ನಿನ್ನಿಂದ ಇದನ್ನು ನಿರೀಕ್ಷಿಸಿರಲಿಲ್ಲ... ಲವ್​ ಜಿಹಾದ್​ ಆರೋಪಕ್ಕೆ ಉತ್ತರ ನೀಡುವಾಗ ಮೊನಾಲಿಸಾ ಎಡವಟ್ಟು! Monalisa

ತಿರುವನಂತಪುರ : ಈ ಸೋಶಿಯಲ್​ ಮೀಡಿಯಾ ಜಮಾನದಲ್ಲಿ ರಾತ್ರೋರಾತ್ರಿ ಫೇಮಸ್​ ಆದವರಲ್ಲಿ ಮೊನಾಲಿಸಾ ಭೋಸ್ಲೆ ( Monalisa ) ಕೂಡ ಒಬ್ಬರು. ಕಳೆದ ವರ್ಷ ನಡೆದ ಮಹಾ ಕುಂಭಮೇಳದಲ್ಲಿ ರುದ್ರಾಕ್ಷ ಮತ್ತು ಮುತ್ತಿನ ಮಾಲೆಗಳನ್ನು ಮಾರುವಾಗ ಕ್ಯಾಮೆರಾ ಕಣ್ಣಿಗೆ ಬಿದ್ದು ತನ್ನ ಸೌಂದರ್ಯದಿಂದಲೇ ಎಲ್ಲರ ಗಮನ ಸೆಳೆದು, ರಾತ್ರೋರಾತ್ರಿ ಫೇಮಸ್​ ಆದಳು. ಎಷ್ಟರಮಟ್ಟಿಗೆ ಅಂದರೆ, ಬಾಲಿವುಡ್​ನಿಂದ ಸಿನಿಮಾ ಅವಕಾಶ ಪಡೆಯುವಷ್ಟು. ಇದೇ ಮೊನಾಲಿಸಾ ಇದೀಗ ತನ್ನ ವೈಯಕ್ತಿಕ ಜೀವನದ ಕಾರಣಕ್ಕೆ ಕೆಲವು ದಿನಗಳಿಂದ ಪ್ರತಿದಿನ ಸುದ್ದಿಯಲ್ಲಿದ್ದಾಳೆ.

ಮೊನಾಲಿಸಾ, ಇತ್ತೀಚೆಗೆ ಉತ್ತರ ಪ್ರದೇಶ ಮೂಲದ ಫರ್ಮಾನ್​ ಖಾನ್​ ಎಂಬ ಯುವಕನನ್ನು ಮದುವೆಯಾಗಿದ್ದಾಳೆ. ಇಬ್ಬರದು ಪ್ರೇಮ ವಿವಾಹ. ಕೇರಳದಲ್ಲಿ ಮದುವೆಯಾದರು. ಇದೊಂದು ಅಂತರ್ಧಮೀಯ ಮದುವೆಯಾಗಿದ್ದು, ಲವ್​ ಜಿಹಾದ್​ ಎಂಬ ಆರೋಪ ಕೇಳಿಬಂದಿದೆ. ಈ ವಿವಾಹ ತೀವ್ರ ವಿವಾದಕ್ಕೆ ಗುರಿಯಾಗಿದೆ. ಆದರೆ, ತಾನು ಇಷ್ಟಪಟ್ಟು ಮದುವೆಯಾಗಿದ್ದೇನೆ ಎಂದು ಮೊನಾಲಿಸಾ ಹೇಳಿಕೆ ನೀಡಿದ್ದಾಳೆ. ಆದರೂ, ಲವ್​ ಜಿಹಾದ್​ ಚರ್ಚೆ ಮಾತ್ರ ನಿಂತಿಲ್ಲ. 

ಮೊನಾಲಿಸಾ ಅವರ ತಂದೆ ಜೈ ಸಿಂಗ್ ಭೋಸ್ಲೆ ಕೂಡ ಈ ಮದುವೆಗೆ ವಿರೋಧ ವ್ಯಕ್ತಪಡಿಸಿದ್ದು, ಇದೊಂದು 'ಲವ್ ಜಿಹಾದ್' ಎಂದು ಆರೋಪಿಸಿದ್ದಾರೆ. ಆದರೆ, ಈ ಎಲ್ಲ ಆರೋಪಗಳಿಗೆ ಪ್ರತಿಕ್ರಿಯಿಸಿರುವ ವೈರಲ್​ ಬ್ಯೂಟಿ, ಮುಸ್ಲಿಂ ಯುವಕನೊಂದಿಗಿನ ತನ್ನ ಪ್ರೇಮ ವಿವಾಹವನ್ನು ರಾಧಾ-ಕೃಷ್ಣ ಪ್ರೇಮಕಥೆಗೆ ಹೋಲಿಸಿದ್ದಾಳೆ. ಆದರೆ, ರಾಧಾ ಕೃಷ್ಣ ಯುಗ ಮತ್ತು ಮುಸ್ಲಿಂ ಧರ್ಮದ ಆರಂಭದ ಕಾಲಮಾನ ವಿಚಾರದಲ್ಲಿ ಗೊಂದಲ ಸೃಷ್ಟಿ ಮಾಡಿದ್ದಕ್ಕಾಗಿ ಮೊನಾಲಿಸಾರನ್ನು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್​ ಮಾಡಲಾಗುತ್ತಿದೆ. 

