ಭವಿಷ್ಯದ ತಾರೆಯರ ವಿಶ್ವ ಸಮರ: ಐಸಿಸಿ 19 ವಯೋಮಿತಿ ಏಕದಿನ ವಿಶ್ವಕಪ್​ಗೆ ವೇದಿಕೆ ಸಜ್ಜು

ಟೂರ್ನಿಯಲ್ಲಿ ಆಡಲಿರುವ 16 ತಂಡಗಳನ್ನು ತಲಾ 4ರಂತೆ 4 ಗುಂಪುಗಳಾಗಿ ವಿಭಾಗಿಸಲಾಗಿದ್ದು, ಎಲ್ಲ ತಂಡಗಳು ಲೀಗ್‌ನಲ್ಲಿ 3 ಪಂದ್ಯ ಆಡಲಿವೆ. ಪ್ರತಿ ಗುಂಪಿನ ಅಗ್ರ 3 ತಂಡಗಳು 2ನೇ ಸುತ್ತಿಗೇರಲಿವೆ. ಸೂಪರ್-6ನಲ್ಲಿ ತಲಾ ಆರು ತಂಡಗಳು 2 ಗುಂಪುಗಳಾಗಿ ವಿಭಜನೆಗೊಳ್ಳಲಿವೆ. ಇಲ್ಲಿಂದ ಪ್ರತಿ ಗುಂಪಿನ ಅಗ್ರ 2 ತಂಡಗಳು ಸೆಮಿೈನಲ್‌ಗೇರಲಿವೆ. ೆ. 3, 4ರಂದು ಸೆಮಿೈನಲ್ಸ್ ಮತ್ತು ೆ. 6ರಂದು ಹರಾರೆಯಲ್ಲಿ ೈನಲ್ ನಡೆಯಲಿದೆ. ಟೂರ್ನಿಯಲ್ಲಿ ಅಂಪೈರ್ ತೀರ್ಪಿನ ವಿರುದ್ಧ ಮೇಲ್ಮನವಿ ಸಲ್ಲಿಸಲು ಡಿಆರ್‌ಎಸ್ ಲಭ್ಯವಿರುವುದಿಲ್ಲ.

ಎ: ಆಸ್ಟ್ರೇಲಿಯಾ, ಶ್ರೀಲಂಕಾ, ಐರ್ಲೆಂಡ್, ಜಪಾನ್.

ಬಿ: ಭಾರತ, ಬಾಂಗ್ಲಾದೇಶ, ನ್ಯೂಜಿಲೆಂಡ್, ಅಮೆರಿಕ.

ಸಿ: ಇಂಗ್ಲೆಂಡ್, ಪಾಕಿಸ್ತಾನ, ಜಿಂಬಾಬ್ವೆ, ಸ್ಕಾಟ್ಲೆಂಡ್.

ಡಿ: ಅ್ಘಾನಿಸ್ತಾನ, ದಕ್ಷಿಣ ಆಫ್ರಿಕಾ, ವೆಸ್ಟ್ ಇಂಡೀಸ್, ತಂಜಾನಿಯಾ. 

ಸೂಪರ್-6 ಗುಂಪು

ಗುಂಪು-1: ಎ1, ಎ2, ಎ3, ಡಿ1, ಡಿ2, ಡಿ3.

ಗುಂಪು-2: ಬಿ1, ಬಿ2, ಬಿ3, ಸಿ1, ಸಿ2, ಸಿ3. 

ಜ.15 ಅಮೆರಿಕ

ಜ.17 ಬಾಂಗ್ಲಾದೇಶ 

ಜ.24 ನ್ಯೂಜಿಲೆಂಡ್ 

ಪಂದ್ಯ ಆರಂಭ: ಮಧ್ಯಾಹ್ನ 1.00

ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್, 

ಜಿಯೋ ಹಾಟ್‌ಸ್ಟಾರ್

ಕಿರಿಯರ ವಿಶ್ವಕಪ್‌ಗೆ ಈ ಬಾರಿ ತಾಂಜಾನಿಯಾ ತಂಡ ಪದಾರ್ಪಣೆ ಮಾಡಲಿದೆ. ಪೂರ್ವ ಆಫ್ರಿಕಾದ ಈ ದೇಶ ಕೀನ್ಯಾ ಮತ್ತು ಜಂಟಿ ಆತಿಥೇಯ ನಮೀಬಿಯಾ ತಂಡಗಳನ್ನು ಹಿಂದಿಕ್ಕಿ ವಿಶ್ವಕಪ್ ಅರ್ಹತೆ ಸಂಪಾದಿಸಿದೆ. ಜಪಾನ್ 2020ರ ಆವೃತ್ತಿಯ ಬಳಿಕ ಮತ್ತೆ ಅರ್ಹತೆ ಪಡೆದಿದೆ.  

