ಚಳವಳಿಯಲ್ಲಿ ತೊಡಗಿಸಿಕೊಂಡಿರುವ ಅಭೀಜಿತ್ ದೀಪ್ಕೆ ಮತ್ತು ಇತರ ಯುವಕರ ರಾಜಕೀಯ ಹಿನ್ನೆಲೆ ಅಥವಾ ಆಕಾಂಕ್ಷೆಗಳ ಬಗ್ಗೆ ಮಾತನಾಡಿದ ವಾಂಗ್ಚುಕ್, ರಾಜಕೀಯ ಪಕ್ಷಗಳೊಂದಿಗೆ ಗುರುತಿಸಿಕೊಂಡಿರುವುದು ತಪ್ಪಲ್ಲ ಎಂದಿದ್ದಾರೆ. ಯುವ ನಾಯಕರಿಗೆ ರಾಜಕೀಯ ಆಕಾಂಕ್ಷೆಗಳಿರುವುದು ಸಹಜ ಮತ್ತು ಅದು ಇರಲೇಬೇಕು. ಅವರೇನು ಯಾವುದೇ ಸ್ವಾರ್ಥವಿಲ್ಲದ ಸಂತರಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ಆದರೆ, ವ್ಯಕ್ತಿಗತ ರಾಜಕೀಯ ಆಕಾಂಕ್ಷೆಗಳು ಬೇರೆ, ಚಳವಳಿಯ ವೇದಿಕೆಯೇ ಬೇರೆ ಎಂದು ಅಭಿಪ್ರಾಯಪಟ್ಟಿರುವ ಅವರು, ಆರಂಭಿಸಿದ ವೇದಿಕೆಯನ್ನು ರಾಜಕೀಯ ಪಕ್ಷವಾಗಿ ಬದಲಾಯಿಸದೆ, ತಟಸ್ಥ ಗುಂಪಾಗಿ ಉಳಿದುಕೊಂಡರೆ ಮಾತ್ರ ಸಾರ್ವಜನಿಕರ ವಿಶ್ವಾಸ ಗಳಿಸಲು ಮತ್ತು ಹೆಚ್ಚಿನ ಸಾಧನೆ ಮಾಡಲು ಸಾಧ್ಯ ಎಂದಿದ್ದಾರೆ.