ಸದ್ಯ ಹರಿದಾಡುತ್ತಿರುವ ವಿಡಿಯೋ ತುಣುಕಲ್ಲಿ ಮಾತನಾಡಿರುವ ಮೊನಾಲಿಸಾ, ಕೃಷ್ಣನ ಪ್ರೀತಿಯಲ್ಲಿ ಬೀಳುವ ಮುಂಚೆ ಆತ ಹಿಂದೂನಾ? ಅಥವಾ ಮುಸ್ಲಿಮಾ? ಎಂದು ರಾಧಾ ಎಂದಿಗೂ ಕೇಳಿರಲಿಲ್ಲ ಎಂದಿದ್ದಾರೆ. ಈ ಮೂಲಕ ತಮ್ಮ ಅಂತರ್ಧರ್ಮೀಯ ಪ್ರೇಮ ವಿವಾಹವನ್ನು ಮೊನಾಲಿಸಾ ಸಮರ್ಥಿಸಿಕೊಂಡಿದ್ದಾರೆ. ಯಾವಾಗ ಈ ವಿಡಿಯೋ ವೈರಲ್​ ಆಯಿತೋ ಬಹುತೇಕ ನೆಟ್ಟಿಗರು ಮೊನಾಲಿಸಾಳನ್ನು ಟ್ರೋಲ್​ ಮಾಡುತ್ತಿದ್ದಾರೆ.

ಓರ್ವ ನೆಟ್ಟಿಗ ಕಾಮೆಂಟ್​ ಮಾಡಿ, ನಾವಿದನ್ನೂ ನಿರೀಕ್ಷೆ ಮಾಡಿರಲಿಲ್ಲ, ಈಕೆ ಕುಂಭಮೇಳದಲ್ಲಿ ಮಾತ್ರ ಚೆನ್ನಾಗಿದ್ದಳು ಎಂದಿದ್ದಾನೆ. ಇನ್ನೊಬ್ಬ ಆಕೆಯನ್ನು ಅನಕ್ಷರಸ್ಥೆ ಎಂದು ಜರಿದಿದ್ದಾನೆ. ಮತ್ತೊಬ್ಬ ಆಕೆಯನ್ನು ಅಪಹಾಸ್ಯ ಮಾಡಿದ್ದು, ರಾಧಾ ಕೃಷ್ಣನ ಕಾಲದಲ್ಲಿ ನೀವು ಇದ್ದಿದ್ರಾ ಹಾಗಾದರೆ, ಆ ಯುಗದಲ್ಲಿ ಮುಸ್ಲಿಮರು ಇರಲಿಲ್ಲ ಎಂದಿದ್ದಾರೆ. ಮೊನಾಲಿಸಾ ತನ್ನ ಮನಸ್ಸನ್ನು ಕಳೆದುಕೊಂಡಿದ್ದಾಳೆ ಅಥವಾ ಆಕೆಯನ್ನು ಯಾರೋ ಚೆನ್ನಾಗಿ ಬ್ರೈನ್‌ವಾಶ್ ಮಾಡಿದ್ದಾರೆ ಎಂದೆಲ್ಲ ಕಾಮೆಂಟ್​ ಮಾಡಿ ಮೊನಾಲಿಸಾ ವಿರುದ್ಧ ಆಕ್ರೋಶ ಹೊರಹಾಕುತ್ತಿದ್ದಾರೆ. 

ಸದ್ಯ ಮೊನಾಲಿಸಾರ ಮದುವೆ ವಿಚಾರ ಆಗಾಗ ಚರ್ಚೆಯಾಗುತ್ತಿದ್ದು, ಇನ್ನೂ ಏನೆಲ್ಲ ಬೆಳವಣಿಗೆಗಳು ನಡೆಯುತ್ತವೆ ಅನ್ನೋದನ್ನು ಕಾದು ನೋಡಬೇಕಾಗಿದೆ, (ಏಜೆನ್ಸೀಸ್​).