ಕೊಂಬಾರು ಗ್ರಾಮದ ಡಮ್ಮಡ್ಕ ಮೋಹನಾನಂದ, ನೇತ್ರಾವತಿ ದಂಪತಿಯ ಪುತ್ರಿ ಚೈತನ್ಯಾ ಡಿ.ಎಂ. ಛತ್ತೀಸ್ಗಢದ ಭಿಲಾಯಿನಲ್ಲಿ ನಡೆದ 32ನೇ ಸಬ್ ಜೂನಿಯರ್ ವಿಭಾಗದ ರಾಷ್ಟ್ರಮಟ್ಟದ ಥ್ರೋಬಾಲ್ ಪಂದ್ಯಾಟದಲ್ಲಿ ಭಾಗವಹಿಸಿದ್ದು, ಈ ಪಂದ್ಯ ಕೂಟದಲ್ಲಿ ಒಟ್ಟು 20 ತಂಡಗಳು ಭಾಗವಹಿಸಿದ್ದವು. ಮುಂಬೈ, ಪಶ್ಚಿಮ ಬಂಗಾಳ, ತೆಲಂಗಾಣವನ್ನು ಸೋಲಿಸಿ, ಸೆಮಿ ಫೈನಲ್ನಲ್ಲಿ ಹರಿಯಾಣವನ್ನು ಮಣಿಸಿ ಕರ್ನಾಟಕ ತಂಡ ಫೈನಲ್ ಪ್ರವೇಶಿಸಿತು. ಪೈನಲ್ನಲ್ಲಿ ಜಾಖರ್ಂಡ್ ಅನ್ನು ಸೋಲಿಸಿ ಕರ್ನಾಟಕ ಚಾಂಪಿಯನ್ ಆಯಿತು. ದೈಹಿಕ ಶಿಕ್ಷಣ ಶಿಕ್ಷಕ ಮೋನಪ್ಪ ಪಟ್ಟೆ, ಅಂತಾರಾಷ್ಟ್ರೀಯ ಥ್ರೋಬಾಲ್ ಕ್ರೀಡಾಪಟು, ದೈಹಿಕ ಶಿಕ್ಷಣ ಶಿಕ್ಷಕಿ ಪೂರ್ಣಿಮಾ ಪಿ, ಶ್ರೀ ಗೋಪಾಲಕೃಷ್ಣ ಪ್ರೌಢಶಾಲೆ ದೈಹಿಕ ಶಿಕ್ಷಣ ಶಿಕ್ಷಕ ವಿನಯ ಕೆ.ಮಾರ್ಗದರ್ಶನ ನೀಡಿದ್ದರು.
