆಂಗಳೂರು: ಸ್ಯಾಂಡಲ್ವುಡ್ ನಟ ಚಿರಂಜೀವಿ ಸರ್ಜಾ, ನಿಧನದ ಬೆನ್ನಲ್ಲೇ ಅವರ ಹಳೇ ಫೋಟೋಗಳು ಮತ್ತು ವಿಡಿಯೋ ತುಣುಕುಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ಅದರಲ್ಲೂ ಅವರ ಟಿಕ್ಟಾಕ್ ವಿಡಿಯೋಗಳನ್ನು ಜನ ಮುಗಿಬಿದ್ದು ನೋಡುತ್ತಿದ್ದಾರೆ. ಅದ್ಯಾವ ಮಟ್ಟಿಗೆ ಅಂದರೆ, ಅವರ ನಿಧನದ ಸುದ್ದಿ ಗೊತ್ತಾಗುವುದಕ್ಕೂ ಮುನ್ನ ಇದ್ದ ಟಿಕ್ಟಾಕ್ ಫಾಲೋವರ್ಸ್ ಮತ್ತು ಆ ವಿಡಿಯೋ ವೀಕ್ಷಣೆ ನಿಧನದ ಸುದ್ದಿ ಗೊತ್ತಾದ ಬಳಿಕ ಭಾರೀ ಏರಿಕೆ ಕಂಡಿದೆ.
ಇದನ್ನೂ ಓದಿ: ಚಿರು ಅಂತ್ಯಕ್ರಿಯೆ: ಸಾರ್ವಜನಿಕರಿಗೆ ಪ್ರವೇಶ ನಿರ್ಬಂಧ
ಚಿರು ಲಾಸ್ಟ್ ಟಿಕ್ಟಾಕ್ ವಿಡಿಯೋ … ನೋಡಿಲ್ಲ ಅಂದ್ರೆ ನೋಡಿಬಿಡಿ
ಭಾನುವಾರ ಹೃದಯಾಘಾತದಿಂದ ನಿಧನರಾದ ಚಿರಂಜೀವಿ ಸರ್ಜಾ ಅವರ ಕೊನೆಯ ಟಿಕ್ಟಾಕ್ ವಿಡಿಯೋ.ಕೃಪೆ – ಟಿಕ್ಟಾಕ್
Vijayavani ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಸೋಮವಾರ, ಜೂನ್ 8, 2020
ಹೌದು, 2019 ಮೇ ತಿಂಗಳಲ್ಲಿ ಟಿಕ್ಟಾಕ್ಗೆ ಎಂಟ್ರಿಕೊಟ್ಟಿದ್ದ ಚಿರು ಸರ್ಜಾ, ಕಳೆದ ಒಂದು ವರ್ಷದ ಅವಧಿಯಲ್ಲಿ ಒಟ್ಟು 14 ವಿಡಿಯೋಗಳನ್ನು ಮಾಡಿದ್ದಾರೆ. 2ಲಕ್ಷಕ್ಕೂ ಅಧಿಕ ಫಾಲೋವರ್ಸ್ಗಳನ್ನು ಚಿರು ಹೊಂದಿದ್ದರು. ವಿಡಿಯೋ ವೀಕ್ಷಣೆಯ ವಿಚಾರದಲ್ಲೂ ಅಷ್ಟಕಷ್ಟೇ. ಆದರೆ, ಯಾವಾಗ ಚಿರು ಸಾವು ಬರಸಿಡಿಲಿನಂತೆ ಅಪ್ಪಳಿಸಿತೋ, ಟಿಕ್ಟಾಕ್ನಲ್ಲಿ ಅವರನ್ನು ಫಾಲೋ ಮಾಡುವವರ ಸಂಖ್ಯೆ ದ್ವಿಗುಣವಾಗಿದೆ. ಬರೋಬ್ಬರಿ 4 ಲಕ್ಷಕ್ಕೂ ಅಧಿಕ ಟಿಕ್ಟಾಕ್ ಬಳಕೆದಾರರು ಅವರನ್ನು ಹಿಂಬಾಲಿಸುತ್ತಿದ್ದಾರೆ.
ಇದನ್ನೂ ಓದಿ: ‘ಪೊಗರು’ ಡೈಲಾಗ್ ಬಗ್ಗೆ ಕಿಡಿಕಾರಿದ್ದ ‘ಆ ದಿನಗಳು’ ಚೇತನ್, ಈಗ ಚಿರು ಸಾವಿನ ಬಗ್ಗೆ ಏನಂದ್ರು!?
ಹೌದು, ನಾಲ್ಕೈದು ಲಕ್ಷ ವೀಕ್ಷಣೆಗಷ್ಟೇ ಸೀಮಿತವಾಗಿದ್ದ ಅವರ ಟಿಕ್ಟಾಕ್ ವಿಡಿಯೋಗಳು, ಇದೀಗ ಮಿಲಿಯನ್ಗಟ್ಟಲೇ ವೀವ್ಸ್ ಪಡೆದುಕೊಂಡಿವೆ. ಅದರಲ್ಲೂ ಅವರ ಕೊನೆಯ ವಿಡಿಯೋವನ್ನು ಮೂರೂವರೆ ಮಿಲಿಯನ್ (35ಲಕ್ಷ) ಬಾರಿ ವೀಕ್ಷಣೆಗೊಳಪಟ್ಟಿದೆ. ಕುಟುಂದ ಜತೆಗಿನ ವಿಡಿಯೋವನ್ನು 54 ಲಕ್ಷ ಬಾರೀ ವೀಕ್ಷಣೆ ಆಗಿದೆ.