ಅತಿ ಭಯಂಕರ ವೈರಸ್ ಮೇಲೆ ಚೀನಾ ಪ್ರಯೋಗ: ಇದು ಕೋವಿಡ್​-19ಗಿಂತ ಸ್ಟ್ರಾಂಗ್​, ಸಾವಿನ ಪ್ರಮಾಣ ಶೇ.100..!

chinese scientists experimenting with a mutant covid 19 strain says reports

ಬೀಜಿಂಗ್: ಕೊರೊನಾ ವೈರಸ್‌ನ ಅತ್ಯಂತ ಅಪಾಯಕಾರಿ ಉಪತಳಿ ಮೇಲೆ ಚೀನಾ ಪ್ರಯೋಗ ನಡೆಸುತ್ತಿದೆ ಎಂಬ ವರದಿಗಳಿವೆ. ಈ ವೈರಸ್‌ನ ಸಾವಿನ ಪ್ರಮಾಣವು 100 ಪ್ರತಿಶತದಷ್ಟು ಇರುತ್ತದೆ ಎನ್ನಲಾಗುತ್ತಿದ್ದು, ಒಂದು ವೇಳೆ ಇದು ಪ್ರಯೋಗಾಲಯದಿಂದ ಹೊರಬಂದರೆ ಇಡೀ ಮನುಕುಲಕ್ಕೆ ಕಂಟಕವಾಗುವುದರಲ್ಲಿ ಅನುಮಾನವೇ ಇಲ್ಲ ಎನ್ನಲಾಗುತ್ತಿದೆ.

ಇದನ್ನೂ ಓದಿ: ಅಮೆರಿಕಾ ಅಧ್ಯಕ್ಷೀಯ ರೇಸ್‌ನಿಂದ ಹಿಂದೆ ಸರಿದ ವಿವೇಕ್ ರಾಮಸ್ವಾಮಿ :ಕಾರಣ ಇಲ್ಲಿದೆ..

ಹೌದು, ಜಗತ್ತನ್ನು ಬೆಚ್ಚಿಬೀಳಿಸಿರುವ ಕರೋನಾ ಮಹಾಮಾರಿಯ ಜನನದ ರಹಸ್ಯ ಇನ್ನೂ ಬಗೆಹರಿದಿಲ್ಲ. ಚೀನಾ ಈ ವೈರಸ್​ನ ಜನಕ ಮತ್ತು ಪ್ರಪಂಚದ ವಿರುದ್ಧ ಜೈವಿಕ ಅಸ್ತ್ರವಾಗಿ ಇದನ್ನು ಬಳಸಿತು ಎಂಬ ವಿಶ್ಲೇಷಣೆಗಳು ಇನ್ನೂ ಕೇಳಿ ಬರುತ್ತಲೇ ಇವೆ. ಆದರೆ ಡ್ರ್ಯಾಗನ್ ರಾಷ್ಟ್ರ ಕಾಲಕಾಲಕ್ಕೆ ಇವುಗಳನ್ನು ನಿರಾಕರಿಸುತ್ತಾ ಬಂದಿದೆ. ಆದಾಗ್ಯೂ ಪ್ರಸ್ತುತ ಜಗತ್ತು ಕರೋನಾ ಭಯದಿಂದ ಇನ್ನೂ ಹೊರಬಂದಿಲ್ಲ. ಇದರ ನಡುವೆಯೇ ಮತ್ತೊಂದು ಆತಂಕಕಾರಿ ವಿಷಯ ಬೆಳಕಿಗೆ ಬಂದಿದೆ. ಕರೋನಾ ಜಾತಿಗೆ ಸೇರಿದ ಇನ್ನೂ ಒಂದು ಅಪಾಯಕಾರಿ ವೈರಸ್ ಅನ್ನು ಬೀಜಿಂಗ್ ಪ್ರಯೋಗಿಸುತ್ತಿದೆ ಎಂದು ಅಂತರರಾಷ್ಟ್ರೀಯ ಮಾಧ್ಯಮ ವರದಿಗಳಿವೆ. ಇದರ ಮರಣ ಪ್ರಮಾಣವು 100 ಪ್ರತಿಶತದಷ್ಟು ತೋರುತ್ತದೆ!.

