ರೂಪಾಯಿ ಮೌಲ್ಯ ಕುಸಿತ; ಡಾಲರ್ ಬೆಲೆ 90 ರೂ.ಗೆ ತಲುಪಿದ್ದು, ಪ್ರಧಾನಿ ಮೋದಿಯ ಹಳೆಯ ವಿಡಿಯೋ ಹಾಕಿ ಕಾಂಗ್ರೆಸ್ ವಾಗ್ದಾಳಿ | Congress

ನವದೆಹಲಿ: ಅಮೆರಿಕಾದ ಡಾಲರ್ ಎದುರು ರೂಪಾಯಿ ಮೌಲ್ಯ ಮತ್ತೆ ಕುಸಿತ ಕಂಡಿದೆ. ಒಂದು ಡಾಲರ್​ಗೆ 90 ರೂ. ತಲುಪಿದ ಹಿನ್ನೆಲೆ ಪ್ರಧಾನಿ ನರೇಂದ್ರ ಮೋದಿಯ 2013ರ ಅಂದಿನ ಯುಪಿಎ ಕರೆನ್ಸಿ ಕುಸಿತ ಅವರ ಹೇಳಿಕೆಯ ಹಳೆಯ ವಿಡಿಯೋ ಪೋಸ್ಟ್ ಮಾಡಿ ಕಾಂಗ್ರೆಸ್(Congress) ಇಂದು(ನ. 24) ತೀವ್ರ ವಾಗ್ದಾಳಿ ನಡೆಸಿದೆ.

ಈ ಕುರಿತು ಎಕ್ಸ್​ನಲ್ಲಿ ಪೋಸ್ಟ್ ಮಾಡಿರುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ(ಸಂವಹನ) ಜೈರಾಮ್ ರಮೇಶ್, ಕೇಂದ್ರ ಸರ್ಕಾರದ ವಿರುದ್ದ ರೂಪಾಯಿ ಮೌಲ್ಯ ನಿರಂತರವಾಗಿ ಕುಸಿತದಲ್ಲಿದೆ. ಪ್ರತಿ ಡಾಲರ್‌ಗೆ 90 ರೂ. ಗಡಿ ದಾಟುವ ಅಂಚಿನಲ್ಲಿದೆ. 2013 ಜುಲೈನಲ್ಲಿ ಅಂದು ಗುಜರಾತ್ ಮುಖ್ಯಮಂತ್ರಿಯಾಗಿದ್ದಾಗ ಮೋದಿ, ಯುಪಿಎ ಸರ್ಕಾರ ಕರೆನ್ಸಿಯನ್ನು ರಕ್ಷಿಸುವಲ್ಲಿ ವಿಫಲವಾಗಿದೆ ಎಂದು ಅಣಕಿಸಿದ್ದನ್ನು ನೆನಪಿಸಿಕೊಳ್ಳುತ್ತಾರೆಯೇ ಎಂದು ಪ್ರಶ್ನಿಸಿದ್ದಾರೆ.

ಜೈರಾಮ್ ರಮೇಶ್ ಹಂಚಿಕೊಂಡ ವಿಡಿಯೋದಲ್ಲಿ ಪ್ರಧಾನಿ ಮೋದಿ, ರೂಪಾಯಿ ಎಷ್ಟು ವೇಗವಾಗಿ ಕುಸಿಯುತ್ತಿದೆ ನೋಡಿ. ಕೆಲವೊಮ್ಮೆ ದೆಹಲಿಯಲ್ಲಿ ರೂಪಾಯಿ ಮತ್ತು ಸರ್ಕಾರದ ನಡುವೆ ಯಾರ ಘನತೆ ವೇಗವಾಗಿ ಕುಸಿಯುತ್ತದೆ ಎಂಬುದರ ಕುರಿತು ಸ್ಪರ್ಧೆ ನಡೆಯುತ್ತಿರುವಂತೆ ತೋರುತ್ತದೆ ಎಂದು ಹೇಳಿದ್ದಾರೆ

ಕಳೆದ ಮೂರು ವರ್ಷಗಳಲ್ಲೇ ಶುಕ್ರವಾರ ಒಂದೇ ದಿನದಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ ಭಾರಿ ಕುಸಿತ ಕಂಡಿದೆ. ಕೊನೆಯದಾಗಿ 2022 ಫೆಬ್ರವರಿ 24ರಂದು ಒಂದೆ ದಿನದಲ್ಲಿ 9 ಪೈಸೆ ಕುಸಿತ ಕಂಡಿತ್ತು (ಏಜೆನ್ಸೀಸ್).