ಸಿಗರೇಟ್ ಸೇದುವ ಚಿತ್ರ; ಅರುಂಧತಿ ರಾಯ್ ಆತ್ಮಚರಿತ್ರೆ ಬುಕ್ ನಿಷೇಧಿಸಲು ಕೋರಿದ್ದ ಅರ್ಜಿ ವಜಾಗೊಳಿಸಿದ ಸುಪ್ರೀಂ | Supreme Court

ನವದೆಹಲಿ: ಮುಖಪುಟದಲ್ಲಿ ಲೇಖಕರು ಕೇಂದ್ರ ಕಾನೂನನ್ನು ಉಲ್ಲಂಘಿಸಿ ಸಿಗರೇಟ್/ಬೀಡಿ ಸೇದುತ್ತಿರುವುದನ್ನು ಚಿತ್ರಿಸಲಾಗಿದೆ ಎಂದು ಆರೋಪಿಸಿ ಖ್ಯಾತ ಲೇಖಕಿ ಅರುಂಧತಿ ರಾಯ್ ಅವರ 'ಮದರ್ ಮೇರಿ ಕಮ್ಸ್ ಟು ಮಿ' ಪುಸ್ತಕವನ್ನು ನಿಷೇಧಿಸುವಂತೆ ಕೋರಿ ಸಲ್ಲಿಸಲಾದ ಅರ್ಜಿಯನ್ನು ಸುಪ್ರೀಂ ಕೋರ್ಟ್(Supreme Court) ಶುಕ್ರವಾರ(ಡಿ. 05) ವಜಾಗೊಳಿಸಿದೆ.

ಕೇರಳ ಹೈಕೋರ್ಟ್ ಈ ವಿಷಯದ ಕುರಿತು ಸಲ್ಲಿಸಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ವಜಾಗೊಳಿಸಿದ ಆದೇಶದ ವಿರುದ್ಧ ರಾಜಸಿಂಹನ್ ಎಂಬವರು ಸಲ್ಲಿಸಿದ್ದ ಮೇಲ್ಮನವಿಯನ್ನು ಸಿಜೆಐ ಸೂರ್ಯ ಕಾಂತ್ ಮತ್ತು ನ್ಯಾ. ಜೋಯ್ಮಲ್ಯ ಬಾಗ್ಚಿ ಅವರನ್ನೊಳಗೊಂಡ ಪೀಠ ವಜಾಗೊಳಿಸಿದೆ.

ಅರ್ಜಿಯ ವಿಚಾರಣೆ ವೇಳೆ ಸಿಜೆಐ ಸೂರ್ಯಕಾಂತ್, ಅರುಂದತಿ ರಾಯ್ ಒಬ್ಬ ಪ್ರಸಿದ್ಧ ಲೇಖಕಿ. ಅವರು ಅಂತಹ ವಿಷಯವನ್ನು ಪ್ರಚಾರ ಮಾಡಿಲ್ಲ. ಪುಸ್ತಕದಲ್ಲಿ ಒಂದು ಎಚ್ಚರಿಕೆ ಇದೆ, ಮತ್ತು ಅವರು ಒಬ್ಬ ಪ್ರಮುಖ ವ್ಯಕ್ತಿ ಕೂಡ. ಪ್ರಚಾರಕ್ಕಾಗಿ ಅಂತಹ ಕೆಲಸವನ್ನು ಏಕೆ ಮಾಡಬೇಕು? ಪುಸ್ತಕದ ಚಿತ್ರವಿರುವ ಯಾವುದೇ ಹೋರ್ಡಿಂಗ್ ನಗರದಲ್ಲಿ ಇಲ್ಲ. ಅದು ಪುಸ್ತಕವನ್ನು ತೆಗೆದುಕೊಂಡು ಓದುವ ಯಾರಿಗಾದರೂ. ಅದರೊಂದಿಗೆ ಅವರ ಚಿತ್ರವು ಅಂತಹ ಯಾವುದನ್ನೂ ಚಿತ್ರಿಸುವುದಿಲ್ಲ ಎಂದು ಹೇಳಿದರು.

ಪುಸ್ತಕ, ಛಾಯಾಚಿತ್ರ, ಪ್ರಕಾಶಕರು ಅಥವಾ ಲೇಖಕರು, ಈ ವ್ಯಕ್ತಿಗಳಲ್ಲಿ ಯಾರಿಗೂ ಸಿಗರೇಟ್ ಪ್ರಚಾರಕ್ಕೂ ಯಾವುದೇ ಸಂಬಂಧವಿಲ್ಲ. ಲೇಖಕಿ ಮತ್ತು ಪ್ರಕಾಶಕರು ಕೂಡ ಪ್ರಸಿದ್ಧರಾಗಿದ್ದಾರೆ. ಇದು ಸಿಗರೇಟ್ ಜಾಹೀರಾತು ಅಲ್ಲ ಎಂದು ಹೇಳಿ ನ್ಯಾಯಾಲಯವು ಮೇಲ್ಮನವಿಯನ್ನು ತಿರಸ್ಕರಿಸಿತು. ಮತ್ತು ಕೇರಳ ಹೈಕೋರ್ಟ್ ನೀಡಿದ ತೀರ್ಪನ್ನು ಎತ್ತಿಹಿಡಿದಿದೆ (ಏಜೆನ್ಸೀಸ್).