UKG ಸ್ಟೂಡೆಂಟ್​ ಫೀಸ್​ ಕಂಡು ಪೇರೆಂಟ್ಸ್​ ದಂಗು; ಟ್ವಿಂಕಲ್ ಸ್ಟಾರ್ ಪದ್ಯ ಕಲಿಯೋಕೆ ಇಷ್ಟೆಲ್ಲ ಕಟ್ಬೇಕಾ? ಎಂದು ಲೇವಡಿ.. Education

ಹೌದು ಯುಕೆಜಿ ಮಗುವೊಂದಕ್ಕೆ ಶಾಲೆಯ ಆಡಳಿತ ಮಂಡಳಿಯು 2.25  ಲಕ್ಷ ಫೀಸ್​ ಪೀಕಿದ್ದಾರೆ ಎಂದು ​ಸಾಕ್ಷಿ ಎಂಬ ಸಾಫ್ಟ್‌ವೇರ್ ಡೆವಲಪರ್ ಎಕ್ಸ್​ನಲ್ಲಿ ಪೋಸ್ಟ್​ ಹಂಚಿಕೊಂಡಿದ್ದಾರೆ. ನಾನು ಜೋಕ್​ ಮಾಡುತ್ತಿಲ್ಲ. ಶಾಲೆಯು ಕೊಟ್ಟ ರಿಸೀಪ್ಟ್​ ಸಮೇತ ಹಂಚಿಕೊಳ್ಳುತ್ತಿದ್ದೇನೆ ನೋಡಿ ಎಂದು ಪೋಸ್ಟ್​ ಮಾಡಿದ್ದಾರೆ.  

ಇಂದಿನ ಕಾಲದಲ್ಲಿ ಮಕ್ಕಳಿಗೆ ಶಿಕ್ಷಣ ಕೊಡಿಸೋದು ಕಷ್ಟ. ಇದೊಂದು ದೊಡ್ಡ ಹೊರೆ ಎನ್ನುವುದು ಪದೇ ಪದೇ ಸಾಬೀತಾಗುತ್ತಿದೆ. ಇದಕ್ಕೆ ಪೂರಕವಾಗಿ ​ ಯುಕೆಜಿಗೆ ಸೇರಿಸಲು ಮಗುವಿಗೆ 2.25 ಲಕ್ಷ ರೂಪಾಯಿ ವಾರ್ಷಿಕ ಶಾಲಾ ಶುಲ್ಕ ವಿಧಿಸಿರುವ  ಖಾಸಗಿ ಸಂಸ್ಥೆಯ  ಕ್ರಮಕ್ಕೆ ಪೋಷಕರು ಮತ್ತು ಸೋಶಿಯಲ್​ ಮೀಡಿಯಾ ಬಳಕೆದಾರರು ಹಿಗ್ಗಾಮುಗ್ಗ ಬೈದಾಡಿದ್ದಾರೆ.

ಅಲ್ಲ ಟ್ವಿಂಕಲ್​, ಟ್ವಿಂಕಲ್​ ಲಿಟಲ್​ ಸ್ಟಾರ್​ ಪದ್ಯ ಕಲಿಯಲು 2.25 ಲಕ್ಷ ಶಾಲಾ ಶುಲ್ಕ ಕಟ್ಟಬೇಕೆ. ಅಲ್ಲ ನಾನು ಜೋಕ್​ ಮಾಡುತ್ತಿಲ್ಲ. ನೀವೆ ಶಾಲಾ ಶುಲ್ಕದ ಈ ಪಟ್ಟಿ ನೋಡಿ ಎಂದು ಬಿಲ್​ ಹಂಚಿಕೊಂಡಿದ್ದಾರೆ.

​ಪ್ರವೇಶ ಶುಲ್ಕ;  15,000 ರೂ., ಕಾಷನ್ ಮನಿ 33,000 ರೂ. (ಹಿಂತಿರುಗಿಸಲಾಗದ ಶುಲ್ಕ) , ಬೋಧನಾ ಶುಲ್ಕ, ಲೈಬ್ರರಿ ಮತ್ತು ಜಿಮ್‌ಖಾನಾ ಶುಲ್ಕ ಎಲ್ಲವೂ ಸೇರಿ 2.25 ಲಕ್ಷ ರೂ. ಅಚ್ಚರಿಯ ವಿಷಯವೆಂದರೆ, ಈ ಭಾರಿ ಮೊತ್ತದ ಶುಲ್ಕದಲ್ಲಿ ಶಾಲಾ ಶೂಗಳು, ಸಾಕ್ಸ್ ಮತ್ತು ಕೆಫೆಟೇರಿಯಾ ಊಟದ ವೆಚ್ಚಗಳು ಒಳಗೊಂಡಿಲ್ಲ ಇವುಗಳಿಗೆ ಪೋಷಕರು ಪ್ರತ್ಯೇಕವಾಗಿ ಹಣ ಪಾವತಿಸಬೇಕಾಗುತ್ತದೆ ಎಂದು ದಂಗಾಗಿ ಟ್ವೀಟ್ ಮಾಡಿದ್ದಾರೆ. 

ಇದನ್ನು ಓದಿ: 'MGR​ ಮಡಿಲಲ್ಲಿ ಆಡಿ ಬೆಳೆದವ ನಾನು.. ಎಂದಿಗೂ ಅವರ ಹೆಸರು ರಾಜಕೀಯಕ್ಕೆ ಬಳಸಿಕೊಂಡಿಲ್ಲ'; Kamal Hassan

ನಿಜಕ್ಕೂ ಶಿಕ್ಷಣ ವ್ಯವಸ್ಥೆಯ ಹಿಡಿತ ಹಾದಿ ತಪ್ಪಿದೆ. ಇವರು ಹಣಬಾಕತನವು ಮಿತಿ ಮೀರುತ್ತಿದೆ. ಇದು ಶಿಕ್ಷಣವಲ್ಲ, ಸಂಪೂರ್ಣ ಬಂಡವಾಳಶಾಹಿ ವ್ಯವಸ್ಥೆ ಎಂದು ಎಕ್ಸ್​ ಬಳಕೆದಾರರೊಬ್ಬರು ಕಿಡಿಕಾರಿದ್ದಾರೆ. ಇನ್ನು ಮತ್ತೊಬ್ಬರು ಐಷಾರಾಮಿ ಶಾಲೆಗೆ ಸೇರಿಸುವ ಬದಲು   ಗುಣಮಟ್ಟದ ಶಿಕ್ಷಣ ಇರುವ ಶಾಲೆಗೆ ಸೇರಿಸಿ ಎಂದಿದ್ದಾರೆ.

ಇಷ್ಟೆಲ್ಲ ಹಣ ವಸೂಲಿ ಮಾಡಿಕೊಳ್ಳುತ್ತಿದ್ದರು ಸರ್ಕಾರ ಹಳ್ಳ ತಪ್ಪಿರೋದಾದರೂ ಯಾಕೆ? ಈ ಬಗ್ಗೆ ಯಾವುದೇ ಕ್ರಮ ಕೈಗೊಳ್ಳದೆ ಕೈಕಟ್ಟಿ ಕುಳಿತಿರೋದಾದರೂ ಯಾಕೆ ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ, (ಏಜೆನ್ಸೀಸ್​​).