ಕೊನೆಗೂ ಒಂದಾದ ಗೀತ-ಗೋವಿಂದ: ಉದಯಪುರದ ಅರಮನೆಯಲ್ಲಿ ರಶ್ಮಿಕಾ-ವಿಜಯ್ ಅದ್ಧೂರಿ ಕಲ್ಯಾಣ! Vijay-Rashmika Wedding

ಎರಡು ಪ್ರತ್ಯೇಕ ವಿವಾಹ ಸಮಾರಂಭಗಳನ್ನು ಈ ಜೋಡಿ ಆಯೋಜಿಸಿತ್ತು ಎನ್ನಲಾಗಿದ್ದು, ವಿಜಯ್ ದೇವರಕೊಂಡ ತೆಲುಗು ಕುಟುಂಬದ ಸಂಪ್ರದಾಯದಂತೆ ಬೆಳಿಗ್ಗೆ ಮಂಗಳ ಮುಹೂರ್ತದಲ್ಲಿ ವಿವಾಹ ಕಾರ್ಯಕ್ರಮ ನಡೆಯಿತು. ಅದೇ ರೀತಿ ಸಂಜೆ ಕೊಡಗಿನ ಸಂಪ್ರದಾಯದಂತೆ ರಶ್ಮಿಕಾ ಕುಟುಂಬಸ್ಥರಿಂದ ಕಾರ್ಯಕ್ರಮಗಳು ನಡೆಯಲಿವೆ ಎಂದು ವರದಿಯಾಗಿದೆ.

ನಿನ್ನೆ ಸಂಜೆ ನೆರವೇರಿದ ಸಂಗೀತ ಸಮಾರಂಭದ ಚಿತ್ರವೊಂದು ಆನ್‌ಲೈನ್‌ನಲ್ಲಿ ಲೀಕ್ ಆಗಿದ್ದು, ಅಭಿಮಾನಿಗಳಲ್ಲಿ ಸಖತ್ ಕುತೂಹಲ ಮೂಡಿಸಿತ್ತು. ಆ ವಿಡಿಯೋದಲ್ಲಿ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಹಬ್ಬದ ವಾತಾವರಣದಲ್ಲಿ ಕಾಣಿಸಿಕೊಂಡಿದ್ದಾರೆ. ಸುತ್ತಲೂ ಬೆಚ್ಚಗಿನ ದೀಪಗಳ ಅಲಂಕಾರವಿದ್ದು, ಇಬ್ಬರೂ ಸಾಂಪ್ರದಾಯಿಕ ಉಡುಪಿನಲ್ಲಿ ಪರಸ್ಪರ ಕೈ ಹಿಡಿದು ನಡೆಯುತ್ತಿರುವ ದೃಶ್ಯವು ನೋಡುಗರಿಗೆ ಕಣ್ಣಿಗೆ ಹಬ್ಬದಂತಿದೆ.

ವರದಿಗಳ ಪ್ರಕಾರ,  ಈ ಜೋಡಿ ಆಪ್ತ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರೊಂದಿಗೆ ನೃತ್ಯ ಮಾಡುವುದರೊಂದಿಗೆ ಸಂಗೀತ ಕಾರ್ಯಕ್ರಮವನ್ನು ಸಂತೋಷವಾಗಿ ಆಚರಿಸಿಕೊಂಡರು. ಆದಾಗ್ಯೂ, ಈ ಪಾರ್ಟಿಯಲ್ಲಿ ತಮ್ಮದೇ ಚಿತ್ರಗಳ ಹಾಡುಗಳನ್ನು ಒಳಗೊಂಡಿತ್ತು ಎನ್ನಲಾಗಿದೆ.

ವಿಜಯ್ ಮತ್ತು ರಶ್ಮಿಕಾ ತಮ್ಮ ಗೀತಾ ಗೋವಿಂದಂ ಮತ್ತು ಡಿಯರ್ ಕಾಮ್ರೇಡ್‌ನ ಹಾಡುಗಳಿಗೆ ನೃತ್ಯ ಮಾಡಿದ್ದಾರೆ. ಆದಾಗ್ಯೂ, ಕುಟುಂಬಸ್ಥರು ಪುಷ್ಪ: ದಿ ರೈಸ್‌ನ ಹಾಡಿಗೆ ಹೆಜ್ಜೆ ಹಾಕಿ ಸಂಗೀತ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.

ವಿಜಯ್ ತೆಲುಗು ಕುಟುಂಬದಿಂದ ಬಂದವರು. ತಂದೆ ಗೋವರ್ಧನ್ ರಾವ್ ದೂರದರ್ಶನದಲ್ಲಿ ನಿರ್ದೇಶಕರಾಗಿದ್ದರೆ, ತಾಯಿ ಮಾಧವಿ ಹೈದರಾಬಾದ್‌ನಲ್ಲಿ ಸಾಫ್ಟ್-ಸ್ಕಿಲ್ ತರಬೇತುದಾರರಾಗಿದ್ದಾರೆ. ಸಹೋದರ ಆನಂದ್ ದೇವರಕೊಂಡ ಕೂಡ ತೆಲುಗು ಚಿತ್ರರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸುತ್ತಿದ್ದು, ವಿಜಯ್​ನೊಂದಿಗೆ ಬಲವಾದ ಸಂಬಂಧವನ್ನು ಹೊಂದಿದ್ದಾರೆ.

ರಶ್ಮಿಕಾ ಕರ್ನಾಟಕದ ವಿರಾಜಪೇಟೆಯವರು. ಅವರ ತಂದೆ ಕಾಫಿ ಎಸ್ಟೇಟ್ ಹೊಂದಿದ್ದಾರೆ. ತಾಯಿ ಗೃಹಿಣಿಯಾಗಿದ್ದಾರೆ. ಅವರಿಗೆ ಓರ್ವ ಸಹೋದರಿಯಿದ್ದು, 17 ವರ್ಷಗಳ ಅಂತರವನ್ನು ಹೊಂದಿದ್ದಾರೆ (ಏಜೆನ್ಸೀಸ್).