ಲೋಕಸಭೆಯಲ್ಲಿ ಪೂರಕ ಅನುದಾನಗಳ ಬೇಡಿಕೆ ವಿಧೇಯಕದ ಮೇಲಿನ ಚರ್ಚೆಯಲ್ಲಿ ಭಾಗವಹಿಸಿ ವಾತನಾಡಿದ ಅವರು, ಹಿಂದಿನ ಯಪಿಎ ಸರ್ಕಾರದಲ್ಲಿ ರಾಜ್ಯಗಳಿಗೆ ತೆರಿಗೆ ಹಂಚಿಕೆಯಲ್ಲಿ ಪಾಲು ಶೇ.30.5 ನಿಂದ ಶೇ.32 ಕ್ಕೆ ಏರಿಕೆಯಾಗಿದ್ದು ಮೋದಿ ಆಡಳಿತದಲ್ಲಿ ಶೇ.40 ಕ್ಕೆ ಏರಿಕೆಯಾಗಿದೆ. 2004 ರಿಂದ 2014 ರ ಯುಪಿಎ ಅವಧಿಯಲ್ಲಿ ಕರ್ನಾಟಕಕ್ಕೆ 81,795 ಕೋಟಿ ರೂ ತೆರಿಗೆ ಹಂಚಿಕೆಯಾಗಿದ್ದರೆ, 2014-2024 ರ ಎನ್ಡಿಎ ಸರ್ಕಾರದ ಅವಧಿಯಲ್ಲಿ 2.77 ಲಕ್ಷ ಕೋಟಿ ರೂ ತೆರಿಗೆ ಹಂಚಿಕೆಯೊಂದಿಗೆ ಶೇ.239 ಏರಿಕೆಯಾಗಿದೆ. ಹಾಗೆಯೇ ಯುಪಿಎ ಕರ್ನಾಟಕಕ್ಕೆ 60,779 ಕೋಟಿ ರೂ. ಅನುದಾನ ನೀಡಿದರೆ, ಎನ್ಡಿಎ ಸರ್ಕಾರದಿಂದ 2.08 ಲಕ್ಷ ಕೋಟಿ ರೂ. ಅನುದಾನ ಸಿಕ್ಕಿದೆ ಎಂದು ತಿಳಿಸಿದ್ದಾರೆ.
