PM Modi | ಗುಲಾಮಿ ಮನಸ್ಥಿತಿಯಿಂದ ಹೊರಬನ್ನಿ ವಿಪಕ್ಷಗಳ ವಿರುದ್ಧ ಪ್ರಧಾನಿ ಮೋದಿ ವಾಗ್ದಾಳಿ

ಈ ಬಗ್ಗೆ ನವದೆಹಲಿಯಲ್ಲಿ ನಡೆದ ಹಿಂದೂಸ್ತಾನ್ ಟೈಮ್ಸ್ ಲೀಡರ್‌ಶಿಪ್ ಶೃಂಗಸಭೆಯಲ್ಲಿ ಮಾತನಾಡಿದ ಪ್ರಧಾನಿ ಮೋದಿ, ನಾವು 21 ನೇ ಶತಮಾನದ ಕಾಲು ಭಾಗ ಕಳೆದುಹೋಗಿದೆ. ಅಲ್ಲದೆ, ಜಗತ್ತು ಅನೇಕ ಏರಿಳಿತಗಳನ್ನು ಕಂಡಿರುವ ಒಂದು ಸಂಧಿಯಲ್ಲಿದ್ದೇವೆ. ವಿಶ್ವದಲ್ಲಿ ಆರ್ಥಿಕ ಬಿಕ್ಕಟ್ಟು, ಜಾಗತಿಕ ಸಾಂಕ್ರಾಮಿಕ ರೋಗ ಇತ್ಯಾದಿಗಳು ಕಾಣೀಸಿಕೊಂಡಿವೆ. ಈ ಸನ್ನಿವೇಶಗಳು ಒಂದಲ್ಲ ಒಂದು ರೀತಿಯಲ್ಲಿ ಜಗತ್ತನ್ನು ಸವಾಲಿನ ಸ್ಥಿತಿಯಲ್ಲಿ ಉಳಿಸಿದೆ. ಇಂದು, ಜಗತ್ತು ಅನಿಶ್ಚಿತತೆಗಳಿಂದ ತುಂಬಿದೆ. ಆದರೆ, ಇದರ ನಡುವೆ ನಮ್ಮ ಭಾರತವು ವಿಭಿನ್ನ ಸ್ಥಿತಿಯಲ್ಲಿ ಕಾಣಿಸಿಕೊಳ್ಳುತ್ತಿದೆ ಎಂದು ತಿಳಿಸಿದ್ದಾರೆ.

ಮುಂದುವರೆದು ಮಾತನಾಡಿದ ಮೋದಿ, 101 ವರ್ಷಗಳ ಇತಿಹಾಸ ಹೊಂದಿರುವ ಈ ದೇಶದ ಒಂದು ಪತ್ರಿಕೆ ನಾಳೆಯ ಪರಿವರ್ತನೆಯ ಬಗ್ಗೆ ಮಾತನಾಡುತ್ತಿದ್ದರೆ, ಅದು ಪರಿವರ್ತನೆಯ ಚಿಂತನೆ ಮತ್ತು ನಿರ್ದೇಶನದ ಸಾಕ್ಷಿಯಾಗಿದೆ. ಅಲ್ಲದೆ, ನಮ್ಮ ದೇಶ ಈಶಾನ್ಯ ರಾಜ್ಯಗಳು ಸೇರಿ ನಮ್ಮ ಹಳ್ಳಿಗಳು ಮತ್ತು 2 ಹಾಗೂ 3ನೇ ಶ್ರೇಣಿಯ ನಗರಗಳು, ದೇಶದ ಮಹಿಳಾ ಶಕ್ತಿ, ಹೊಸ ಆರ್ಥಿಕತೆ, ಬಾಹ್ಯಾಕಾಶ ವಲಯಗಳು ಪೂರ್ಣ ಸಾಮರ್ಥ್ಯವನ್ನು ಹೊಗಳಿಸಿದ್ದಾರೆ.

ಇದನ್ನೂ ಓದಿ: Nirmala Sitharaman | ಗ್ಯಾರಂಟಿಗಳಿಂದ ಆರ್ಥಿಕ ಬೆಳವಣಿಗೆಗೆ ಧಕ್ಕೆ; ನಿರ್ಮಲಾ ಸೀತಾರಾಮನ್ ಕಳವಳ

ದೇಶದಲ್ಲಿ ಈ ರೀತಿಯ ಬದಲಾವಣೆಗಳನ್ನು ಹಿಂದಿನ ಸರ್ಕಾರಗಳು ಸಹ ಮಾಡಿಲ್ಲ. ಅಲ್ಲದೆ, ಅತ್ಯಂತ ಚಿಕ್ಕ ಹಳ್ಳಿಗಳು ಮತ್ತು ನಗರಗಳು ಸಹ ಈಗ ಆಧುನಿಕ ವ್ಯವಸ್ಥೆಯೊಂದಿಗೆ ಸೇರಲು ಸಜ್ಜುಗೊಂಡಿವೆ ಎಂದು ಪ್ರಧಾನಿ ಹೇಳಿದ್ದಾರೆ.

