ಇರಾನ್ ಕ್ಷಿಪಣಿ ದಾಳಿಯ ಭೀತಿ!...ಟರ್ಕಿಯಲ್ಲಿನ ರಹಸ್ಯ ಸ್ಥಳಾಂತರದ ಸ್ಫೋಟಕ ಸತ್ಯ ಬಿಚ್ಚಿಟ್ಟ ಟ್ರಂಪ್ | Donald Trump

ತಮಗೆ ಎದುರಾಗಿರುವ ಭದ್ರತಾ ಅಪಾಯಗಳ ಕುರಿತು ಮಾತನಾಡಿದ ಟ್ರಂಪ್​, ನನಗೆ ನಿರಂತರವಾಗಿ ಅನೇಕ ಬೆದರಿಕೆಗಳು ಬರುತ್ತಿರುತ್ತವೆ. ಹೀಗಾಗಿ ಅಲ್ಲಿಯೂ ಭದ್ರತಾ ಬೆದರಿಕೆ ಇತ್ತು ಎಂದು ಭಾವಿಸುತ್ತೇನೆ ಎಂದಿದ್ದಾರೆ. ವರದಿಗಳ ಪ್ರಕಾರ, ಇರಾನ್‌ನಿಂದ ಎದುರಾದ ಬೆದರಿಕೆಯ ಹಿನ್ನೆಲೆಯಲ್ಲಿ ಅಮೆರಿಕದ ಗುಪ್ತಚರ ಸಂಸ್ಥೆಗಳು ಅತ್ಯಂತ ಜಾಗರೂಕತೆಯಿಂದ ಈ ಕಾರ್ಯಾಚರಣೆ ನಡೆಸಿದ್ದು, ವಿಮಾನ ನಿಲ್ದಾಣದ ಕೇಟರಿಂಗ್ ವಾಹನವನ್ನು ಬಳಸಿ ಟ್ರಂಪ್ ಅವರನ್ನು ರಹಸ್ಯವಾಗಿ ಸಿ-32ಎ ಮಿಲಿಟರಿ ವಿಮಾನಕ್ಕೆ ಸ್ಥಳಾಂತರಿಸಲಾಗಿತ್ತು. ಮಾಧ್ಯಮಗಳು ಹಾಗೂ ಹಿರಿಯ ಅಧಿಕಾರಿಗಳ ಗಮನಕ್ಕೆ ಬಾರದಂತೆ ಅತ್ಯಂತ ಗೌಪ್ಯವಾಗಿ ನಡೆಸಲಾಗಿದ್ದ ಈ ಕಾರ್ಯಾಚರಣೆಯ ವಿವರಗಳು ಇದೀಗ ಬಹಿರಂಗಗೊಂಡಿವೆ.