ಚೀನಾದಲ್ಲಿ ಮತ್ತೆ ಲಾಕ್​ಡೌನ್​: ಕರೊನಾ ಕುರಿತು ಮತ್ತೊಂದು ಶಾಕಿಂಗ್​ ವರದಿ ನೀಡಿದ ಚೀನಾ ವೈದ್ಯರು!

ಬೀಜಿಂಗ್​: ಜಾಗತಿಕವಾಗಿ ಸಾವಿನ ರಣಕೇಕೆ ಹಾಕುತ್ತಿರುವ ಹೆಮ್ಮಾರಿ ಕರೊನಾ ವೈರಸ್​ ಕುರಿತಾದ ಮತ್ತೊಂದು ಆಘಾತಕಾರಿ ಸುದ್ದಿಯೊಂದು ಕೋವಿಡ್​-19 ತವರು ಚೀನಾದಿಂದ ಕೇಳಿಬಂದಿದೆ. ಚೀನಾದ ಈಶಾನ್ಯ ಪ್ರದೇಶದ ರೋಗಿಗಳಲ್ಲಿ ಕರೊನಾ ವೈರಸ್​ ಹೊಸ ರೂಪತಾಳಿರುವುದು ಕಂಡುಬಂದಿದೆ.

ಕರೊನಾ ಸ್ಪೋಟಗೊಂಡ ವುಹಾನ್​ಗೆ ಹೋಲಿಕೆ ಮಾಡಿದರೆ, ಇದೀಗ ಈಶಾನ್ಯ ಪ್ರದೇಶದಲ್ಲಿ ಕಂಡುಬಂದಿರುವ ವೈರಸ್​ ರಚನೆ ಬಹಳ ವಿಭಿನ್ನವಾಗಿದೆ. ಬಹುಶಃ ಕೋವಿಡ್​-19 ತನ್ನ ವೇಷವನ್ನು ಬದಲಾಯಿಸಿದ್ದು, ತನ್ನ ವಿರುದ್ಧದ ಹೋರಾಟದಲ್ಲಿ ಮತ್ತಷ್ಟು ಸಂಕೀರ್ಣತೆ ಸೃಷ್ಟಿಸುತ್ತಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ವಿವಾಹಿತೆಯೊಂದಿಗೆ ಯುವತಿ ಆತ್ಮಹತ್ಯೆ: ಸಮಾಜ ಒಪ್ಪದ ಸಂಬಂಧವೇ ಇಬ್ಬರಿಗೂ ಮುಳುವಾಯಿತಾ?​

ಈಶಾನ್ಯ ಚೀನಾ ಪ್ರಾಂತ್ಯದ ಜಿಲಿನ್​ ಮತ್ತು ಹೆಲ್ಜಿಯಾಂಗ್ ರೋಗಿಗಳಲ್ಲಿ ರೂಪಾಂತರಗೊಂಡ ಕರೊನಾ ಪತ್ತೆಯಾಗಿದೆ. ಇಲ್ಲಿನ ರೋಗಿಗಳು ದೀರ್ಘಾಕಾಲದವರೆಗೆ ವೈರಸ್​ ಅನ್ನು ತಮ್ಮೊಂದಿಗೆ ರವಾನೆ ಮಾಡಿರುವಂತೆ ಕಾಣುತ್ತಿದ್ದು, ಅವರಲ್ಲಿ ವೈರಸ್​ ನೆಗಿಟಿವ್​ ಫಲಿತಾಂಶ ಬರಲು ತುಂಬಾ ತಡವಾಗಿದೆ ಎಂದು ಚೀನಾದ ಪ್ರಮುಖ ವೈದ್ಯರು ತಿಳಿಸಿದ್ದಾರೆ.

ವುಹಾನ್​ನಲ್ಲಿ ರೋಗ ಲಕ್ಷಣ ನಿರ್ಣಯಿಸಲು ಒಂದರಿಂದ ಎರಡು ವಾರಗಳು ತೆಗದುಕೊಳ್ಳುತ್ತಿತ್ತು. ಆದರೆ, ಅದಕ್ಕಿಂತ ಹೆಚ್ಚಿನ ಕಾಲವನ್ನು ಈಶಾನ್ಯ ಚೀನಾದ ರೋಗಿಗಳಲ್ಲಿ ತೆಗೆದುಕೊಳ್ಳುತ್ತಿದೆ. ರೋಗ ನಿರ್ಣಯ ವಿಳಂಬದಿಂದಾಗಿ ರೋಗ ಹರಡುವುದನ್ನು ತಡೆಯಲು ತುಂಬಾ ಕಷ್ಟವಾಗುತ್ತಿದೆ ಎಂದು ಈಶಾನ್ಯ ಚೀನಾದಲ್ಲಿ ಚಿಕಿತ್ಸೆ ನೀಡುತ್ತಿರುವ ಪ್ರಮುಖ ವೈದ್ಯ ಕಿಯು ಹೈಬೋ ಹೇಳಿದ್ದಾರೆ.

