ಅಜಿತ್ ದಾದಾ ನಂತರ ಎನ್​ಸಿಪಿ ಚುಕ್ಕಾಣಿ ಯಾರಿಗೆ? ಪವಾರ್ ಸಾಮ್ರಾಜ್ಯದ ಸಿಂಹಾಸನ ಏರಲಿದ್ದಾರಾ ಸುನೇತ್ರಾ ಪವಾರ್? Ajit Pawar

ಮಹಾರಾಷ್ಟ್ರ: ಮಹಾರಾಷ್ಟ್ರದ ರಾಜಕೀಯವು ಭಾರತದ ಅತ್ಯಂತ ಪ್ರಕ್ಷುಬ್ಧ ರಾಜಕೀಯ ವಾತಾವರಣದಲ್ಲಿ ಅಗ್ರಗಣ್ಯ ಎಂದರೆ ತಪ್ಪಾಗದು. ಇಲ್ಲಿ ಯಾವಾಗ ಪಕ್ಷಗಳು ಅಧಿಕಾರಕ್ಕೆ ಬರುತ್ತವೆ, ಯಾವಾಗ ಅಧಿಕಾರದಿಂದ ಹೊರನಡೆಯುತ್ತವೆ ಎಂದು ಹೇಳುವುದು ಕಷ್ಟಕರ.

ಯಾವುದೋ ಒಂದು ಅತ್ಯಂತ ಅಲ್ಪ ಪ್ರಾಮುಖ್ಯತೆಯ ಘಟನೆ ಸಹ ಮಹಾರಾಷ್ಟ್ರದ ರಾಜಕೀಯವನ್ನು 360 ಡಿಗ್ರಿ ಬದಲು ಮಾಡಿದ ನೂರಾರು ನಿದರ್ಶನಗಳಿವೆ. ಈಗ 2026 ರ ಮೊದಲ ತಿಂಗಳಲ್ಲೇ ಅಜಿತ್​ ದಾದಾ ಎಂದೇ ಮಹಾರಾಷ್ಟ್ರದಲ್ಲಿ ಜನಜನಿರತಾಗಿದ್ದ ಅಜಿತ್​ ಪವಾರ್​ (Ajit Pawar) ಅವರು ವಿಮಾನ ದುರಂತದಲ್ಲಿ ನಿಧನರಾದ ನಂತರ ಮಹಾರಾಷ್ಟ್ರದ ರಾಜಕೀಯದ ದಿಕ್ಕು ಮತ್ತೊಮ್ಮೆ ಬದಲಾಗಲಿದೆ ಎಂಬುದನ್ನು ಸೂಚಿಸುತ್ತಿದೆ.

ಅಜಿತ್​ ಪವಾರ್​ ತರುವಾಯ ಎನ್​ಸಿಪಿ ಯ ನೇತೃತ್ವವನ್ನು ಯಾರು ವಹಿಸಲಿದ್ದಾರೆ ಎಂಬ ಬಿಲಿಯಲ್​ ಡಾಲರ್​ ಪ್ರಶ್ನೆ ಮಹಾರಾಷ್ಟ್ರದ ರಾಜಕೀಯ ವಲಯದಲ್ಲಿ ಸದ್ದು ಮಾಡುತ್ತಿದೆ. ಎನ್‌ಸಿಪಿ ಹಲವಾರು ಉನ್ನತ ನಾಯಕರನ್ನು ಹೊಂದಿದ್ದರೂ ಸಹ ಪಕ್ಷದ ಅಧ್ಯಕ್ಷ ಸ್ಥಾನವನ್ನು ಅಜಿತ್​ ಪವಾರ್​ ಅವರ ಪತ್ನಿ ಮತ್ತು ರಾಜ್ಯಸಭಾ ಸಂಸದೆ ಸುನೇತ್ರಾ ಪವಾರ್ ವಹಿಸಿಕೊಳ್ಳಲಿದ್ದಾರೆ ಎಂಬ ವದಂತಿ ಹರಡುತ್ತಿದೆ.

ಮೂಲತಃ ಮರಾಠವಾಡ ಪ್ರದೇಶದ ಪ್ರಭಾವಶಾಲಿ ರಾಜಕೀಯ  ಕುಟುಂಬದಿಂದ ಬಂದಿರುವ ಸುನೇತ್ರಾ ಪವಾರ್ ಈಗ ಎನ್‌ಸಿಪಿ ಮತ್ತು ಮಹಾರಾಷ್ಟ್ರ ರಾಜಕೀಯದಲ್ಲಿ ಮಾತೃಪ್ರಧಾನ ಸ್ಥಾನ ತುಂಬಲಿದ್ದಾರೆ ಎಂದು ಹೇಳಲಾಗುತ್ತಿದೆ.

