ಮೋದಿ ಆ ಒಂದು ಭಾಷಣವೇ ದೀದಿಗೆ ಮುಳುವಾಯ್ತಾ..? ಬಿಹಾರದ ವೇದಿಕೆಯಲ್ಲಿ ಅಂದೇ ಬರೆಯಲಾಗಿತ್ತು ಬಂಗಾಳದ ವಿಜಯಗಾಥೆ!; ವಿಡಿಯೋ ವೈರಲ್​! | Narendra Modi Prediction

ಕಳೆದ 15 ವರ್ಷಗಳಿಂದ ಆಡಳಿತ ನಡೆಸುತ್ತಿದ್ದ ಮಮತಾ ಬ್ಯಾನರ್ಜಿ ನೇತೃತ್ವದ ಟಿಎಂಸಿ ಕೇವಲ 94 ಸ್ಥಾನಗಳಿಗೆ ಕುಸಿದು ಮುಜುಗರದ ಸೋಲಿಗೆ ಸಿದ್ಧವಾಗಿದೆ.

ಕಳೆದ ವರ್ಷ ನವೆಂಬರ್‌ನಲ್ಲಿ ಬಿಹಾರ ಚುನಾವಣೆಯಲ್ಲಿ ಎನ್‌ಡಿಎ ಭರ್ಜರಿ ಜಯ ಸಾಧಿಸಿದ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಬಂಗಾಳದ ಬದಲಾವಣೆಯ ಬಗ್ಗೆ ಭವಿಷ್ಯ ನುಡಿದಿದ್ದರು. ಬಿಹಾರದಿಂದ ಬಂಗಾಳಕ್ಕೆ ಹರಿಯುವ ಗಂಗಾ ನದಿಯಂತೆ, ಈ ವಿಜಯದ ಆಲೆ ಬಂಗಾಳದಲ್ಲೂ ಬದಲಾವಣೆ ತರಲಿದೆ ಎಂದು ಮೋದಿ ಅಂದು ಹೇಳಿದ್ದರು. ಬಂಗಾಳದಲ್ಲಿ ಜಂಗಲ್ ರಾಜ್ ಅಂತ್ಯಗೊಳಿಸುವುದಾಗಿ ಅವರು ನೀಡಿದ್ದ ಭರವಸೆ ಈಗ ವಾಸ್ತವಕ್ಕೆ ಹತ್ತಿರವಾಗುತ್ತಿದೆ. ವಿಪಕ್ಷ ನಾಯಕ ಸುವೇಂದು ಅಧಿಕಾರಿ ತಮ್ಮ ಭದ್ರಕೋಟೆಯಾದ ನಂದಿಗ್ರಾಮದಲ್ಲಿ ಭರ್ಜರಿ ಮುನ್ನಡೆ ಸಾಧಿಸಿದ್ದಾರೆ. ಇನ್ನು ಹೈವೋಲ್ಟೇಜ್ ಕ್ಷೇತ್ರವಾದ ಭವಾನಿಪುರದಲ್ಲಿ ಮಮತಾ ಬ್ಯಾನರ್ಜಿ ಮತ್ತು ಸುವೇಂದು ಅಧಿಕಾರಿ ನಡುವೆ ಭಾರೀ ಪೈಪೋಟಿ ಏರ್ಪಟ್ಟಿದ್ದು, ಕ್ಷಣಕ್ಷಣಕ್ಕೂ ಕುತೂಹಲ ಹೆಚ್ಚಿಸುತ್ತಿದೆ.