ವಿಪಕ್ಷದ ನಾಯಕನಾಗಿ ಸನ್​​ ಆಫ್​ ಸ್ಟಾಲಿನ್ ಆಯ್ಕೆ: ವಿಧಾನಸಭೆಯಲ್ಲಿ ವಿಜಯ್ ವರ್ಸಸ್ ಉದಯನಿಧಿ ಜಿದ್ದಾಜಿದ್ದಿ!..Vijay vs Udhayanidhi Stalin

ಮೇ.7ರಂದು ಪಕ್ಷದ ಪ್ರಧಾನ ಕಚೇರಿಯಾದ ಅಣ್ಣಾ ಅರಿವಲಯಂನಲ್ಲಿ ನಡೆದ ಡಿಎಂಕೆ ಪ್ರಮುಖರ ಸಭೆಯಲ್ಲಿ ಉದಯನಿಧಿ ಸ್ಟಾಲಿನ್​ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಡಿಎಂಕೆ ಪತ್ರಿಕಾ ಪ್ರಕಟಣೆ ಹೊರಡಿಸಲಾಗಿದೆ. ತಮಿಳುನಾಡು ವಿಧಾನಸಭೆಯಲ್ಲಿ ಡಿಎಂಕೆ ಪಡೆಯನ್ನು ಉದಯನಿಧಿ ಮುನ್ನಡೆಸಲಿದ್ದಾರೆ. 

 ಉದಯನಿಧಿ ಸ್ಟಾಲಿನ್​ ಅವರ ಜೊತೆಗೆ ಅನುಭವಿ ನಾಯಕರಾದ ಕೆಎನ್​ ನೆಹರು ಅವರನ್ನು ಶಾಸಕಾಂಗ ಪಕ್ಷದ ಉಪನಾಯಕನನ್ನಾಗಿ ಮತ್ತು ಮಾಜಿ ಸಚಿವ ಇ.ವಿ ವಲು ಅವರನ್ನು ಪಕ್ಷದ ಸಚೇತಕರನ್ನಾಗಿ ನೇಮಕ ಮಾಡಲಾಗಿದೆ ಎನ್ನುವ ಮಾಹಿತಿ ಹೊರಬಿದ್ದಿದೆ.

ಚೆಪಾಕ್-ತಿರುವಲ್ಲಿಕೆಣಿ ಕ್ಷೇತ್ರದಿಂದ ಎರಡನೇ ಬಾರಿಗೆ ಶಾಸಕರಾಗಿದ್ದಾರೆ.   ಹೀಗಾಗಿ ವಿಧಾನಸಭೆಯಲ್ಲಿ ಡಿಎಂಕೆ ಪರವಾಗಿ ಹೋರಾಟ ನಡೆಸಬೇಕಿದೆ. ಜೊತೆಗೆ ಟಿವಿಕೆ ಸರ್ಕಾರವು, ಡಿಎಂಕೆ ಮಾಡಿಕೊಂಡಿದ್ದ ಲೋಪ, ಭ್ರಷ್ಟಾಚಾರವನ್ನು ಎತ್ತಿ ತೋರಿಸುವಾಗಲೂ ಅವರು ತಮ್ಮ ಹೇಳಿಕೆಗಳಿಂದ ಅವನ್ನು ಸಮರ್ಥಿಸಿಕೊಳ್ಳಬೇಕಾದ ಅನಿವಾರ್ಯವು ಉಂಟಾಗುತ್ತದೆ.  

ಇತ್ತೀಚೆಗೆ ಸ್ಟಾಲಿನ್​ ಅವರು ಹೇಳಿದ್ದರು. ವಿಜಯ್​ ಅವರ ಹೊಸ ಸರ್ಕಾರವನ್ನು ರಚನೆ ಮಾಡಲಿ. ಅದಾಗಿ ಆರು ತಿಂಗಳವರೆಗೆ ಎಲ್ಲವನ್ನು ನೋಡಿ ನಂತರ ನಾವು ಹೋರಾಟ ಮಾಡ್ತೇವೆ ಎಂದಿದ್ದರು. ಆರು ತಿಂಗಳ ನಂತರ ಯಾವ ರೀತಿ ಕಾರ್ಯಾಚರಣೆ ನಡೆಯುತ್ತದೆ ಎನ್ನುವುದನ್ನು ಕಾದು ನೋಡಬೇಕಾಗಿದೆ,(ಏಜೆನ್ಸೀಸ್).