ಭಾರತ ಯಶಸ್ವಿ ತಂಡ

ಭಾರತ ಕಿರಿಯರ ವಿಶ್ವಕಪ್ ಟೂರ್ನಿ ಇತಿಹಾಸದ ಅತ್ಯಂತ ಯಶಸ್ವಿ ತಂಡವೆನಿಸಿದೆ. ಭಾರತ ಇದುವರೆಗೆ ಒಟ್ಟು ಗರಿಷ್ಠ ಐದು ಬಾರಿಯ ಚಾಂಪಿಯನ್  (2000, 2008, 2012, 2018, 2022) ಪಟ್ಟವೇರಿದೆ. ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ (1988, 2002, 2010, 2024) 2ನೇ ಯಶಸ್ವಿ ತಂಡ ಎನಿಸಿದೆ. ಪಾಕಿಸ್ತಾನ (2004, 2006) 2 ಬಾರಿ, ಬಾಂಗ್ಲಾದೇಶ (2020). ದ.ಆಫ್ರಿಕಾ (2014), ವೆಸ್ಟ್ ಇಂಡೀಸ್ (2016) ಹಾಗೂ ಇಂಗ್ಲೆಂಡ್ (1988) ತಲಾ ಒಮ್ಮೆ ಚಾಂಪಿಯನ್ ಎನಿಸಿವೆ. ಶ್ರೀಲಂಕಾ, ನ್ಯೂಜಿಲೆಂಡ್ ತಲಾ ಒಮ್ಮೆ ರನ್ನರ್‌ಅಪ್ ಎನಿಸಿರುವುದಷ್ಟೇ ಶ್ರೇಷ್ಠ ಸಾಧನೆಯಾಗಿದೆ.

ನಮೀಬಿಯಾದ 2 ಮತ್ತು ಜಿಂಬಾಬ್ವೆಯ 3 ಕ್ರೀಡಾಂಗಣಗಳಲ್ಲಿ ಪಂದ್ಯಗಳು ನಡೆಯಲಿವೆ. ಜಿಂಬಾಬ್ವೆ 25 ಮತ್ತು ನಮೀಬಿಯಾ 16 ಪಂದ್ಯಗಳಿಗೆ ಆತಿಥ್ಯ ವಹಿಸಲಿದೆ. 

ಭಾರತ ತಂಡ ಹಲವು ಭರವಸೆಯ ಆಟಗಾರರ ಬಲವನ್ನು ಹೊಂದಿದೆ. 14 ವರ್ಷದ ಎಡಗೈ ಆರಂಭಿಕ ವೈಭವ್ ಸೂರ್ಯವಂಶಿ ಅವರ ಸ್ಫೋಟಕ ಬ್ಯಾಟಿಂಗ್ ತಂಡದ ಪ್ರಮುಖ ಶಕ್ತಿ ಎನಿಸಿದೆ. ಟೂರ್ನಿ ಬಳಿಕ ಮಾರ್ಚ್ 27ಕ್ಕೆ 15 ವರ್ಷ ಪೂರೈಸಲಿರುವ (ಹಿರಿಯರ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಲು 15 ವರ್ಷ ಆಗಿರಬೇಕು) ವೈಭವ್, ಕಿರಿಯರ ವಿಶ್ವಕಪ್‌ನಲ್ಲಿ ಮಿಂಚಿ ಟೀಮ್ ಇಂಡಿಯಾ ಪ್ರವೇಶಿಸುವ ಹಂಬಲದಲ್ಲಿದ್ದಾರೆ. ನಾಯಕ ಆಯುಷ್ ಮಹಾತ್ರೆ, ಆರನ್ ಜಾರ್ಜ್, ವೇದಾಂತ್ ತ್ರಿವೇದಿ, ವಿಕೆಟ್ ಕೀಪರ್ ಅಭಿಜ್ಞಾನ್ ಕುಂಡು ತಂಡದ ಇತರ ಪ್ರಮುಖ ಬ್ಯಾಟರ್‌ಗಳಾಗಿದ್ದರೆ, ಬೌಲಿಂಗ್‌ನಲ್ಲಿ ವೇಗಿ ದೀಪೇಶ್ ದೇವೇಂದ್ರನ್ ಪ್ರಮುಖ ಬಲ ಎನಿಸಿದ್ದಾರೆ. ಉಪನಾಯಕ ವಿಹಾನ್ ಮಲ್ಹೋತ್ರಾ ತಂಡಕ್ಕೆ ಸಮತೋಲನ ತರಬಲ್ಲ ಆಲ್ರೌಂಡರ್ ಆಗಿದ್ದಾರೆ. 

