ಅಂಪೈರ್‌ಗಳನ್ನೇ ಖರೀದಿಸಿ ಟ್ರೋಫಿ ಗೆಲ್ತಾ ಸಿಎಸ್​ಕೆ..? ಕ್ರಿಕೆಟ್ ಜಗತ್ತನ್ನು ನಡುಗಿಸಿದ ಮಾಜಿ ಕಮಿಷನರ್‌ನ ಆ ಒಂದು ಹೇಳೀಕೆ! Lalit Modi

ಈ ಬಗ್ಗೆ ಇತ್ತೀಚಿನ ಪಾಡ್‌ಕಾಸ್ಟ್ ಸಂದರ್ಶನವೊಂದರಲ್ಲಿ ಮಾತನಾಡಿದ ಲಲಿತ್ ಮೋದಿ, ಸಿಎಸ್‌ಕೆ ತಂಡದ ಮಾಲೀಕ ಎನ್. ಶ್ರೀನಿವಾಸನ್ ವಿರುದ್ಧ ನೇರ ವಾಗ್ದಾಳಿ ನಡೆಸಿದ್ದಾರೆ.

ಲಲಿತ್ ಮೋದಿಯ ಪ್ರಕಾರ, ಸಿಎಸ್‌ಕೆ ಮಾಲೀಕ ಎನ್. ಶ್ರೀನಿವಾಸನ್ ಅವರು ತಮಗೆ ಬೇಕಾದ ಅಂಪೈರ್‌ಗಳನ್ನು ಪಂದ್ಯಗಳಿಗೆ ನೇಮಿಸುವಂತೆ ಒತ್ತಡ ಹೇರುತ್ತಿದ್ದರು. ಸಿಎಸ್‌ಕೆ ಪಂದ್ಯಗಳಲ್ಲಿ ಅಂಪೈರ್‌ಗಳು ಆ ತಂಡಕ್ಕೆ ಅನುಕೂಲವಾಗುವಂತೆ ತೀರ್ಪು ನೀಡುತ್ತಿದ್ದರು ಎಂದು ಆರೋಪಿಸಿದ್ದಾರೆ.

2009ರ ಐಪಿಎಲ್ ಹರಾಜಿನ ಸಮಯದಲ್ಲಿ ಆಂಡ್ರ್ಯೂ ಫ್ಲಿಂಟಾಫ್ ಅವರನ್ನು ಸಿಎಸ್‌ಕೆ ತಂಡವೇ ಖರೀದಿಸುವಂತೆ ಮಾಡಲು ಲಲಿತ್ ಮೋದಿ ಸಹಾಯ ಮಾಡಿದ್ದರು ಎಂದು ಹೇಳಲಾಗುತ್ತದೆ. ಶ್ರೀನಿವಾಸನ್ ಅವರ ಪ್ರಭಾವದಿಂದಾಗಿ ಇತರ ತಂಡಗಳು ಫ್ಲಿಂಟಾಫ್‌ಗಾಗಿ ಬಿಡ್ ಮಾಡದಂತೆ ತಡೆಯಲಾಗಿತ್ತು ಎಂಬ ಮಾತುಗಳು ಕೇಳಿಬಂದಿವೆ.

ಸಿಎಸ್‌ಕೆ ತಂಡವು 2016 ಮತ್ತು 2017ರಲ್ಲಿ ಎರಡು ವರ್ಷಗಳ ಕಾಲ ಬ್ಯಾನ್ ಆಗಲು ಕಾರಣ ಸ್ಪಾಟ್ ಫಿಕ್ಸಿಂಗ್ ಮತ್ತು ಬೆಟ್ಟಿಂಗ್ ಪ್ರಕರಣ ಆಗಿದೆ. ತಂಡದ ಪ್ರಮುಖ ಸದಸ್ಯರಾಗಿದ್ದ ಗುರುನಾಥ್ ಮೇಯಪ್ಪನ್ ಬೆಟ್ಟಿಂಗ್‌ನಲ್ಲಿ ಭಾಗಿಯಾಗಿದ್ದು ಸಾಬೀತಾದ ಕಾರಣ ತಂಡಕ್ಕೆ ನಿಷೇಧ ಹೇರಲಾಗಿತ್ತು. ಈ ವಿಷಯವನ್ನೇ ಉಲ್ಲೇಖಿಸಿ ಲಲಿತ್ ಮೋದಿ ಅವರು ಈ ತಂಡದ ಯಶಸ್ಸಿನ ಹಿಂದೆ ಅಕ್ರಮಗಳಿವೆ ಎಂದು ಟೀಕಿಸುತ್ತಿರುತ್ತಾರೆ.

2016-17ರಲ್ಲಿ ಸಿಎಸ್‌ಕೆ ತಂಡಕ್ಕೆ ಎರಡು ವರ್ಷಗಳ ಕಾಲ ನಿಷೇಧ ಹೇರಿದ್ದು ನಿಜ. ಆದರೆ, ಈ ನಿಷೇಧಕ್ಕೆ ಅಂಪೈರ್ ಫಿಕ್ಸಿಂಗ್ ಕಾರಣವಾಗಿರಲಿಲ್ಲ. ಬದಲಿಗೆ, ತಂಡದ ಪ್ರಮುಖ ಸದಸ್ಯ ಗುರುನಾಥ್ ಮೇಯಪ್ಪನ್ ಅವರು ಬೆಟ್ಟಿಂಗ್‌ನಲ್ಲಿ ತೊಡಗಿದ್ದಕ್ಕಾಗಿ ಮತ್ತು ತಂಡದ ಆಂತರಿಕ ಮಾಹಿತಿಯನ್ನು ಸೋರಿಕೆ ಮಾಡಿದ್ದಕ್ಕಾಗಿ ಸುಪ್ರೀಂ ಕೋರ್ಟ್ ನೇಮಿತ ಸಮಿತಿಯು ಈ ಕ್ರಮ ಕೈಗೊಂಡಿತ್ತು.

ಲಲಿತ್ ಮೋದಿಯ ಆರೋಪಗಳು ಎಷ್ಟು ಸತ್ಯವೋ ಅಥವಾ ವೈಯಕ್ತಿಕ ದ್ವೇಷವೋ ಎಂಬುದು ತನಿಖೆಯಾಗಬೇಕಿದೆ. ಆದರೆ, ಈ ವಿವಾದಗಳು ಸದ್ಯಕ್ಕೆ ಐಪಿಎಲ್ ಅಭಿಮಾನಿಗಳನ್ನು ಎರಡು ಭಾಗಗಳಾಗಿ ವಿಂಗಡಿಸಿರುವುದಂತೂ ಸುಳ್ಳಲ್ಲ,(ಏಜೆನ್ಸೀಸ್).