ರಾಜನಾಥ್ ಸಿಂಗ್ ಸಿಂಧ್ ಹೇಳಿಕೆಗೆ ನೆರೆಯ ರಾಷ್ಟ್ರ ಕಂಗಾಲು; ವಿಸ್ತರಣಾವಾದಿ ಮನಸ್ಥಿತಿ ಎಂದ ಪಾಕ್​ ವಿದೇಶಾಂಗ ಸಚಿವಾಲಯ | Rajnath Singh

ಈ ಬಗ್ಗೆ ಎಕ್ಸ್​ನಲ್ಲಿ ಪೋಸ್ಟ್​ ಮಾಡಿರುವ ಪಾಕ್​ ವಿದೇಶಾಂಗ ಸಚಿವಾಲಯದ ಹೇಳಿಕೆಯು, ಸಿಂಗ್ ಅವರ ಹೇಳಿಕೆಗಳು ಅಪಾಯಕಾರಿಯಾಗಿವೆ. ಅಲ್ಲದೆ, ಹಿಂದುತ್ವ ವಿಸ್ತರಣಾವಾದಿ ಮನಸ್ಥಿತಿಯನ್ನು ಪ್ರತಿಬಿಂಬಿಸುತ್ತವೆ. ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದ ಬಗ್ಗೆ ಭಾರತೀಯ ರಕ್ಷಣಾ ಸಚಿವರ ಭ್ರಮೆಯ ಮತ್ತು ಅಪಾಯಕಾರಿ ಹೇಳಿಕೆಗಳನ್ನು ಪಾಕ್ ಬಲವಾಗಿ ಖಂಡಿಸುತ್ತದೆ ಎಂದು ಪಾಕ್​ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ: ಚೀನಾ-ಜಪಾನ್ ಮಧ್ಯೆ ಮಾತಿನ ಸಮರ! ಎರಡು ದೇಶಗಳ ನಡುವಿನ ಈ ವಿವಾದವೇನು? | China-Japan Tensions

ಪ್ರಾದೇಶಿಕ ಶಾಂತಿ ಮತ್ತು ಸ್ಥಿರತೆಗೆ ಧಕ್ಕೆ ತರುವ ಮಾತುಗಳನ್ನು ತಪ್ಪಿಸುವಂತೆ ಪಾಕಿಸ್ತಾನ ಭಾರತೀಯ ನಾಯಕರನ್ನು ಒತ್ತಾಯಿಸಿದೆ. ಅಲ್ಲದೆ, ಪ್ರಾದೇಶಿಕ ಶಾಂತಿ ಮತ್ತು ಸ್ಥಿರತೆಗೆ ಧಕ್ಕೆ ತರುವ ಪ್ರಚೋದನಕಾರಿ ಹೇಳೀಕೆ ನೀಡುವುದರಿಂದ ದೂರವಿರಲು ನಾವು ರಾಜನಾಥ್ ಸಿಂಗ್ ಮತ್ತು ಇತರ ಭಾರತೀಯ ನಾಯಕರನ್ನು ಒತ್ತಾಯಿಸುತ್ತೇವೆ. ಭಾರತ ಸರ್ಕಾರವು ತನ್ನದೇ ಆದ ನಾಗರಿಕರ, ವಿಶೇಷವಾಗಿ ದುರ್ಬಲ ಅಲ್ಪಸಂಖ್ಯಾತ ಸಮುದಾಯಗಳ ಸುರಕ್ಷತೆಯನ್ನು ಖಾತ್ರಿಪಡಿಸುವತ್ತ ಗಮನಹರಿಸುವುದು ಒಳ್ಳೆಯದು ಎಂದು ತ ಪಾಕ್​ ಹೇಳಿಕೆಯನ್ನು ತಿಳಿಸಿದೆ.

ನವದೆಹಲಿಯಲ್ಲಿ ಭಾನುವಾರ ನಡೆದ ಸಿಂಧಿ ಸಮುದಾಯದ ಕಾರ್ಯಕ್ರಮದಲ್ಲಿ ಮಾತನಾಡಿದ ರಾಜನಾಥ್ ಸಿಂಗ್, ಸಿಂಧ್ ಪ್ರದೇಶವು ಇಂದು ಪಾಕಿಸ್ತಾನದ ಭಾಗವಾಗಿದ್ದರೂ, ಭಾರತದೊಂದಿಗೆ ಅದರ ನಾಗರಿಕ ಸಂಪರ್ಕವು ಹಾಗೆಯೇ ಉಳಿದಿದೆ ಮತ್ತು ಭವಿಷ್ಯದಲ್ಲಿ ಅದನ್ನು ಪುನಃ ಪಡೆಡದುಕೊಳ್ಳುತ್ತೇವೆ ಎಂದು ಹೇಳಿದ್ದರು.

ರಾಜಕೀಯ ಗಡಿಗಳು ಕಾಲಾನಂತರದಲ್ಲಿ ಬದಲಾಗಬಹುದು, ಸಾಂಸ್ಕೃತಿಕ ಗುರುತು ಮತ್ತು ಪರಂಪರೆಯು ಭೌಗೋಳಿಕ ರಾಜಕೀಯ ರೇಖೆಗಳಿಗಿಂತ ಹೆಚ್ಚು ಕಾಲ ಉಳಿಯುತ್ತದೆ. ಇಂದು, ಸಿಂಧ್ ಭೂಮಿ ಭಾರತದ ಭಾಗವಾಗಿಲ್ಲದಿರಬಹುದು. ಆದರೆ, ನಾಗರಿಕತೆಯ ದೃಷ್ಟಿಯಿಂದ, ಸಿಂಧ್ ಯಾವಾಗಲೂ ಭಾರತದ ಭಾಗವಾಗಿರುತ್ತದೆ ಎಂದು ರಕ್ಷಣಾ ಸಚಿವರು ತಿಳಿಸಿದ್ದರು. 

ಮುಂದುವರೆದು ಮಾತನಾಡಿದ ಸಿಂಗ್, ಪ್ರಾದೇಶಿಕ ವಾಸ್ತವಗಳಲ್ಲಿ ಬದಲಾವಣೆಗಳು ಯಾವಾಗಲೂ ಸಾಧ್ಯ ಮತ್ತು ಭವಿಷ್ಯವು ಆಶ್ಚರ್ಯಗಳನ್ನು ತಂದೊಡ್ಡಬಹುದು. ಭೂಮಿಗೆ ಸಂಬಂಧಿಸಿದಂತೆ, ಗಡಿಗಳು ಬದಲಾಗಬಹುದು. ಯಾರಿಗೆ ಗೊತ್ತು, ನಾಳೆ ಸಿಂಧ್ ಮತ್ತೆ ಭಾರತಕ್ಕೆ ಮರಳಬಹುದು. ಸಿಂಧೂ ನದಿಯನ್ನು ಪವಿತ್ರವೆಂದು ಪರಿಗಣಿಸುವ ನಮ್ಮ ಸಿಂಧ್ ಜನರು ಯಾವಾಗಲೂ ನಮ್ಮವರೇ ಆಗಿರುತ್ತಾರೆ. ಅವರು ಎಲ್ಲೇ ಇದ್ದರೂ, ಯಾವಾಗಲೂ ನಮ್ಮವರೇ ಆಗಿರುತ್ತಾರೆ ಎಂದು ಎಂದಿದ್ದಾರೆ,(ಏಜೆನ್ಸೀಸ್).