1985 ರಲ್ಲಿ ಅಜಿತ್ ಪವಾರ್ ಅವರನ್ನು ವಿವಾಹವಾದ ಸುನೇತ್ರಾ ಅವರನ್ನು ಮಹಾರಾಷ್ಟ್ರದ ಜನ ಪವಾರ್ ಬಹು (ಪವಾರ್​  ಕುಟುಂಬದ ಸೊಸೆ) ಎಂದೇ ದೀರ್ಘಕಾಲದಿಂದ ಕರೆಯುತ್ತಿದ್ದಾರೆ. 2024 ರ ಸಾರ್ವತ್ರಿಕ ಚುನಾವಣೆಯಲ್ಲಿ ಬಾರಾಮತಿ ಲೋಕಸಭಾ ಸ್ಥಾನದಿಂದ ಸ್ಪರ್ಧಿಸುವವರೆಗೂ ಸುನೇತ್ರಾ ತಮ್ಮ ಜೀವನದ ಬಹುಪಾಲನ್ನು ಕುಟುಂಬಕ್ಕೆ ಸರ್ಮಪಿಸಿ ಕೊಂಡಿದದರು. ಈ ಚುನಾವಣೆಯಲ್ಲಿ ಇವರು ಶರದ್ ಪವಾರ್ ಅವರ ಮಗಳು ಮತ್ತು ತಮ್ಮ ಅತ್ತಿಗೆ ಸುಪ್ರಿಯಾ ಸುಳೆ ವಿರುದ್ಧ ಕಣಕ್ಕೀಳಿದು 1.5 ಲಕ್ಷಕ್ಕೂ ಹೆಚ್ಚು ಮತಗಳ ಅಂತರದಿಂದ ಸೋತರು.

ಕೃಷಿಕ-ರಾಜಕೀಯ ಕುಟುಂಬದಿಂದ ಬಂದಿರುವ ಸುನೇತ್ರಾ, ಕೇವಲ  ರಾಜಕಾರಣಿಯಲ್ಲದೆ, ಅವರು ಸಾಮಾಜಿಕ ಕಾರ್ಯಕರ್ತೆಯಾಗಿ, ಕೈಗಾರಿಕೋದ್ಯಮಿ ಜತೆಗೆ ಶೈಕ್ಷಣಿಕ ಆಡಳಿಗಾರ್ತಿಯಾಗಿ ತಮ್ಮನ್ನು ತಾವು ಗುರುತಿಸಿ ಕೊಂಡಿದ್ದಾರೆ. ಆರು ಬಾರಿ ಉಪಮುಖ್ಯಮಂತ್ರಿಯಾಗಿದ್ದ ಅಜಿತ್​ ಪವಾರ್​ ಅವರ ಪತ್ನಿಯಾಗಿದ್ದರೂ ಸಹ ಸುನೇತ್ರಾ ಎಂದಿಗೂ ತಮ್ಮ ಪತಿಯ ಹೆಸರಿನಲ್ಲಿ ರಾಜಕೀಯ ಮಾಡದೇ ತಮ್ಮದೇ ಆದ ಛಾಪನ್ನು ನಿರ್ಮಿಸಿಕೊಂಡವರಾಗಿದ್ದಾರೆ.

ಪ್ರಸ್ತುತ, ಬಾರಾಮತಿ ಜವಳಿ ಕಂಪನಿಯ ಅಧ್ಯಕ್ಷೆಯಾಗಿ, ಮಹಾರಾಷ್ಟ್ರದ ಆರ್ಥಿಕತೆಗೆ ಪ್ರಮುಖವಾದ ವಲಯದಲ್ಲಿ ಕಾರ್ಯಾಚರಣೆಗಳನ್ನು ನೋಡಿಕೊಳ್ಳುತ್ತಿದ್ದಾರೆ. 2010 ರಿಂದ ನೇತೃತ್ವ ವಹಿಸುತ್ತಿರುವ ಎನ್ವಿರಾನ್ಮೆಂಟಲ್ ಫೋರಮ್ ಆಫ್ ಇಂಡಿಯಾ (ಇಎಫ್‌ಒಐ) ಸ್ಥಾಪಕಿಯೂ ಆಗಿದ್ದಾರೆ. ಅವರ ಎನ್‌ಜಿಒ ಸಾವಯವ ಕೃಷಿ, ಪರಿಸರಗ್ರಾಮ ಮತ್ತು ಸಂರಕ್ಷಣಾ ಪ್ರಯತ್ನಗಳನ್ನು ಉತ್ತೇಜಿಸುತ್ತದೆ. ಮಹಾರಾಷ್ಟ್ರದಲ್ಲಿ ಸುಸ್ಥಿರ ಅಭಿವೃದ್ಧಿಗೆ ನೀಡಿದ ಕೊಡುಗೆಗಳಿಗಾಗಿ ಅವರಿಗೆ ಗ್ರೀನ್ ವಾರಿಯರ್ ಪ್ರಶಸ್ತಿಯನ್ನು ತಂದುಕೊಟ್ಟಿದೆ.

