ಕ್ರೆಡಿಟ್ ಕಾರ್ಡ್ ಹೆಸರಲ್ಲಿ ಜನರಿಗೆ ಟೋಪಿ! ನಕಲಿ ಕಾಲ್ ಸೆಂಟರ್ ಪತ್ತೆ!

ನವದೆಹಲಿ : ಆಕರ್ಷಕ ಸೌಲಭ್ಯಗಳಿರುವ ಕ್ರೆಡಿಟ್​ ಕಾರ್ಡ್​ ನೀಡುವುದಾಗಿ ಕರೆ ಮಾಡಿ ಜನರಿಂದ ಹಣ ದೋಚುತ್ತಿದ್ದ ನಕಲಿ ಕಾಲ್​ ಸೆಂಟರ್​ ಒಂದನ್ನು ದೆಹಲಿ ಪೊಲೀಸರು ಪತ್ತೆ ಹಚ್ಚಿದ್ದಾರೆ. ನೂರಾರು ಜನರನ್ನು ಈ ರೀತಿ ವಂಚಿಸಿದ್ದ ನಾಲ್ಕು ಮಹಿಳೆಯರು ಮತ್ತು ಓರ್ವ ಪುರುಷನನ್ನು ಬಂಧಿಸಲಾಗಿದೆ.

ದೆಹಲಿಯ ರೋಹಿಣಿಯಲ್ಲಿ ನಕಲಿ ಕಾಲ್​ ಸೆಂಟರ್​ ನಡೆಸುತ್ತಿದ್ದ ರಾಹುಲ್ ರಾಥೋರ್(30) ಮತ್ತು ಆತನ ಸಿಬ್ಬಂದಿಯಾಗಿದ್ದ ಮುಸ್ಕಾನ್(21), ಸೋನಂ(26), ಬಬೀತಾ(22) ಮತ್ತು ಕಾಜಲ್(22) ಎಂಬುವರನ್ನು ಪೊಲೀಸರು ನಿನ್ನೆ ದಾಳಿ ನಡೆಸಿ ಬಂಧಿಸಿದ್ದಾರೆ. ಆರೋಪಿ ರಾಥೋರ್,​ ಮುಂಚೆ ನಿಜವಾದ ಬ್ಯಾಂಕ್ ಕಾಲ್​ ಸೆಂಟರ್​ನಲ್ಲಿ ಕೆಲಸ ಮಾಡುತ್ತಿದ್ದು, ಹಣ ಮಾಡುವ ಆಸೆಯಿಂದ ಗ್ರಾಹಕರ ಡೇಟಾವನ್ನು ಖರೀದಿಸಿ, ಈ ದಂಧೆ ಆರಂಭಿಸಿದ್ದ ಎನ್ನಲಾಗಿದೆ.

ಇದನ್ನೂ ಓದಿ: ಮಲಗಿದ್ದ ಮಗುವಿನ ಗಂಟಲು ಕೊಯ್ದ ಕರೊನಾ ರೋಗಿ! ತಡರಾತ್ರಿ ನಡೆಯಿತು ದುರಂತ

ಆತನ ಕೆಲಸಗಾರರು ಜನರಿಗೆ ಕರೆ ಮಾಡಿ ಕ್ರೆಡಿಟ್​ ಕಾರ್ಡ್​ ಜೊತೆ ಗಿಫ್ಟ್​ ಕಾರ್ಡ್ಸ್, ವಿಐಪಿ ಸೇವಿಂಗ್ ಕಾರ್ಡ್ಸ್, ಆರೋಗ್ಯ ಸೇವೆ ಮುಂತಾದ್ದನ್ನು ಒದಗಿಸಲಾಗುವುದು ಎಂದು ಆಮಿಷ ಒಡ್ಡುತ್ತಿದ್ದರು. ನಂತರ ಅದಕ್ಕಾಗಿ ಹಣ ಪಾವತಿಸಿಕೊಂಡು ವಂಚಿಸುತ್ತಿದ್ದರು ಎಂಬುದು ವಿಚಾರಣೆಯಲ್ಲಿ ತಿಳಿದುಬಂದಿದೆ ಎಂದು ರೋಹಿಣಿ ಡಿಸಿಪಿ ಪ್ರಣವ್​ ತಯಾಲ್ ಹೇಳಿದ್ದಾರೆ. ಕೆ.ಎನ್.ಕಟ್ಜು ಪೊಲೀಸ್ ಠಾಣೆಯಲ್ಲಿ ಕೇಸು ದಾಖಲಿಸಿದ್ದು, ಮುಖ್ಯ ಆರೋಪಿ ರಾಥೋರ್​ಗೆ ಡೇಟಾ ಒದಗಿಸುತ್ತಿದ್ದ ಇನ್ನೂ ಇಬ್ಬರು ಆರೋಪಿಗಳ ಪತ್ತೆ ಕಾರ್ಯ ಮುಂದುವರಿದಿದೆ. (ಏಜೆನ್ಸೀಸ್)

https://www.vijayavani.net/twitter-loses-legal-indemnity-over-non-compliance-to-it-rules/

https://www.vijayavani.net/61-people-arrested-for-doing-pool-party-neglecting-corona-restrictions/

https://www.vijayavani.net/video-shows-contractor-shamed-by-putting-garbage-on-head/