ಕಂಗನಾರನ್ನು BJP ಗಂಭೀರವಾಗಿ ಪರಿಗಣಿಸಿಲ್ಲ ಎಂದ Saurav Das; ಅವನೊಬ್ಬ ಕೆಲಸವಿಲ್ಲದ ನಿಷ್ಪ್ರಯೋಜಕ ಎಂದು ಸಂಸದೆ ಗುಡುಗು

ನೀಟ್​ ಪ್ರಶ್ನೆ ಪತ್ರಿಕೆ ಸೋರಿಕೆ ಹೊಣೆ ಹೊತ್ತು ಧರ್ಮೇಂದ್ರ ಪ್ರಧಾನ್ ಅವರು ರಾಜೀನಾಮೆ ನೀಡಬೇಕು ಎಂದು ಕಾಕ್ರೋಚ್​ ಜನತಾ ಪಾರ್ಟಿ ಪ್ರತಿಭಟನೆ ನಡೆಸಿತ್ತು. 37 ದಿನ ತೀವ್ರ ಹೋರಾಟದ ನಂತರ ವಿದ್ಯಾರ್ಥಿಗಳಿಗೆ ಮಣಿದು ತಮ್ಮ ಹುದ್ದೆಗೆ ಪ್ರಧಾನ್​ ರಿಸೈನ್ ಮಾಡಿದರು. ಈ ಘಟನೆಗಳ ನಂತರ ಕಂಗಾನ ಅವರು ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಝೆನ್​ಜಿಗಳು ಹಾಗೂ ಸಿಜೆಪಿ ಬಗ್ಗೆ ಟೀಕೆ ಮಾಡಿ ಜನರೇಷನ್ ಗಟ್ಟರ್ ಎಂದು ಪೋಸ್ಟ್​ ಹಂಚಿಕೊಂಡಿದ್ದರು.

CJP ವಕ್ತಾರ ಸೌರವ್ ದಾಸ್ (CJP spokesperson Saurav Das,)ಮಾತನಾಡಿ, "ಕಂಗನಾ ರಣಾವತ್ ಅವರನ್ನು ಅವರ ಸ್ವಂತ ಪಕ್ಷದವರೇ ಗಂಭೀರವಾಗಿ ಪರಿಗಣಿಸುವುದಿಲ್ಲ, ಹೀಗಿರುವಾಗ ನಾವು ಯಾಕೆ ಗಂಭೀರವಾಗಿ ತೆಗೆದುಕೊಳ್ಳಬೇಕು?.ಅವರು ನಮ್ಮನ್ನು ಅಗಂಭೀರ ತಲೆಮಾರು' ಎಂದು ಕರೆಯುತ್ತಿರುವಾಗ, ಅವರ ಸ್ವಂತ ಗಂಭೀರತೆಯನ್ನು ಅವರೇ ಬಹಿರಂಗಪಡಿಸಿಕೊಂಡಿದ್ದರು

ಶಬ್ದಗಳ ಬಳಕೆ ಸರಿಯಾಗಿರಬೇಕು, ತಮ್ಮ ಭಾಷೆಯನ್ನು ನಿಯಂತ್ರಿಸಿಕೊಳ್ಳಬೇಕು ಮತ್ತು ತಮ್ಮ ಹುದ್ದೆಯ ಘನತೆಯನ್ನು ಕಾಪಾಡಿಕೊಳ್ಳಬೇಕು. ನಿಮಗಿಂತ ಹೆಚ್ಚಾಗಿ ಝೆನ್​ ಜಿ ಈ ದೇಶಕ್ಕಾಗಿ ಮಾಡಿದೆ ಮತ್ತು ಮಾಡುತ್ತಿದೆ. ಈ ದೇಶದ ಪ್ರಜಾಪ್ರಭುತ್ವದಲ್ಲಿ ನಂಬಿಕೆಯನ್ನು ಮರುಸ್ಥಾಪಿಸುವ ಕೆಲಸವನ್ನು ಜೆನ್-ಝೆಡ್ ಮಾಡಿದೆ, ನೀವಲ್ಲ ಎಂದು ವಾಗ್ದಾಳಿ ನಡೆಸಿದ್ದಾರೆ.

ನಾನು ಈ ವ್ಯಕ್ತಿಯನ್ನು ಗೂಗಲ್ ಮಾಡಿ ನೋಡಿದೆ, ಆತನಿಗೆ 28 ವರ್ಷ ವಯಸ್ಸು. ತಾನೊಬ್ಬ ವಿದ್ಯಾರ್ಥಿ ಎಂದು ಆತ ಹೇಗೆ ಹೇಳಿಕೊಳ್ಳುತ್ತಾನೆ ಎಂಬುದು ನನಗೆ ಅರ್ಥವಾಗುತ್ತಿಲ್ಲ. ಸೌರವ್ ವಯಸ್ಸಿಗೆ ನಾನು ಈಗಾಗಲೇ ಎರಡು ರಾಷ್ಟ್ರೀಯ ಪ್ರಶಸ್ತಿಗಳನ್ನು ಪಡೆದಿದ್ದೆ. ನಾನು ಕೇವಲ ಎರಡು ವರ್ಷಗಳಿಂದ ರಾಜಕಾರಣದಲ್ಲಿದ್ದರೂ, ಕಳೆದ 20 ವರ್ಷಗಳಿಂದ ಸಾರ್ವಜನಿಕ ಜೀವನದಲ್ಲಿದ್ದೇನೆ" ಎಂದು ತಿರುಗೇಟು ನೀಡಿದ್ದಾರೆ. ನಟಿ, ಚಲನಚಿತ್ರ ನಿರ್ಮಾಪಕಿ, ನಿರ್ದೇಶಕಿ, ಬರಹಗಾರ್ತಿ ಮತ್ತು ಉದ್ಯಮಿಯಾಗಿ ತಾನು ಸದಾ ಕೆಲಸದ ಒತ್ತಡದಲ್ಲಿರುತ್ತೇನೆ. ಸೌರವ್ ದಾಸ್ ನಿಷ್ಪ್ರಯೋಜಕ ಮತ್ತು ನಿರುದ್ಯೋಗಿ. ಪ್ರಿಯ ಸೌರವ್, ನಿಮ್ಮ ಸಮಸ್ಯೆಗಳು ವೈಯಕ್ತಿಕವಾಗಿವೆ, ನೀವು ವಿದ್ಯಾರ್ಥಿಯಲ್ಲ, ಕೇವಲ ಕೆಲಸವಿಲ್ಲದವನು. ಮೊದಲು ಯಾವುದಾದರೂ ಕೌಶಲ್ಯ ಕಲಿಯುವುದನ್ನು ಆರಂಭಿಸಿ ಎಂದು ಲೇವಡಿ ಮಾಡಿದರು, (ಏಜೆನ್ಸೀಸ್).