ಅವಳೇ ಇಲ್ಲದ ಮೇಲೆ ಈ ಹಣವೇಕೆ? ಪತ್ನಿ ಜೊತೆ ವಿಶ್ವ ಪರ್ಯಟನೆಗೆಂದು ಕೂಡಿಟ್ಟಿದ್ದ ಹಣ; 25 ಲಕ್ಷ ಸೇನೆಗೆ ದಾನ ಮಾಡಿದ ಮಾಜಿ ಬ್ಯಾಂಕ್​ ಉದ್ಯೋಗಿ! Bank Employee Donates 25 Lakhs

ಮುಂಬೈ: ಮನುಷ್ಯ ಮಾಡುವುದೆಲ್ಲಾ ಹೊಟ್ಟೆಗಾಗಿ ಗೇಣು ಬಟ್ಟೆಗಾಗಿ ಎಂಬ ಮಾತಿದೆ. ಅಂದರೆ ಪ್ರತಿಯೊಬ್ಬರು ತಮ್ಮ ಸ್ವಂತಕ್ಕಾಗಿ ದುಡಿಯುತ್ತಾರೆ ಹೊರತು ಬೇರೊಬ್ಬರ ಶ್ರೇಯೊಭಿವೃದ್ಧಿಗಲ್ಲ. ಆದರೆ ನಾಗ್ಪುರದ ನಿವೃತ್ತ ಬ್ಯಾಂಕ್​ ಉದ್ಯೋಗಿಯೊಬ್ಬರು, ತಾವು ಕಷ್ಟಪಟ್ಟು ಸಂಪಾದಿಸಿದ್ದ 25 ಲಕ್ಷ ರೂಪಾಯಿಗಳನ್ನು (Bank Employee Donates 25 Lakhs) ಭಾರತೀಯ ಸೇನೆಗೆ ದಾನ ಮಾಡಿ ಮಾದರಿಯಾಗಿದ್ದಾರೆ.

ಪಂಜಾಬ್​ ನ್ಯಾಷನಲ್​​ ಬ್ಯಾಂಕ್​ನಲ್ಲಿ ಸುದೀರ್ಘ ಅವಧಿಗೆ ಕೆಲಸ ಮಾಡಿ ನಿವೃತ್ತರಾಗಿದ್ದ ಶ್ರೀಕಾಂತ್ ಸಹಸ್ರಬುದ್ಧಿ ಈ ದಾನವನ್ನು ನೀಡಿರುವ ಅಧುನಿಕ ಕರ್ಣನಾಗಿದ್ದಾನೆ. ಇವರು ಹೇಳುವ ಪ್ರಕಾರ, ತಮ್ಮ ಪತ್ನಿ ಜೊತೆ ಪ್ರಪಂಚ ಪರ್ಯಟನೆ ಮಾಡಲು 25 ಲಕ್ಷ ರೂಪಾಯಿಯನ್ನು ಕುಡಿಟ್ಟಿದ್ದರಂತೆ. ಆದರೆ ತಮ್ಮ ಪತ್ನಿ ಮರಣ ಹೊಂದಿದ ಕಾರಣ ಈ ಹಣವನ್ನು ಸೇನೆಗೆ ದಾನವಾಗಿ ನೀಡಿದ್ದೆನೆಂದು ಶ್ರೀಕಾಂತ್ ಹೇಳಿದ್ದಾರೆ.

ನಾನು ನನ್ನ ಹೆಂಡತಿ ಇಬ್ಬರು ಪಂಜಾಬ್​ ನ್ಯಾಷನಲ್ ಬ್ಯಾಂಕಿನಲ್ಲಿ ಕೆಲಸ ಮಾಡುತ್ತಿದ್ದೆವು. ನಿವೃತ್ತಿ ನಂತರ ಇಬ್ಬರು ಪ್ರಪಂಚದ ವಿವಿಧ ದೇಶಗಳನ್ನು ನೋಡುವ ಆಸೆಯಿಂದ ಹಣವನ್ನು ಕೂಡಿಕ್ಕುತ್ತಿದ್ದೆವು. ಆದರೆ ಅವಳು ಹತ್ತು ವರ್ಷದ ಹಿಂದೆ ನಿಧನವಾದಳು.

ಶ್ರೀಕಾಂತ್​ ಅವರ ಈ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರ ಕಣ್ಗಾಲಿಗಳು ಒದ್ದೆಯಾಗಿವೆ. ಭಾರತೀಯ ಸೇನೆಯ ಮೇಲೆ ನಿಮಗಿರುವ ಅಭಿಮಾನಕ್ಕೆ ಶರಣು ಎಂದು ಒಬ್ಬ ಬಳಕೆದಾರರು ಕಮೆಂಟ್​ ಮಾಡಿದ್ದಾರೆ. ನೋಡಿ ಇದು ಆದರ್ಷ ದಾಂಪತ್ಯದ ಲಕ್ಷಣ ಎಂದು ಇನ್ನೊಬ್ಬರು ಹೇಳಿದರೆ, ಪತ್ನಿ ಸಾವಿನ ಬಳಿಕ ಮೋಜು-ಮಸ್ತಿ ಮಾಡುವ ಗಂಡಸರಿಗೆ ಇವರು ಆದರ್ಶಪ್ರಾಯ ಎಂದು ಮತ್ತೊಬ್ಬರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ, (ಏಜನ್ಸೀಸ್​​).