ಭಾರತದ ಅಭಿವೃದ್ಧಿಯಲ್ಲಿ ನಾರಿ ಶಕ್ತಿಯ ಕೊಡುಗೆಯ ಕುರಿತು ಪ್ರಧಾನಿ ಮೋದಿ, ನಮ್ಮ ಹೆಣ್ಣುಮಕ್ಕಳು ಪ್ರತಿಯೊಂದು ಕ್ಷೇತ್ರದಲ್ಲೂ ತಮ್ಮ ಛಾಪು ಮೂಡಿಸುತ್ತಿದ್ದಾರೆ. ಅಲ್ಲದೆ, ಸಮಾಜದ ಚಿಂತನೆ ಮತ್ತು ಸಾಮರ್ಥ್ಯಗಳೆರಡನ್ನೂ ಪರಿವರ್ತಿಸುತ್ತಿದ್ದಾರೆ. ಅವರಿಗೆ ಬರುವ ಅಡೆತಡೆಗಳನ್ನು ತೆಗೆದುಹಾಕಿದಾಗ, ಆಕಾಶದಲ್ಲಿ ಹಾರಲು ಹೊಸ ರೆಕ್ಕೆಗಳು ಕೂಡ ಸೇರುತ್ತವೆ ಎಂದು ಭರವಸೆ ವ್ಯಕ್ತಪಡಿಸಿದ್ದಾರೆ.

2025 ರಲ್ಲಿ ಸರ್ಕಾರದ ಮೈಲಿಗಲ್ಲುಗಳನ್ನು ಪಟ್ಟಿ ಮಾಡಿದ ಪ್ರಧಾನಿ ಮೋದಿ, ನೇರ ತೆರಿಗೆ ವ್ಯವಸ್ಥೆಯನ್ನು ಒಂದು ದೊಡ್ಡ ಸುಧಾರಣೆ ಎಂದು ಕರೆದಿದ್ದಾರೆ. ದೇಶದ ನಾಗರಿಕರಿಗೆ 12 ಲಕ್ಷದವರೆಗಿನ ಆದಾಯದ ಮೇಲೆ ಶೂನ್ಯ ತೆರಿಗೆಯು ಒಂದು ದಶಕದ ಹಿಂದೆ ಊಹಿಸಲೂ ಸಾಧ್ಯವಾಗದ ಸುಧಾರಣೆಯಾಗಿದೆ ಎಂದು ಶ್ಲಾಘಿಸಿದ್ದಾರೆ.

ಭಾರತದ ಬೆಳವಣಿಗೆಯ ದರವನ್ನು ಹಿಂದೂ ನಂಬಿಕೆಗೆ ಜೋಡಿಸುವ ಕ್ರಮವನ್ನು ಪ್ರಧಾನಿ ಮೋದಿ ಟೀಕಿಸಿದ್ದು, ಇದನ್ನು ಗುಲಾಮ ಮನಸ್ಥಿತಿಗೆ ಉದಾಹರಣೆ ಎಂದಿದ್ದಾರೆ. ಹಿಂದೆ, ಭಾರತದ ಬೆಳವಣಿಗೆ ದರ ತೀರಾ ಕಡಿಮೆ ಇದ್ದಾಗ, ಅದನ್ನು ಹಿಂದೂ ಬೆಳವಣಿಗೆ ದರ ಎಂದು ಕರೆಯಲಾಗುತ್ತಿತ್ತು. ಅದರೆ, ಆಗ ಕೋಮುವಾದ ಕಾಣುತ್ತಿರಲಿಲ್ಲವೇ? ಆದರೆ ಈಗ ಜಗತ್ತಿನಲ್ಲಿ ಯಾರಾದರೂ ಭಾರತದ ವೇಗದ ಬೆಳವಣಿಗೆಯನ್ನು ಹಿಂದೂ ಬೆಳವಣಿಗೆಯ ದರ ಎಂದು ಕರೆಯುತ್ತಾರೆಯೇ? ಎಂದು ವಿಪಕ್ಷಗಳು ಮಾಡುತ್ತಿದ್ದ ಆರೋಪಗಳಿಗೆ ತೀಕ್ಷ ಪ್ರತಿಕ್ರಿಯೆ ನೀಡಿದ್ದಾರೆ.

ಗುಲಾಮ ಮನಸ್ಥಿತಿ ಎಷ್ಟು ವ್ಯಾಪಕವಾಗಿತ್ತೆಂದರೆ, ಸರ್ಕಾರದಲ್ಲಿ ಕುಳಿತಿರುವ ಜನರು ಭಾರತದಲ್ಲಿ ತಯಾರಾದ ಶಸ್ತ್ರಾಸ್ತ್ರಗಳು ಬಲಿಷ್ಠವಾಗಿಲ್ಲ ಎಂದು ನಂಬಲು ಪ್ರಾರಂಭಿಸಿದ್ದರು. ಅದರೆ, ಇದು ಭಾರತವನ್ನು ವಿಶ್ವದ ಅತಿದೊಡ್ಡ ಶಸ್ತ್ರಾಸ್ತ್ರ ಆಮದುದಾರ ರಾಷ್ಟ್ರವನ್ನಾಗಿ ಮಾಡಿತು ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ,(ಏಜೆನ್ಸೀಸ್).