ಪ್ರೇಮ್ ನಗರದ ನಿವಾಸಿ ಪಂಕಜ್ ಕುಮಾರ್ ಎಂಬುವವರು, ಟೆರೇಸ್ನಿಂದ ಬಿದ್ದು ಮಾರಣಾಂತಿಕ ಗಾಯಗಳ ನಂತರ ಸಾವನ್ನಪ್ಪಿದರು. ಅವರ ಶವವನ್ನು ಮರಣೋತ್ತರ ಪರೀಕ್ಷೆಗಾಗಿ ಶವಾಗಾರದಲ್ಲಿ ಇರಿಸಲಾಗಿತ್ತು. ಅದೇ ಸಮಯದಲ್ಲಿ ನಂಗ್ಲೋಯಿಯಿಂದ ಬಂದ ಭರತ್ ಭೂಷಣ್ ಎಂಬುವವರ ಶವವನ್ನು ಸಹ ಶವಪರೀಕ್ಷೆಗಾಗಿ ಒಳಪಡಿಸಲಾಯಿತು ಎಂದು ಮೂಲಗಳು ತಿಳಿಸಿವೆ. ಭರತ್ ಭೂಷಣ್ ಅವರ ಕುಟುಂಬವು ಪಂಕಜ್ ಕುಮಾರ್ ಅವರ ದೇಹವನ್ನು ತಮ್ಮ ಸಂಬಂಧಿಕರದ್ದು ಎಂದು ತಪ್ಪಾಗಿ ಗುರುತಿಸಿದೆ ಎಂದು ಆರೋಪಿಸಲಾಗಿದೆ. ಮರಣೋತ್ತರ ಪರೀಕ್ಷೆಯ ಬಳಿಕ ದೇಹವನ್ನು ಪಡೆದುಕೊಂಡು ವಿಧಿವಿಧಾನಗಳನ್ನು ಪೂರ್ಣಗೊಳಿಸಿದ್ದಾರೆ ಎಂದು ಹೇಳಲಾಗಿದೆ. ಇನ್ನೂ ಪಂಕಜ್ ಕುಮಾರ್ ಕುಟುಂಬವು ಅವರ ದೇಹವನ್ನು ತೆಗೆದುಕೊಳ್ಳಲು ಬಂದಾಗ ಈ ಪ್ರಕರಣ ಬೆಳಕಿಗೆ ಬಂದಿದೆ. ಪಂಕಜ್ ಕುಮಾರ್ ಅವರ ಕುಟುಂಬವು ಆಸ್ಪತ್ರೆಯ ನಿರ್ಲಕ್ಷ್ಯವನ್ನು ಆರೋಪಿಸಿದ್ದು, ಸರಿಯಾದ ಗುರುತಿನ ಕ್ರಮ ಅನುಸರಿಸಿಲ್ಲ ಎಂದು ಹೇಳಿದೆ.