ವಿಶ್ವ ಕ್ರಿಕೆಟ್‌ನಲ್ಲಿ ಮಿಂಚಿರುವ ಹಲವಾರು ತಾರೆಯರು, ಕಿರಿಯರ ವಿಶ್ವಕಪ್‌ನಲ್ಲೇ ಮೊದಲ ಬಾರಿ ಸದ್ದು ಮಾಡಿದ್ದರು. ಬ್ರಿಯಾನ್ ಲಾರಾ, ಸನತ್ ಜಯಸೂರ್ಯ, ಇಂಜಮಾಮ್ ಉಲ್ ಹಕ್, ಮೈಕ್ ಆಥರ್ಟನ್, ಕ್ರಿಸ್ ಕೇರ್ನ್ಸ್, ಯುವರಾಜ್ ಸಿಂಗ್, ಬ್ರೆಂಡನ್ ಮೆಕ್ಕಲಂ, ಮೈಕೆಲ್ ಕ್ಲಾರ್ಕ್, ಗ್ರೇಮ್ ಸ್ಮಿತ್, ವಿರಾಟ್ ಕೊಹ್ಲಿ, ರೋಹಿತ್ ಶರ್ಮ, ಹಾಶಿಂ ಆಮ್ಲ, ಅಲಸ್ಟೈರ್ ಕುಕ್, ಡೇವಿಡ್ ವಾರ್ನರ್, ಕೇನ್ ವಿಲಿಯಮ್ಸನ್, ಜೋ ರೂಟ್, ಸ್ಟೀವನ್ ಸ್ಮಿತ್, ಶುಭಮಾನ್ ಗಿಲ್ ಅಂಥವರಲ್ಲಿ ಪ್ರಮುಖರೆನಿಸಿದ್ದಾರೆ. 

ಯಂಗ್ ಸ್ಟಾರ್ಸ್‌ ಮಿಂಚಲು ರೆಡಿ

ಭವಿಷ್ಯದಲ್ಲಿ ವಿಶ್ವ ಕ್ರಿಕೆಟ್‌ನಲ್ಲಿ ಮಿಂಚಬಲ್ಲ ಅನೇಕ ಉದಯೋನ್ಮುಖ ಕ್ರಿಕೆಟಿಗರು ಈ ಬಾರಿಯ ಟೂರ್ನಿಯಲ್ಲೂ ಕಣಕ್ಕಿಳಿಯಲಿದ್ದಾರೆ. ಭಾರತದ ಕೆಲ ಆಟಗಾರರ ಜತೆಗೆ ಪಾಕಿಸ್ತಾನದ ಆರಂಭಿಕ ಸಮೀರ್ ಮಿನ್ಹಾಸ್, ವೇಗಿ ಅಲಿ ರಾಜಾ, ಆಸ್ಟ್ರೇಲಿಯಾ ತಂಡದ ನಾಯಕ ಒಲಿವರ್ ಪೀಕ್, ಇಂಗ್ಲೆಂಡ್ ನಾಯಕ ಮತ್ತು ವಿಕೆಟ್ ಕೀಪರ್-ಬ್ಯಾಟರ್ ಥಾಮಸ್ ರೆವ್, ಆಲ್ರೌಂಡರ್ ರ್ಹಾನ್ ಅಹ್ಮದ್, ದಕ್ಷಿಣ ಆಫ್ರಿಕಾದ ಎಡಗೈ ಬ್ಯಾಟರ್ ಜೇಸನ್ ರೌಲ್ಸ್, ಕಿರಿಯರ ಏಕದಿನ ಕ್ರಿಕೆಟ್‌ನ ಮೊದಲ ದ್ವಿಶತಕವೀರ ಜೋರಿಚ್ ವ್ಯಾನ್ ಶಾಲ್ಕ್‌ವಿಕ್, ಜಿಂಬಾಬ್ವೆಯ ಮಾಜಿ ಆಲ್ರೌಂಡರ್ ಆಂಡಿ ಬ್ಲಿಗ್ನಾಟ್‌ರ ಅವಳಿ ಪುತ್ರರಾದ ಕಿಯಾನ್ ಬ್ಲಿಗ್ನಾಟ್ ಮತ್ತು ಮೈಕೆಲ್ ಬ್ಲಿಗ್ನಾಟ್, ಶ್ರೀಲಂಕಾದ ವೇಗಿ ಕುಗಥಾಸ್ ಮಥುಲನ್, ಲೆಗ್ ಸ್ಪಿನ್ನರ್ ವ್ನಿೇಶ್ವರನ್ ಆಕಾಶ್, ನ್ಯೂಜಿಲೆಂಡ್‌ನ ಆರ್ಯನ್ ಮಾನ್, ವೆಸ್ಟ್ ಇಂಡೀಸ್ ಬ್ಯಾಟರ್ ಜೋಶುವಾ ಡೋರ್ನೆ, ಬಾಂಗ್ಲಾದ ಅಜಿಜುಲ್ ಹಕೀಮ್ ಅಂಥವರಲ್ಲಿ ಪ್ರಮುಖರು.