ಟಿವಿಕೆ ಪರವಾದ ಅಲೆ ಎಬ್ಬಿಸಿ ಮತದಾರರನ್ನು ಸೆಳೆಯಲು ಇನ್ಸ್ಟಾಗ್ರಾಮ್ನಂತಹ ಸಾಮಾಜಿಕ ಜಾಲತಾಣಗಳು ಹಾಗೂ ಮಕ್ಕಳನ್ನು ಬಳಸಿಕೊಂಡಿದ್ದೇ ಡಿಎಂಕೆಯ ಹಿನ್ನಡೆಗೆ ಕಾರಣ ಎಂದು ಸ್ಟಾಲಿನ್ ವಿಶ್ಲೇಷಿಸಿದ್ದಾರೆ. ಮಕ್ಕಳನ್ನು ಚುನಾವಣಾ ಪ್ರಚಾರದಲ್ಲಿ ಬಳಸಿಕೊಂಡು, ಅವರ ಮೂಲಕ ಅವರ ತಾಯಂದಿರು, ಅಜ್ಜ-ಅಜ್ಜಿಯರು ಮತ್ತು ಹಿರಿಯರ ಮೇಲೆ ಪ್ರಭಾವ ಬೀರುವಂತೆ ಎದುರಾಳಿ ಪಕ್ಷದವರು ಲೆಕ್ಕಾಚಾರದ ರಾಜಕಾರಣ ಮಾಡಿದ್ದಾರೆ. ಇದನ್ನು ಮುಂಚಿತವಾಗಿಯೇ ಊಹಿಸಲು ನಮಗೆ ಸಾಧ್ಯವಾಗಲಿಲ್ಲ ಎಂದು ಒಪ್ಪಿಕೊಂಡಿರುವ ಮಾಜಿ ಸಿಎಂ, ಇಂತಹ ತಂತ್ರಗಳನ್ನು ಮುಂದಿನ ದಿನಗಳಲ್ಲಿ ಹೇಗೆ ಎದುರಿಸಬೇಕು ಎಂಬುದರ ಕುರಿತು ಪಕ್ಷವು ಈಗ ಹೊಸ ಕಾರ್ಯತಂತ್ರಗಳನ್ನು ರೂಪಿಸಲಿದೆ ಎಂದು ತಿಳಿಸಿದ್ದಾರೆ.
