Champions Tropy ಯಲ್ಲಿ ಫೈನಲ್​ ಪಂದ್ಯ ಆಡುವ ಮೂಲಕ ದಾಖಲೆ ನಿರ್ಮಿಸಿದ ವಿರಾಟ್​ ಕೊಹ್ಲಿ!; ಏನದು ರನ್​ ಮಷಿನ್ ಸಾಧನೆ?

Champions Tropy : ಟೀಮ್​ ಇಂಡಿಯಾ ಸ್ಟಾರ್​ ಬ್ಯಾಟರ್​, ರನ್​ ಮಷಿನ್​ ವಿರಾಟ್​ ಕೊಹ್ಲಿ ಇದೀಗ ಚಾಂಪಿಯನ್ಸ್​ ಟ್ರೋಫಿ 2025ರ ಟೂರ್ನಿಯಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್​ ನಡುವೆ ನಡೆಯುತ್ತಿರುವ ಫೈನಲ್​ ಹಣಾಹಣಿಯ ಪಂದ್ಯದಲ್ಲಿ ಆಡುವ ಮೂಲಕ 550 ಅಂತರಾಷ್ಟ್ರೀಯ ಪಂದ್ಯಗಳನ್ನಾಡಿದ ಭಾರತದ ಎರಡನೇ ಆಟಗಾರ ಎಂಬ ಹೆಗ್ಗಳಿಗೆ ಪಾತ್ರರಾಗಿದ್ದಾರೆ.

ಇಲ್ಲಿಯವರೆಗೆ ವಿರಾಟ್​ ಕೊಹ್ಲಿ, 150 ಟೆಸ್ಟ್​, 302 ಏಕದಿನ ಮತ್ತು 125 ಟಿ20 ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸಿದ್ದಾರೆ. ಈ ಮೂಲಕ ವಿರಾಟ್​ ಅತಿ ಹೆಚ್ಚು ಪಂದ್ಯಗಳನ್ನು ಆಡಿದ ಎರಡನೇ ಆಟಗಾರರಾಗಿ ಹೊರ ಹೊಮ್ಮಿದ್ದಾರೆ. ಅಲ್ಲದೆ, ಇದೇ ಟೂರ್ನಿಯಲ್ಲಿ 14,000 ರನ್​ ಪೂರೈಸಿದ ಜಗತ್ತಿನ ಮೂರನೇ ಬ್ಯಾಟರ್​ ಎಂಬ ದಾಖಲೆ ಮಾಡಿದ್ದಾರೆ.

2013ರಲ್ಲಿ ನಿವೃತ್ತರಾದ ಕಿಕ್ರೆಟ್​ ದಂತ ಸಚಿನ್​ ತೆಂ​ಡೂಲ್ಕರ್​ 664 ಅಂತರಾಷ್ಟ್ರೀಯ ಪಂದ್ಯಳನ್ನಾಡುವ(200 ಟೆಸ್ಟ್​, 463 ಏಕದಿನ ಮತ್ತು ಒಂದಿ ಟಿ20) ಮೂಲಕ ಆಗ್ರಸ್ಥಾನಲ್ಲಿದ್ದಾರೆ. ಇನ್ನು ಮಾಜಿ ಕ್ಯಾಪ್ಟನ್​ ಎಂ.ಎಸ್​. ಧೋನಿ(538), ರಾಹುಲ್​ ದ್ರಾವಿಡ್​(509) ರೋಹಿತ್​ ಶರ್ಮ(499) ಮೊದಲ 5 ಸ್ಥಾನಗಳನ್ನು ಕಾಯ್ದುಕೊಂಡಿದ್ದಾರೆ.

ಮತ್ತೊಂದು ದಾಖಲೆಗೆ ಸಮೀಪ!

ಇನ್ನುವಿರಾಟ್ 2025ರ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಹಲವಾರು ದಾಖಲೆಗಳನ್ನು ಮರಿಯು ತವಕದಲ್ಲಿದ್ದಾರೆ. ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಅತಿಹೆಚ್ಚು ರನ್​​ ಗಳಿಸಿದ ವೆಸ್ಟ್​ ಇಂಡಿಸ್​ ಆಟಗಾರ ಕ್ರಿಸ್ಸ್​ಗೇಲ್(791)​ ಅವರನ್ನು ಹಿಂದಿಕ್ಕಲು ಕೇವಲ 46ರನ್​ಗಳ ಅಗತ್ಯವಿದೆ.

ನಾಲ್ಕು ಪಂದ್ಯಗಳಲ್ಲಿ 217 ರನ್ ಗಳಿಸಿರುವ ವಿರಾಟ್ ಕೊಹ್ಲಿ, ಪ್ರಸಕ್ತ ಆವೃತ್ತಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಲು ಇನ್ನೂ 46 ರನ್ ಗಳಿಸಬೇಕಾಗಿದೆ. ನ್ಯೂಜಿಲೆಂಡ್‌ನ ರಾಚಿನ್ ರವೀಂದ್ರ ಪ್ರಸ್ತುತ 263 ರನ್‌ಗಳೊಂದಿಗೆ ಅಗ್ರಸ್ಥಾನದಲ್ಲಿದ್ದಾರೆ.(ಏಜೆನ್ಸೀಸ್​)

https://www.vijayavani.net/ind-vs-nz-struggles-to-bat-in-the-first-innings

https://www.vijayavani.net/if-you-want-to-offer-prayers-on-holi-then-offer-prayers-at-home-why-did-cm-yogi-adityanath-say-this