ಮುಂಬೈ: ಇಂದಿಗೂ ನಮ್ಮ ಸಮಾಜದಲ್ಲಿ ಪೊಲೀಸರೆಂದರೆ ( Police ) ಒಂದು ರೀತಿಯ ಭಯವಿದೆ. ಪೊಲೀಸರ ಬಳಿ ಹೋಗಿ ಮಾತನಾಡಲು ಸಹ ಕೆಲವರು ಹೆದರುತ್ತಾರೆ. ಪೋಲೀಸ್ ಸ್ಟೇಷನ್ಗೆ ಹೋಗುವುದಕ್ಕಂತೂ ತಂಬಾನೇ ಭಯಪಡುತ್ತಾರೆ. ಏಕೆಂದರೆ, ಕೆಲ ಪೊಲೀಸರ ದೌರ್ಜನ್ಯದಿಂದಾಗಿ ಜನರಲ್ಲಿ ಆ ಭಾವನೆ ಬಂದು ಬಿಟ್ಟಿದೆ. ಬಹುತೇಕ ಸಿನಿಮಾಗಳಲ್ಲಿ ಪೊಲೀಸರ ಬಗ್ಗೆ ನೆಗಿಟಿವ್ ಆಗಿ ತೋರಿಸಿರುವುದು ಕೂಡ ಆ ಭಾವನೆ ಬೆಳೆಯಲು ಕಾರಣವಾಗಿದೆ. ಆದರೆ, ಕೆಲ ದುಷ್ಟ ಪೊಲೀಸರ ನಡುವೆ ಒಳ್ಳೆಯ ಅಧಿಕಾರಿಗಳು ಕೂಡ ಇರುತ್ತಾರೆ. ಎಷ್ಟೋ ಸಂದರ್ಭದಲ್ಲಿ ಇದು ಸಾಬೀತಾಗಿದೆ. ಖಾಕಿಗಳು ಮತ್ತು ಜನರ ನಡುವೆ ಉತ್ತಮ ಸೌಹಾರ್ದ ಸಂಬಂಧ ಸ್ಥಾಪಿಸಲು ಸರ್ಕಾರ ಎಷ್ಟೇ ಕ್ರಮ ಕೈಗೊಂಡರೂ ಜನರಲ್ಲಿ ಬೇರೂರಿರುವ ಭಯ ಮಾತ್ರ ಇನ್ನೂ ಕಡಿಮೆಯಾಗಿಲ್ಲ. ಆದರೆ, ಪೊಲೀಸರಿಗೂ ಮಾನವೀಯತೆ ಇದೆ, ಕಷ್ಟದಲ್ಲಿರುವವರ ಪರ ನಿಲ್ಲುತ್ತಾರೆ ಎಂಬುದನ್ನು ಸಾಬೀತುಪಡಿಸುವ ಹಲವು ಘಟನೆಗಳು ಈಗಾಗಲೇ ನಡೆದಿವೆ. ಇತ್ತೀಚೆಗೆ ಇದೇ ವರ್ಗಕ್ಕೆ ಮತ್ತೊಂದು ಘಟನೆ ಸೇರಿದೆ.