ವುಹಾನ್‌ನಲ್ಲಿ ನಡೆಸಿದ ಅಧ್ಯಯನದಿಂದ ಈ ವಿಷಯ ಬಹಿರಂಗವಾಗಿದೆ ಎಂದು ವರದಿಗಳು ಹೇಳಿವೆ. ಅಧ್ಯಯನದ ವಿವರಗಳ ಪ್ರಕಾರ, ಚೀನಾದ ವಿಜ್ಞಾನಿಗಳು ಎಸ್​ಎಆರ್​ಎಸ್​-ಸೊಒವಿ--2 ನ ಜಿಎಕ್ಸ್​ಎಫ್​ಎಲ್​ವಿ ಉಪವಿಧದ ಮೇಲೆ ಪ್ರಯೋಗ ಮಾಡುತ್ತಿದ್ದಾರೆ. ಇದು 2017 ರಲ್ಲಿ ಬಿಡುಗಡೆಯಾದ ಜಿಎಕ್ಸ್​ ರೂಪಾಂತರಿತವಾಗಿದೆ ಎಂದು ತೋರುತ್ತದೆ. ಹಿಂದೆ ಇದನ್ನು ಮಾರಿಷಿಯನ್ ಪ್ಯಾಂಗೊಲಿನ್‌ಗಳಲ್ಲಿ ಗುರುತಿಸಲಾಗಿತ್ತು.

ವಿಜ್ಞಾನಿಗಳು ಇಲಿಗಳ ಮೇಲೆ ಜಿಎನ್​- ಎಫ್​ಎಲ್​ವಿಯ ರೂಪಾಂತರಿತ ಆವೃತ್ತಿಯನ್ನು ಪ್ರಯೋಗಿಸಿದ್ದು, ಈ ವೈರಸ್ ಅವುಗಳ ಮೇಲೆ ತೀವ್ರ ಪರಿಣಾಮ ಬೀರುತ್ತದೆ. ಎಂಟು ದಿನಗಳಲ್ಲಿ ಎಲ್ಲ ಇಲಿಗಳು ಸತ್ತವು ಎಂದು ಅಧ್ಯಯನವು ಬಹಿರಂಗಪಡಿಸಿದೆ. ವೈರಸ್​ ಸೋಂಕಿನಿಂದ ಇಲಿಗಳ ಶ್ವಾಸಕೋಶ, ಮೂಳೆ, ಕಣ್ಣು ಹಾಗೂ ಮೆದುಳಿಗೆ ಹಾನಿಯಾಗಿದೆ. ಹಾಗೆ ನೋಡಿದರೆ ಅವು ತೂಕ ಕಳೆದುಕೊಂಡು ದೌರ್ಬಲ್ಯ ಹೊಂದಿ ಕೆಲವೇ ದಿನಗಳಲ್ಲಿ ಆರೋಗ್ಯ ಹದಗೆಟ್ಟು ನಡೆಯಲೂ ಆಗದ ಸ್ಥಿತಿಗೆ ತಲುಪಿದ್ದವು. ಈ ವೈರಸ್ ತುಂಬಾ ಅಪಾಯಕಾರಿ ಎಂದು ಅಧ್ಯಯನ ಹೇಳಿದೆ.

ಇದು ಮನುಷ್ಯರ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದು ಸ್ಪಷ್ಟವಾಗಿಲ್ಲವಾದರೂ, ಇದು ಬಹುತೇಕ ಒಂದೇ ರೀತಿಯ ಲಕ್ಷಣಗಳನ್ನು ಹೊಂದಿದೆ ಎಂಬ ವಿಶ್ಲೇಷಣೆಗಳು ಕೇಳಿಬರುತ್ತಿವೆ. "ಜಿಎಕ್ಸ್​ -ಆರ್​ಸಿವಿ ವೈರಸ್ ಮಾನವರಿಗೆ ದೊಡ್ಡ ಬೆದರಿಕೆ ಎಂದು ಅರ್ಥೈಸಲಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ. ಇದರಿಂದಾಗಿ, ಡ್ರ್ಯಾಗನ್ ರಾಷ್ಟ್ರದ ಪ್ರಯೋಗಗಳು ಜಗತ್ತನ್ನು ತಲ್ಲಣಗೊಳಿಸುತ್ತಿವೆ. ಕೊರೊನಾ ವೈರಸ್ ಮೊದಲು ಇಲ್ಲಿಂದಲೇ ಸೋರಿಕೆಯಾಗಿದೆ ಎಂಬ ಆರೋಪಗಳು ಕೇಳಿ ಬಂದಿದ್ದು ಗೊತ್ತೇ ಇದೆ.

https://www.vijayavani.net/indian-students-to-canada-drops