ಮಡುರೊನಂತೆ ನೆತನ್ಯಾಹುರನ್ನು ಬಂಧಿಸಿ: ಇಸ್ರೇಲ್ ಪ್ರಧಾನಿ ಬಂಧನಕ್ಕೆ ಖವಾಜಾ ಆಸಿಫ್ ಆಗ್ರಹ | Khawaja Asif

ಈ ಬಗ್ಗೆ ಸಂದರ್ಶನವೊದರಲ್ಲಿ ಮಾತನಾಡಿದ ಆಸಿಫ್​, ಜಗತ್ತು ನಿಜವಾಗಿಯೂ ನ್ಯಾಯ ಮತ್ತು ಮಾನವೀಯತೆಯ ಬಗ್ಗೆ ಕಾಳಜಿ ವಹಿಸುತ್ತಿದ್ದರೆ, ಅಮೆರಿಕ ಅಥವಾ ಟರ್ಕಿಯಂತಹ ಶಕ್ತಿಗಳು ಗಾಜಾದಲ್ಲಿ ನಡೆದ ಯುದ್ಧ ಅಪರಾಧಗಳಿಗೆ ಉತ್ತರಿಸಲು ಇಸ್ರೇಲಿ ನಾಯಕನನ್ನು ಬಂಧಿಸಬೇಕು ಎಂದು ಹೇಳಿದ್ದಾರೆ.

ವೆನೆಜುವೆಲಾದ ಅಧ್ಯಕ್ಷ ನಿಕೋಲಸ್ ಮಡುರೊರನ್ನು ಕರೆದುಕೊಂಡು ಹೋದಂತೆಯೇ ನೆತನ್ಯಾಹುರನ್ನು ಬಂಧಿಸಬೇಕೆಂದು ಅವರು ಟರ್ಕಿ ಮತ್ತು ಅಮೆರಿಕವನ್ನು ಪಾಕ್​ ರಕ್ಷಣಾ ಸಚಿವ ಒತ್ತಾಯಿಸಿದ್ದಾರೆ. ಅಲ್ಲದೆ, ಇಸ್ರೇಲ್ ವಿರುದ್ಧ ಟರ್ಕಿಯ ಧ್ವನಿ ಎತ್ತುವ ನಿಲುವನ್ನು ಉಲ್ಲೇಖಿಸಿದ ಆಸಿಫ್, ಟರ್ಕಿ ಇಸ್ರೇಲಿ ನಾಯಕನನ್ನು ಸೆರೆಹಿಡಿಯುವ ಸಾಮರ್ಥ್ಯವನ್ನು ಹೊಂದಿದೆ. ಪಾಕಿಸ್ತಾನಿಗಳು ಅದಕ್ಕಾಗಿ ಪ್ರಾರ್ಥಿಸುತ್ತಿದ್ದಾರೆ ಎಂದು ತಿಳಿಸಿದರು.

ಆಸಿಫ್ ನೆತನ್ಯಾಹುರನ್ನು ಮಾನವೀಯತೆಯ ಅತ್ಯಂತ ಕೆಟ್ಟ ಅಪರಾಧಿ ಎಂದು ಕರೆದಿದ್ದಾರೆ.ಅಲ್ಲದೆ, ಯಾವುದೇ ಐತಿಹಾಸಿಕ ದೌರ್ಜನ್ಯಗಳು ಗಾಜಾದ ಪ್ರಸ್ತುತ ಪರಿಸ್ಥಿತಿಗೆ ಹೊಂದಿಕೆಯಾಗುವುದಿಲ್ಲ ಎಂದು ಆಸಿಫ್​ ಹೇಳಿದ್ದಾರೆ.

ಈ ಹೇಳಿಕೆಯು ದೀರ್ಘಕಾಲದ ಉದ್ವಿಗ್ನತೆಗಳು ಮತ್ತು ಇತ್ತೀಚಿನ ಕಾನೂನು ಬೆಳವಣಿಗೆಗಳಿಂದ ಉತ್ತೇಜಿಸಲ್ಪಟ್ಟಿದೆ.

ಐಸಿಸಿ ವಾರಂಟ್‌ಗಳು: ಅಂತಾರಾಷ್ಟ್ರೀಯ ಕ್ರಿಮಿನಲ್ ನ್ಯಾಯಾಲಯ (ಐಸಿಸಿ) ಈ ಹಿಂದೆ ನೆತನ್ಯಾಹು ವಿರುದ್ಧ ಯುದ್ಧ ಅಪರಾಧಗಳ ಆರೋಪದ ಮೇಲೆ ಬಂಧನ ವಾರಂಟ್‌ಗಳನ್ನು ಹೊರಡಿಸಿತ್ತು. ಅಲ್ಲದೆ, 2025ರ ಕೊನೆಯಲ್ಲಿ ಮಾನವೀಯತೆಯ ವಿರುದ್ಧದ ಅಪರಾಧಗಳಿಗಾಗಿ ನೆತನ್ಯಾಹು ಮತ್ತು ಹಲವಾರು ಹಿರಿಯ ಇಸ್ರೇಲಿ ಅಧಿಕಾರಿಗಳಿಗೆ ಟರ್ಕಿ ತನ್ನದೇ ಆದ ದೇಶೀಯ ಬಂಧನ ವಾರಂಟ್‌ಗಳನ್ನು ಹೊರಡಿಸಿದೆ ಎಂದು ವರದಿಯಾಗಿದೆ.

ಪಾಕಿಸ್ತಾನ ಇಸ್ರೇಲ್ ಅನ್ನು ಗುರುತಿಸುವುದಿಲ್ಲ ಮತ್ತು ಗಾಜಾದಲ್ಲಿ ಅಂತಾರಾಷ್ಟ್ರೀಯ ಹಸ್ತಕ್ಷೇಪಕ್ಕೆ ಕರೆ ನೀಡುವ ಮುಸ್ಲಿಂ ಜಗತ್ತಿನ ಪ್ರಬಲ ಧ್ವನಿಗಳಲ್ಲಿ ಒಂದಾಗಿದೆ,(ಏಜೆನ್ಸೀಸ್​).