ಡೊನಾಲ್ಡ್ ಟ್ರಂಪ್ ಅವರು ಇತ್ತೀಚೆಗೆ ಬಿಡುಗಡೆ ಮಾಡಿದ ವಿಡಿಯೋದಲ್ಲಿ, ಇರಾನ್ ಮೇಲೆ ನಡೆದ ಆರಂಭಿಕ ದಾಳಿಗಳ ನಂತರ ಅಲ್ಲಿನ ಸರ್ಕಾರವನ್ನು ವಶಪಡಿಸಿಕೊಳ್ಳುವಂತೆ ಅಲ್ಲಿನ ಜನತೆಗೆ ಟ್ರಂಪ್ ಕರೆ ನೀಡಿದರು. ಅಮೆರಿಕ ನಡೆಸಿದ ದಾಳಿಗಳಲ್ಲಿ ಸುಪ್ರೀಂ ಲೀಡರ್ ಅಯತೊಲ್ಲಾ ಅಲಿ ಖಮೇನಿ ಸೇರಿದಂತೆ ಹಲವು ಸೇನಾ ಮತ್ತು ಗುಪ್ತಚರ ನಾಯಕರು ಹತರಾಗಿದ್ದಾರೆ ಎಂದು ತಿಳಿಸಿರುವ ಟ್ರಂಪ್, ಇರಾನ್ನಲ್ಲಿ ಈಗ "ಅತ್ಯಂತ ಉತ್ಪಾದಕ ಆಡಳಿತ ಬದಲಾವಣೆ" ನಡೆದಿದೆ ಎಂದು ಪ್ರತಿಪಾದಿಸಿದ್ದಾರೆ. ಆದರೆ, ಪ್ರಸ್ತುತ, ಖಮೇನಿ ಅವರ ಸ್ಥಾನಕ್ಕೆ ಅವರ ಪುತ್ರ ಮೊಜ್ತಬಾ ಬಂದಿದ್ದು, ಅವರು ಕಠಿಣ ನಿಲುವಿನ ಧಾರ್ಮಿಕ ಆಡಳಿತಗಾರ ಎಂದು ಹೇಳಲಾಗುತ್ತಿದೆ. ಹೀಗಾಗಿ, ಆಡಳಿತ ಬದಲಾವಣೆ ವಿಚಾರದಲ್ಲೂ ಅಮೆರಿಕದ ಅಂದುಕೊಂಡಿದ್ದು ನಡೆದಿಲ್ಲ.
