ಬಾಂಬ್ ಕೇಸ್ ಬೆನ್ನತ್ತಿದ ಪೊಲೀಸರಿಗೆ ಸಿಕ್ಕಿದ್ದು ಚಿನ್ನದ ಲೋಕ; ಟಿಎಂಸಿ ನಾಯಕನ ಮನೆಯಲ್ಲಿ ಬಂಗಾರದ ಹಾಸಿಗೆ | Luxury Bunker

ಪೊಲೀಸರು ಶಿವಪುರದಲ್ಲಿರುವ ಶಮೀಮ್ ಅಹ್ಮದ್ ಮನೆಗೆ ಬಂದು ತಪಾಸಣೆ ನಡೆಸಿದಾಗ ಅಲ್ಲಿ ಭೂಗತ ಮೆಟ್ಟಿಲುಗಳು ಪತ್ತೆಯಾಗಿವೆ. ಆ ಮೆಟ್ಟಿಲುಗಳ ಮೂಲಕ ಕೆಳಗೆ ಹೋದಾಗ ಮನೆಯ ಅಡಿಯಲ್ಲಿ ಭವ್ಯವಾದ ನೆಲಮಾಳಿಗೆ ಇರುವುದು ಕಂಡುಬಂದಿದೆ. ಈ ರಹಸ್ಯ ಮಹಡಿಗೆ ಹೋಗುವ ಮೆಟ್ಟಿಲು ಮತ್ತು ಟ್ರಾಪ್‌ಡೋರ್ ಪತ್ತೆಯಾಗುವವರೆಗೂ ಆ ಮನೆ ಸಾಮಾನ್ಯ ಮನೆಯಂತೆಯೇ ಕಂಡಿತ್ತು, ಕೆಳಗೆ ಹೋದಾಗ ಎಸಿ (AC), ರೆಫ್ರಿಜರೇಟರ್‌ಗಳು, ಸಿಸಿಟಿವಿ ಕ್ಯಾಮೆರಾಗಳು ಮತ್ತು ಅತ್ಯುನ್ನತ ಗುಣಮಟ್ಟದ ಐಷಾರಾಮಿ ಅಲಂಕಾರದ ವಸ್ತುಗಳಿದ್ದವು ಎಂದು ತಿಳಿದುಬಂದಿದೆ.

ಇದೇ ರೀತಿಯ ಮತ್ತೊಂದು ಘಟನೆಯಲ್ಲಿ, ತೃಣಮೂಲ ನಾಯಕ ನಾರಾಯಣ್ ರಂಜಿತ್ ಮತ್ತು ಆತನ ಸಹಚರ ಗೋಪಾಲ್ ಮಲ್ಲಿಕ್​ರನ್ನು ಒಡಿಶಾದಲ್ಲಿ ಬಂಧಿಸಲಾಗಿದೆ. ಕೋಲ್ಕತ್ತಾ ಪೊಲೀಸರು ರಂಜಿತ್​​ರ ಆನಂದಪುರದ ನಿವಾಸದಿಂದ ಪಿಸ್ತೂಲುಗಳು, ಮ್ಯಾಗಜೀನ್‌ಗಳು ಮತ್ತು ಜೀವಂತ ಮದ್ದುಗುಂಡುಗಳನ್ನು ವಶಪಡಿಸಿಕೊಂಡಿದ್ದಾರೆ ಎನ್ನಲಾಗಿದ್ದು, ಆರೋಪಿ ಪರಾರಿಯಾಗಿದ್ದಾನೆ(ಏಜೆನ್ಸೀಸ್​​).