ಬಿಜೆಪಿ ಸೇರುವುದಕ್ಕಿಂತ ಜೈಲೇ ಲೇಸು: ಇಡಿ ಬಲೆಗೆ ಬಿದ್ದ ಸಂಜೀವ್ ಅರೋರಾ ಪರ ಕೇಜ್ರಿವಾಲ್ ಬ್ಯಾಟಿಂಗ್; ಕೇಂದ್ರದ ವಿರುದ್ಧ ಎಎಪಿ ಗರಂ! Arvind Kejriwal on Central Government

ನವದೆಹಲಿ: ಸುಮಾರು 100 ಕೋಟಿ ನಕಲಿ ಜಿಎಸ್​ಟಿ ಬಿಲ್ಲಿಂಗ್​ ಹಾಗೂ ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆಮ್​ ಆದ್ಮಿ ಪಕ್ಷದ ಹಿರಿಯ ನಾಯಕ ಸಂಜೀವ್​ ಅರೋರಾ ಅವರನ್ನು ಜಾರಿ ನಿರ್ದೇಶನಾಲಯ ಬಂಧಿಸಿದೆ. ಈಗ ಈ ಬಂಧನವನ್ನು ಪಕ್ಷದ ಮುಖ್ಯಸ್ಥ ಅರವಿಂದ್​ ಕೇಜ್ರಿವಾಲ್​ (Arvind Kejriwal on Central Government) ವಿರೋಧಿಸಿದ್ದಾರೆ.

ತಮ್ಮ ಪಕ್ಷದ ನಾಯಕ ಸಂಜೀವ್​ ಅರೋರಾ ಅವರ ಬಂಧನದ ಕುರಿತು ಪ್ರತಿಕ್ರಿಯೆ ನೀಡಿರುವ ದೆಹಲಿಯ ಮಾಜಿ ಸಿಎಂ ಅರವಿಂದ ಕೇಜ್ರಿವಾಲ್​, ಒಬ್ಬ ವ್ಯಕ್ತಿಯ ಚಾರಿತ್ರ್ಯವು ಆತನ ಕಷ್ಟದ ಸಮಯದಲ್ಲಿ ತಿಳಿದುಬರುತ್ತದೆ. ಸಂಜೀವ್​ ಅರೋರಾ ಬಿಜೆಪಿ ಸೇರುವುದಕ್ಕಿಂತ ಜೈಲಿಗೆ ಹೋಗುವುದನ್ನು ಆಯ್ಕೆ ಮಾಡಿಕೊಂಡಿದ್ದಕ್ಕೆ ನನ್ನದೊಂದು ಸಲಾಂ, ಎಂದು ಎಕ್ಸ್​(ಟ್ವಿಟರ್​) ನಲ್ಲಿ ಬರೆದು ಕೊಂಡಿದ್ದಾರೆ.

ಸಂಜೀವ್​ ಅರೋರಾ ಅವರ ಬಂಧನವಾಗುತ್ತಿದ್ದಂತೆ ಪತ್ರಿಕಾಗೋಷ್ಟಿ ನಡೆಸಿದ ಅರವಿಂದ್​ ಕೇಜ್ರಿವಾಲ್​, ನಮ್ಮ ದೇಶದ ತನಿಖಾ ಸಂಸ್ಥೆಗಳು ಕೇಂದ್ರ ಸರ್ಕಾರದ ಕೈಗೊಂಬೆಗಳಾಗಿವೆ.