'ಅಂದು ಕರುಣಾನಿಧಿ ಹಿಂದೆ ನಿಂತಿದ್ದ ಹುಡುಗ, ಇಂದು ಡಿಎಂಕೆಯನ್ನೇ ಧೂಳಿಪಟ ಮಾಡ್ಬಿಟ್ಟ'; Ram Gopal Varma

Vijay childhood photo with Karunanidhi: ತಮಿಳುನಾಡನ್ನು ಸುದೀರ್ಘವಾಗಿ ಆಳಿದ್ದ ಡಿಎಂಕೆ ಸರ್ಕಾರಕ್ಕೆ ದೊಡ್ಡ ಅಘಾತವನ್ನೇ ವಿಜಯ್​ ಪಕ್ಷ ತಮಿಳಿಗ ವೆಟ್ರಿ ಕಳಗಂ ನೀಡಿದೆ. ಕರೂರು ಕಾಲ್ತುಳಿತ, ವಿಜಯ್​ ಡಿವೋರ್ಸ್​ ಕೇಸ್, ನಟಿ  ತ್ರಿಷಾ ಜೊತೆಗಿನ ಒಡನಾಟ ಟೀಕೆಗಳ ಸುಳಿಯಲ್ಲಿ ಸಿಲುಕಿದ ಅವರರಿಗೆ ಹೆಚ್ಚೇನು ಗೆಲುವಾಗೋದಿಲ್ಲ ಎನ್ನುವುದು  ಎಲ್ಲರಲ್ಲಿದ್ದ ಭಾವನೆ. ಆದರೆ, ಎಲ್ಲ ಕಟ್ಟೆಯನ್ನು ಒಡೆದು ಟಿವಿಕೆ 107  ಸ್ಥಾನವನ್ನು ಗೆದ್ದುಕೊಂಡಿದೆ.  ಸಿನಿಮಾದಲ್ಲಾಗುತ್ತಿದ್ದ ಕಮಾಲ್​ಗಳನ್ನು ರಿಯಲ್​ ಲೈಫ್​ನಲ್ಲಿ ಮಾಡಿಬಿಡುತ್ತಾರೆ ಎಂದು ಭರವಸೆಯಲ್ಲಿ​  ತಮಿಳಿಗರು ಕೈ ಹಿಡಿದ್ದಾರೆ. 

51 ವರ್ಷದ ವಿಜಯ್​​ನ ಪಕ್ಷ ದಾವಿಡರ ಪಕ್ಷವಾದ ಡಿಎಂಕೆ ಮತ್ತು ಎಐಎಡಿಎಂಕೆ ಎನ್ನುವ ಘಟಾನುಘಟಿ ಪಕ್ಷಗಳನ್ನೇ ಸೋಲಿಸಿ ಅಧಿಕಾರಕ್ಕೆ ಏರಿದೆ. ಸರ್ಕಾರ ರಚಿಸಲು ರಾಜ್ಯಪಾಲರಿಗೆ ಸಮಯ ಕೋರಿ ಮನವಿ ಮಾಡಿಕೊಂಡಿದೆ. ಜೊತೆಗೆ ವಿಜಯ್​​​​ ಪಕ್ಷಕ್ಕೆ 10 ಶಾಸಕರ ಬೆಂಬಲವನ್ನು ಗಳಿಸಿ, ತಮ್ಮ ಬಹುಮತವನ್ನು ಸಾಬೀತುಪಡಿಸಬೇಕು.

ಸಂಖ್ಯಾಬಲದ ಆಟ ಮತ್ತು ಮೈತ್ರಿ ಸಾಧ್ಯತೆಗಳು ಈಗ ಕೇಂದ್ರ ಹಂತಕ್ಕೆ ಬರುತ್ತಿದ್ದಂತೆ, ಡಿಎಂಕೆ ಹಿರಿಯ ಮತ್ತು ಮಾಜಿ ಮುಖ್ಯಮಂತ್ರಿ ಎಂ ಕರುಣಾನಿಧಿ ಅವರೊಂದಿಗಿನ ವಿಜಯ್ ಅವರ ಹಿಂದಿನ ಚಿತ್ರವು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದೆ. 

ನಿರ್ದೇಶಕ ರಾಮ್​ ಗೋಪಾಲ್​ ವರ್ಮಾ ಅವರು ಎಕ್ಸ್​ನಲ್ಲಿ ನಟ ವಿಜಯ್​ ಅವರು ಯುವಕನಾಗಿದ್ದಾಗಿನ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ವಿಜಯ್​​ ಅವರು ಮಾಜಿ ಸಿಎಂ ಕರುಣಾ ನಿಧಿ ಹಿಂದೆ ನಿಂತಿದ್ದಾರೆ. ಯಾವುದೋ ಕಾರ್ಯಕ್ರಮಕ್ಕೆ ಬಂದಿರುವ ಅವರು ಟೇಪ್​ ಕಟ್ ಮಾಡಿ ಸಂಭ್ರಮದಲ್ಲಿ ಭಾಗಿಯಾಗಿದ್ದಾರೆ. ಇದಕ್ಕೆ ಶಿರ್ಷೀಕೆಯನ್ನು ಹೀಗೆ ಕೊಟ್ಟುಕೊಂಡಿದ್ದಾರೆ. 

ಮಾಜಿ ಸಿಎಂ ಕರುಣಾನಿಧಿ ಹಿಂದೆ ನಿಂತಿರುವ ಹುಡುಗ,​ ಇಂದು ಅವರ ದೈತ್ಯ ದ್ರಾವಿಡ ಪಕ್ಷ ಡಿಎಂಕೆಯನ್ನೇ ಹೊಡೆದುರುಳಿ ಧೂಳಿಪಟ ಮಾಡುತ್ತಾನೆ ಎಂದು ಅವರು ಎಂದಿಗೂ ಯೋಚಿಸಿಯೇ ಇರಲಿಲ್ಲ. ಎಂದು ಬರೆದುಕೊಂಡಿದ್ದಾರೆ, (ಏಜೆನ್ಸೀಸ್​).