2011 ರಿಂದ, ಅವರು ಉದ್ಯಮಶೀಲತೆ ಮತ್ತು ಸುಸ್ಥಿರತೆಯ ಕುರಿತು ಜಾಗತಿಕ ಚರ್ಚೆಗಳಲ್ಲಿ ತೊಡಗಿರುವ ಫ್ರಾನ್ಸ್‌ನಲ್ಲಿರುವ ವಿಶ್ವ ಉದ್ಯಮಶೀಲತಾ ವೇದಿಕೆಯ ಚಿಂತಕರ ಚಾವಡಿ ಸದಸ್ಯರಾಗಿಯೂ ಸೇವೆ ಸಲ್ಲಿಸಿದ್ದಾರೆ. ಸುನೇತ್ರಾ ಪವಾರ್ ಅವರು ಶರದ್ ಪವಾರ್ ಸ್ಥಾಪಿಸಿದ ಶೈಕ್ಷಣಿಕ ಟ್ರಸ್ಟ್ ಆಗಿರುವ ವಿದ್ಯಾ ಪ್ರತಿಷ್ಠಾನದ ಟ್ರಸ್ಟಿಯೂ ಆಗಿದ್ದಾರೆ. ಇದು 25,000 ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಶಿಕ್ಷಣ ನೀಡುತ್ತದೆ. ಅವರು 2017 ರಿಂದ ಸಾವಿತ್ರಿಬಾಯಿ ಫುಲೆ ಪುಣೆ ವಿಶ್ವವಿದ್ಯಾಲಯದಲ್ಲಿ ಸೆನೆಟ್ ಸದಸ್ಯರೂ ಆಗಿದ್ದಾರೆ. 

2024 ರಲ್ಲಿ ರಾಜಕೀಯಕ್ಕೆ ಪ್ರವೇಶಿಸಿದ ಸುನೇತ್ರಾ ಪವಾರ್ ಕುಟುಂಬದ ಭದ್ರಕೋಟೆಯಾದ ಬಾರಾಮತಿಯಿಂದ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿದರು. ಆದರೆ ಪ್ರತಿಸ್ಪರ್ಧಿ ಶರದ್ ಪವಾರ್ ನೇತೃತ್ವದ ಎನ್‌ಸಿಪಿ (ಎಸ್‌ಪಿ) ಬಣದ ತಮ್ಮ ಅತ್ತಿಗೆ ಸುಪ್ರಿಯಾ ಸುಲೆ ವಿರುದ್ಧ ಸೋತರು.

ಲೋಕಸಭಾ ಚುನಾವಣೆಯ ಸುಮಾರು ಹದಿನೈದು ದಿನಗಳ ನಂತರ, ಇವರನ್ನು ಮಹಾರಾಷ್ಟ್ರದಿಂದ ರಾಜ್ಯಸಭೆಗೆ ಅವಿರೋಧವಾಗಿ ನಾಮನಿರ್ದೇಶನ ಮಾಡಲಾಯಿತು.ಮಾಜಿ ಕೇಂದ್ರ ನಾಗರಿಕ ವಿಮಾನಯಾನ ಸಚಿವ ಮತ್ತು ಎನ್‌ಸಿಪಿಯ ರಾಷ್ಟ್ರೀಯ ಕಾರ್ಯನಿರ್ವಾಹಕ ಅಧ್ಯಕ್ಷ ಪ್ರಫುಲ್ ಪಟೇಲ್ ಅವರ ನಂತರ ಉತ್ತರಾಧಿಕಾರಿಯಾದರು.

ಅಜಿತ್ ಅವರ ನಿಧನದೊಂದಿಗೆ, ಸುನೇತ್ರಾ ಅವರು ಅಜಿತ್ ನೇತೃತ್ವದ ಎನ್‌ಸಿಪಿ ಬಣದ ಮಾತೃಮೂರ್ತಿಯಾಗಿ ಪುರುಷ ಪ್ರಾಬಲ್ಯದ ಪವಾರ್ ವಂಶಾವಳಿಯಲ್ಲಿ ಐತಿಹಾಸಿಕ ಬದಲಾವಣೆ ತರಲಿದ್ದಾರೆ ಎಂದು ಹೇಳಲಾಗುತ್ತಿದೆ,(ಏಜನ್ಸೀಸ್).