ಇದನ್ನೂ ಓದಿ: ಮಹಿಳೆಯ ಶವದ ಜತೆ ಸಾರ್ವಜನಿಕ ಸ್ಥಳದಲ್ಲಿ ಸಂಭೋಗ: ಆರೋಪಿ ಬಂಧಿಸಿದ ಅಧಿಕಾರಿಗಳಿಗೆ ಕಾದಿತ್ತು ಶಾಕ್​!

ಆಘಾತಕಾರಿಯೆಂದರೆ ದೀರ್ಘಾವದಿಯಲ್ಲಿ ರೋಗಿಗಳಲ್ಲಿ ಯಾವುದೇ ರೋಗ ಲಕ್ಷಣಗಳು ಗೋಚರಿಸುವುದಿಲ್ಲ. ಇದು ಕುಟುಂಬ ಸೋಂಕಿಗೆ ಗುರಿಯಾಗಲಿದೆ. ಶುಲನ್​, ಜಿಲಿನ್​ ಮತ್ತು ಶೆಂಗ್ಯಾಂಗ್ ಸುತ್ತ ಸೋಂಕು ಹರಡಿದ್ದು, ಕಳೆದ 2 ವಾರಗಳಿಂದ 46 ಪ್ರಕರಣಗಳು ವರದಿಯಾಗಿದೆ. ಎರಡು ಪ್ರಾಂತ್ಯದಲ್ಲಿ ಸುಮಾರು 100 ಮಿಲಿಯನ್​ಗೂ ಅಧಿಕ ಮಂದಿ ವಾಸವಿದ್ದು, ಮತ್ತೊಮ್ಮೆ ಸೋಂಕು ತಡೆಗಟ್ಟಲು ಲಾಕ್​ಡೌನ್​ ಮರು ಸ್ಥಾಪಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ಆದರೆ, ಕರೊನಾ ವೈರಸ್​ ತನ್ನ ರೂಪ ಬದಲಾವಣೆ ಮಾಡಿರುವ ಬಗ್ಗೆ ವಿಜ್ಞಾನಿಗಳು ಈವರೆಗೆ ಸಂಪೂರ್ಣವಾಗಿ ಅರ್ಥ ಮಾಡಿಕೊಂಡಿಲ್ಲ. ಆದರೆ, ಚೀನಾ ವೈದ್ಯರು ವುಹಾನ್​ಗಿಂತ ಈಶಾನ್ಯ ಚೀನಾದ ರೋಗಿಗಳಲ್ಲಿ ರೂಪ ಬದಲಾವಣೆ ಲಕ್ಷಣಗಳು ಕಾಣಿಸಿವೆ ಎಂದು ವಾದ ಮಂಡನೆ ಮಾಡಿದ್ದಾರೆ.

ಇದನ್ನೂ ಓದಿ:  ಮೊಬೈಲ್​​ ಬಿಟ್ಟು ಓದಿಕೋ ಎಂದಿದ್ದಕ್ಕೆ ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿನಿಯಿಂದ ದುಡುಕಿನ ನಿರ್ಧಾರ

ಅಲ್ಲದೆ, ಈಶಾನ್ಯ ಚೀನಾದ ರೋಗಿಗಳಲ್ಲಿ ಹೆಚ್ಚಿನ ಪ್ರಮಾಣ ಶ್ವಾಸಕೋಸಗಳಿಗೆ ಹಾನಿಯಾಗಿರುವುದನ್ನು ಗಮನಿಸಿದ್ದಾರೆ. ಆದರೆ, ವುಹಾನ್​ನಲ್ಲಿ ಬಹು ಅಂಗಾಗಳ ಮೇಲೆ ವೈರಸ್​ ಪ್ರಭಾವ ಬೀರುತ್ತಿತ್ತು. ಇದೀಗ ವೈರಸ್​ನ ಹೊಸ ರೂಪಕ್ಕೂ ರಷ್ಯಾಗೂ ಸಂಬಂಧವಿದೆ ಎಂದು ನಂಬಲಾಗಿದೆ. ಯೂರೋಪ್​​ನಲ್ಲೂ ಕರೊನಾ ವೈರಸ್​ ಹೆಚ್ಚು ಪರಿಣಾಮ ಬೀರಿತ್ತು. ಯೂರೋಪ್​ನ ಅನುವಂಶಿಕ ಅನುಕ್ರಮ​ವು ಈಶಾನ್ಯ ಚೀನಾದ ಅನುಕ್ರಮಕ್ಕೆ ಹೊಂದಾಣಿಕೆಯಾಗಿದೆ ಎಂದು ಕಿಯು ಹೈಬೋ ತಿಳಿಸಿದ್ಸಾರೆ. (ಏಜೆನ್ಸೀಸ್​)

https://www.vijayavani.net/delhi-man-hires-fake-covid-19-health-workers-to-poison-wifes-alleged-lover-says-cops/