Cheapest Petrol: ಬೆಳಗಾದರೆ ಕೆಲಸಕ್ಕೆ ಹೋಗಬೇಕಲ್ಲ ಎಂದು ಬೇಸರದಿಂದಲೇ ಎದ್ದೇಳುವ ಜನರು, ತಮ್ಮ ತಮ್ಮ ವಾಹನಗಳಿಗೆ ಇಂಧನ ತುಂಬಿಸಿ, ಆ ಬಿಗಿ ಟ್ರಾಫಿಕ್ ಮಧ್ಯೆ ಗಂಟೆ ಗಂಟೆಗಟ್ಟಲೇ ಕಾದು ಕಡೆಗೂ ಆಫೀಸು ಸೇರುವಂತೆ, ಇತರೆ ಕೆಲಸಗಳಿಗೂ ವಾಹನಗಳನ್ನು ಹೆಚ್ಚಾಗಿ ಬಳಸುತ್ತಾರೆ. ಬರುವ ಸಂಬಳದಲ್ಲಿ ಬಹುತೇಕ ಖರ್ಚು ಗಾಡಿಯ ಇಂಧನಕ್ಕೆ ಕಳೆಯುವ ಮಂದಿ, ಬೇರೆ ಬೆಲೆಗಳಂತೆ ಏಕೆ ಪೆಟ್ರೋಲ್, ಡಿಸೇಲ್ ಬೆಲೆಯಲ್ಲಿ ಇಳಿಕೆ ಕಾಣೋದಿಲ್ಲ. ಅದರಿಂದ ನಮಗೇಕೆ ರಿಲೀಫ್ ಇಲ್ಲ? ಎಂಬ ಹತ್ತು ಹಲವು ಪ್ರಶ್ನೆಗಳನ್ನು ತಮ್ಮಲ್ಲೇ ಹಾಕಿಕೊಳ್ಳುತ್ತ, ಆಯಾ ಸರ್ಕಾರಕ್ಕೆ ಹಿಡಿಶಾಪ ಹಾಕುತ್ತಾರೆ. ಆದ್ರೆ, ಅಚ್ಚರಿ ಎನ್ನುವಂತೆ ಕೆಲವೇ ಕೆಲವು ದೇಶಗಳು ಇಂದಿಗೂ ಪ್ರತಿ ಲೀಟರ್ ಪೆಟ್ರೋಲ್ ಅನ್ನು ಅತ್ಯಂತ ಕಡಿಮೆ ದರದಲ್ಲಿ ನೀಡುತ್ತಿವೆ ಎಂಬ ಸಂಗತಿ ತಿಳಿದರೆ ನಿಜಕ್ಕೂ ನಿಮ್ಮ ಹುಬ್ಬೇರುತ್ತೆ.
