ಮಹಾರಾಜ ಟ್ರೋಫಿಯಲ್ಲಿ ಬೆಂಗಳೂರು ಬ್ಲಾಸ್ಟರ್ಸ್ ಶುಭಾರಂಭ

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ವೇಗಿಗಳಾದ ಆದಿತ್ಯ ಗೋಪಾಲ್​ (43ಕ್ಕೆ 3), ನವೀನ್​ ಎಂಜಿ (8ಕ್ಕೆ 2) ಬಿಗಿ ದಾಳಿ ಮತ್ತು ಆರಂಭಿಕ ಚೇತನ್​ ಎಲ್​ಆರ್​ (53 ರನ್​, 34 ಎಸೆತ, 5 ಬೌಂಡರಿ, 3 ಸಿಕ್ಸರ್​) ಬಿರುಸಿನ ಅರ್ಧಶತಕದ ಬಲದಿಂದ ಬೆಂಗಳೂರು ಬ್ಲಾಸ್ಟರ್ಸ್​ ತಂಡ ಮಹಾರಾಜ ಟ್ರೋಫಿ ಟಿ20 ಟೂರ್ನಿಯಲ್ಲಿ ಗುಲ್ಬರ್ಗಾ ಮಿಸ್ಟಿಕ್ಸ್​ ವಿರುದ್ಧ 9 ವಿಕೆಟ್​ಗಳಿಂದ ಗೆದ್ದು ಶುಭಾರಂಭ ಕಂಡಿದೆ.

ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಗುರುವಾರ ನಡೆದ ಉದ್ಘಾಟನಾ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ದೇವದತ್​ ಪಡಿಕ್ಕಲ್​ ಸಾರಥ್ಯದ ಗುಲ್ಬರ್ಗಾ ತಂಡ 16.4 ಓವರ್​ಗಳಲ್ಲಿ 116 ರನ್​ಗಳಿಗೆ ಸರ್ವಪತನ ಕಂಡಿತು. ಪ್ರತಿಯಾಗಿ ಚೇತನ್​ ಮತ್ತು ನಾಯಕ ಮಯಾಂಕ್​ ಅಗರ್ವಾಲ್​ (47*ರನ್​, 29 ಎಸೆತ, 6 ಬೌಂಡರಿ, 1 ಸಿಕ್ಸರ್​) ಮೊದಲ ವಿಕೆಟ್​ಗೆ 101 ರನ್​ ಜತೆಯಾಟವಾಡಿದ ಬಲದಿಂದ ಬೆಂಗಳೂರು ತಂಡ 11.2 ಓವರ್​ಗಳಲ್ಲೇ 1 ವಿಕೆಟ್​ಗೆ 117 ರನ್​ ಗಳಿಸಿ ಜಯಿಸಿತು.

ಗುಲ್ಬರ್ಗಾ ಮಿಸ್ಟಿಕ್ಸ್​: 16.4 ಓವರ್​ಗಳಲ್ಲಿ 116 (ಲವನೀತ್​ 14, ಪಡಿಕ್ಕಲ್​ 20, ಅನೀಶ್​ 4, ಸ್ಮರಣ್​ 8, ಶರತ್​ 13, ಪ್ರವಿಣ್​ ದುಬೆ 19, ಲವಿಶ್​ 22ಕ್ಕೆ 2, ಆದಿತ್ಯ ಗೋಪಾಲ್​ 43ಕ್ಕೆ 3, ನವೀನ್​ ಎಂಜಿ 8ಕ್ಕೆ 2, ಮೊಹ್ಸಿನ್​ ಖಾನ್​ 8ಕ್ಕೆ 2), ಬೆಂಗಳೂರು ಬ್ಲಾಸ್ಟರ್ಸ್​: 11.2 ಓವರ್​ಗಳಲ್ಲಿ 117 (ಚೇತನ್​ ಎಲ್​ಆರ್​ 53, ಮಯಾಂಕ್​ 47*, ವೈಶಾಕ್​ 44ಕ್ಕೆ 1).

ಮಹಾರಾಜ ಟ್ರೋಫಿಗೆ ಮೈಸೂರು ವಾರಿಯರ್ಸ್ ತಂಡದ ಜೆರ್ಸಿ ಅನಾವರಣ