ಮಗನ ಹೊಸ BMW ಕಾರು ಕಂಡ ತಾಯಿಯ ರಿಯಾಕ್ಷನ್ ವೈರಲ್: ನೆಟ್ಟಿಗರ ಮನ ಗೆದ್ದ ಅಪರೂಪದ ಕ್ಷಣ!

ತನ್ನ ಮಗ ಕಷ್ಟಪಟ್ಟು ದುಡಿದು ಹೊಸದಾಗಿ ಖರೀದಿಸಿದ 'ಬಿಎಂಡಬ್ಲ್ಯು' (BMW) ಐಷಾರಾಮಿ ಕಾರನ್ನು ಮೊದಲ ಬಾರಿಗೆ ಅನುಭವಿಸುತ್ತಿರುವ ತಾಯಿಯೊಬ್ಬರ ಭಾವನಾತ್ಮಕ ವೀಡಿಯೊ ಈಗ ಇಂಟರ್ನೆಟ್‌ನಲ್ಲಿ ತೀವ್ರ ಸಂಚಲನ ಮೂಡಿಸಿದೆ.

ಈ ವೀಡಿಯೊವನ್ನು ಬಳಕೆದಾರರೊಬ್ಬರು ತಮ್ಮ @Tax.w.six.packs ಎಂಬ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೊದಲ್ಲಿ ಆತನ ತಾಯಿ ಚಾಲಕನ ಸೀಟಿನಲ್ಲಿ ಕುಳಿತು, ಸ್ಟೀರಿಂಗ್ ವೀಲ್ ಹಿಡಿದುಕೊಂಡು ಕಾರಿನ ವೈಭವವನ್ನು ಆಶ್ಚರ್ಯದಿಂದ ನೋಡುತ್ತಿರುವುದನ್ನು ಕಾಣಬಹುದು. ಕ್ಯಾಮೆರಾದ ಹಿಂದಿನಿಂದ ಈ ಸುಂದರ ಕ್ಷಣವನ್ನು ರೆಕಾರ್ಡ್ ಮಾಡುತ್ತಿರುವ ಆಕೆಯ ಮಕ್ಕಳು, ಕಾರಿನ ವೈಶಿಷ್ಟ್ಯಗಳನ್ನು ಅನ್ವೇಷಿಸುತ್ತಾ ತಮಾಷೆಯಾಗಿ ಅವರೊಂದಿಗೆ ಮಾತನಾಡುತ್ತಾ ಮಾರ್ಗದರ್ಶನ ನೀಡುತ್ತಿರುವುದು ಕೇಳಿಸುತ್ತದೆ.

ವೀಡಿಯೊದ ಆರಂಭದಲ್ಲಿ, ಆ ಮಹಿಳೆ ವಾಹನದ ತಂತ್ರಜ್ಞಾನ ಹಾಗೂ ವಿನ್ಯಾಸವನ್ನು ಕಂಡು ಸ್ವಲ್ಪ ಆಶ್ಚರ್ಯಚಕಿತರಾದಂತೆ ಕಾಣುತ್ತಾರೆ. ಅವರು ಸ್ಟೀರಿಂಗ್ ವೀಲ್ ಹಿಡಿದುಕೊಂಡು, ಮಗ ನೀಡುವ ಪ್ರತಿಯೊಂದು ಸೂಚನೆಯನ್ನು ಅತ್ಯಂತ ಕುತೂಹಲದಿಂದ ಆಲಿಸುತ್ತಾರೆ. ಸಂವಹನ ಮುಂದುವರೆದಂತೆ, ತಾಯಿಯ ಗಂಭೀರ ಮುಖಭಾವವು ನಿಧಾನವಾಗಿ ವಿಶಾಲವಾದ ಹಾಗೂ ಸುಂದರವಾದ ನಗುವಿಗೆ ತಿರುಗುತ್ತದೆ. ಚಾಲಕನ ಸೀಟಿನಲ್ಲಿ ಕುಳಿತು ಮಗನ ಹೊಸ ಬಿಎಂಡಬ್ಯ್ಲೂ ಕಾರನ್ನು ಪರಿಶೀಲಿಸುತ್ತಾ, ಅವನಿಗೆ ಪ್ರತಿಕ್ರಿಯಿಸುವಾಗ ಆಕೆಯ ಮುಖದಲ್ಲಿದ್ದ ಉತ್ಸಾಹ ಸ್ಪಷ್ಟವಾಗಿ ಗೋಚರಿಸುತ್ತದೆ.

ತಾಯಿ ಮತ್ತು ಮಗನ ನಡುವಿನ ಈ ಆತ್ಮೀಯ ಸಂಭಾಷಣೆಯು ವೀಡಿಯೊದ ಭಾವನಾತ್ಮಕ ಮೌಲ್ಯವನ್ನು ಇನ್ನಷ್ಟು ಹೆಚ್ಚಿಸಿದೆ. ಆ ವ್ಯಕ್ತಿ ಕಾರಿನ ಒಂದೊಂದೇ ಆಧುನಿಕ ವೈಶಿಷ್ಟ್ಯಗಳನ್ನು ವಿವರಿಸುತ್ತಿದ್ದಂತೆ, ವಾಹನದ ತಂತ್ರಜ್ಞಾನಕ್ಕೆ ಮನಸೋತ ತಾಯಿ ತನ್ನ ಮಗನ ಸಾಧನೆಯ ಬಗ್ಗೆ ಅಪಾರ ಹೆಮ್ಮೆ ಪಡುತ್ತಾರೆ.

ಈ ವೀಡಿಯೊದ ಮೇಲೆ "ನನ್ನ ತಾಯಿಯನ್ನು ಹೊಸ ಬಿಎಂಡಬ್ಯ್ಲೂ ಪ್ರಯತ್ನಿಸುವಂತೆ ಮಾಡುತ್ತಿದ್ದೇನೆ" ಎಂದು ಬರೆಯಲಾಗಿದ್ದು, ಶೀರ್ಷಿಕೆಯಲ್ಲಿ ಆ ವ್ಯಕ್ತಿ ತಾಯಿಯ ಈ ಪ್ರತಿಕ್ರಿಯೆ ನಿಜಕ್ಕೂ ಅಮೂಲ್ಯವಾದುದು ಎಂದು ಬರೆದುಕೊಂಡಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಒಬ್ಬ ಬಳಕೆದಾರ ಪೋಷಕರೊಂದಿಗೆ ಇಂತಹ ವಿಶೇಷ ಮೈಲಿಗಲ್ಲುಗಳನ್ನು ಹಂಚಿಕೊಳ್ಳುವುದರಿಂದ ಸಾಧನೆ ಇನ್ನಷ್ಟು ಅರ್ಥಪೂರ್ಣವಾಗುತ್ತದೆ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರ ಇದುವರೆಗಿನ ಅತ್ಯುತ್ತಮ ಭಾವನೆ ಎಂದು ಪ್ರತಿಕ್ರಿಯಿಸಿದ್ದಾರೆ (ಏಜೆನ್ಸೀಸ್​).